பூளைப் பூ

    

திருமுறை வனம்: 

index பகுதிக்கு செல்ல..➡️: | அட்டவணை பகுதி

பூளைப் பூ  

தகவல் பலகை	விவரம்
மலர்	பூளைப் பூ (Mountain Knot Grass)
அறிவியல் பெயர்	Aerva lanata  (Family: Amaranthaceae)
சராசரி வாழும் காலம்	இது ஓராண்டு அல்லது சில ஆண்டுகள்  வளரக்கூடிய சிறுசெடி (Subshrub).
உணவு	முழுமையான சூரிய ஒளி: தரிசு நிலங்களிலும், சாலை ஓரங்களிலும் வெயிலைத் தாங்கி வளரும்.  💧 குறைந்த நீர்: வறட்சியைத் தாங்கும் தன்மை கொண்டது.  🌱 அனைத்து வகை மண்: மணற்பாங்கான இடங்களில் நன்கு வளரும்.
குறிப்புகள்	🍃 இலை: முட்டை வடிவில், சிறியதாக இருக்கும்.   மலர்: பூக்கள் மிகச்சிறியதாக, வெள்ளை நிறத்தில், பஞ்சு உருண்டைகளை ஒரு நூலில் கோர்த்தது போல (Spikes) அடர்த்தியாக இருக்கும்.  பார்ப்பதற்குப் பனித்துளிகள் படிந்தது போன்ற தோற்றத்தைத் தரும். காப்புக் கட்டுதல்: பொங்கல் திருநாளில் "வேப்பிலை, ஆவாரம்பூ, பூளைப்பூ" ஆகிய மூன்றையும் சேர்த்து வீட்டின் வாசலில் காப்புக் கட்டுவார்கள். இது தீய சக்திகளை அண்டவிடாது என்பது நம்பிக்கை. கணுப் பண்டிகை: பெண்கள் தங்கள் சகோதரர்களின் நலனுக்காகச் செய்யும் வழிபாட்டில் இப்பூக்கள் முக்கியப் பங்கு வகிக்கின்றன. சிறுநீரக ஆரோக்கியத்தில் இது ஒரு "இயற்கை நிபுணர்": நச்சு நீக்கம்: இரத்தத்தில் உள்ள கழிவுகளை வெளியேற்றி உடலைத் தூய்மைப்படுத்த உதவுகிறது. உடல் சூடு: இதன் பூக்களைத் தண்ணீரில் இட்டுக் காய்ச்சி குடிப்பதன் மூலம் கோடை கால உடல் சூடு தணியும். சிறுநீரகக் கற்கள் (Kidney Stones): பூளைப்பூவின் சமூலம் (வேர் முதல் பூ வரை) சிறுநீரகக் கற்களைக் கரைப்பதில் மிகச்சிறந்த மருந்து. இதனைச் சித்த மருத்துவத்தில் "சிறுநீர்ப்பெருக்கி" (Diuretic) என்பார்கள்.
இடம் பெற்றுள்ள திருமுறைகள்	12

---

வாளை யுங்கய லும்மிளிர் பொய்கை    
          வார்பு னற்கரை யருகெ லாம்வயற்    
பாளையொண் கமுகம் புறவார் 
        பனங்காட்டூர்ப்    
பூளை யுந்நறுங் கொன்றை யும்மத    
          மத்த மும்புனை வாய்க ழலிணைத்    
தாளையே பரவுந் தவத்தார்க் கருளாயே. 2-53- 3

நாளைப் போவேன் என்று 
          நாள்கள் செலத் தரியாது
பூளைப் பூவாம் பிறவிப் 
          பிணிப்பு ஒழியப் போவாராய்ப் 
பாளைப் பூங்கமுகுடுத்த பழம் 
          பதியினின்றும் போய்
வாளைப் போத்து எழும் பழனஞ் 
          சூழ் தில்லை மருங்கணைவார்.  12-24-22

பூளைபுனை கொன்றையொடு புரிசடையி னானைப்
         புனலாகி அனலாகிப் பூதங்கள் ஐந்தாய்
நாளைஇன்று நெருநலாய் ஆகாய மாகி
         ஞாயிறாய் மதியமாய் நின்றவெம் பரனைப்
பாளைபடு பைங்கமுகின் சூழலிளந் தெங்கின்
         படுமதஞ்செய் கொழுந்தேறல் வாய்மடுத்துப் பருகிக்
காளைவண்டு பாடமயில் ஆலும்வளர் சோலைக்
         கானாட்டு முள்ளூரிற் கண்டுதொழு தேனே.   4  காளையர்கள் ஈளையர்கள்  
          ஆகிக் கருமயிரும்
பூளையெனப் பொங்கிப் 
          பொலிவழிந்து - சூளையர்கள்
ஓகாளஞ் செய்யாமுன் 
          நெஞ்சமே உஞ்சேனை
மாகாளங் கைதொழுது வாழ்த்து.   13 

புற்றின் நாகமும் பூளையும் வன்னியுங்
கற்றை வார்சடை வைத்தவர் காழியுட்
பொற்றொ டியோ டிருந்தவர் பொற்கழல்
உற்ற போதுடன் ஏத்தி யுணருமே.   4