செருந்தி

திருமுறை வனம்: 

index பகுதிக்கு செல்ல..➡️: | அட்டவணை பகுதி

செருந்தி 

தகவல் பலகை	விவரம்
மரம்	செருந்தி
அறிவியல் பெயர்	Ochna integerrima (பொன் செருந்தி என பொதுவாக குறிக்கப்படும்) .
சராசரி வாழும் காலம்	80 முதல் 100 ஆண்டுகள்.
உணவு	நிறைந்த சூரிய ஒளி.  ஈரப்பதம்: ஆற்றங்கரைகள் மற்றும் கடற்கரை ஓரங்களில் (நெய்தல் நிலம்) நன்கு வளரும்.  மணல் கலந்த வண்டல் மண்
குறிப்புகள்	மலர்: இதன் சிறப்பு அதன் மலர்களே. ஐந்து இதழ்களைக் கொண்ட பிரகாசமான மஞ்சள் நிறப் பூக்கள்.  பூக்கள் பூத்துக் குலுங்கும்போது மரம் முழுவதும் தங்கம் பூசியது போலத் தோன்றும்.  இலை: நீண்ட நீள்வட்ட வடிவம் கொண்டது. இலையின் ஓரங்கள் ரம்பம் போலச் சிறிய பற்களைக் கொண்டிருக்கும்.  கனி: இதன் பழங்கள் முதலில் பச்சையாக இருந்து, பின் கருப்பு நிறமாக மாறும்.  பழத்தைச் சுற்றி இதழ்கள் சிவப்பாக மாறி ஒரு பூவைப் போலவே காட்சியளிக்கும் (இதனை "Mickey Mouse Plant" என்றும் அழைப்பார்கள்). மருத்துவம்: இதன் பட்டை மற்றும் வேர் இரத்தத்தைச் சுத்திகரிக்கப் பயன்படுகிறது.  செரிமானக் கோளாறுகளை நீக்க இதன் இலைகள் மருந்தாகின்றன. இது ஒரு சிறந்த நச்சு நீக்கி (Detoxifier).  பல்லுயிர் சூழல்: இதன் பிரகாசமான நிறம் வண்டுகளையும் தேனீக்களையும் அதிக அளவில் ஈர்க்கும்.  பயன்பாடு: இதன் மரம் மிகவும் உறுதியானது. முற்காலத்தில் படகுகளின் சில பாகங்கள் செய்யப் பயன்படுத்தப் பட்டது.
இடம் பெற்றுள்ள திருமுறைகள்

பாங்கிலா அரக்கன் கலைஅன்று எடுப்பப்
      பலதலை முடியொடு தோள் அவை நெரிய
ஓங்கிய விரலால் ஊன்றியன் றவற்கே
      ஒளிதிகழ் வாளது கொடுத்தழ காய
கோங்கொடு செருந்தி கூவிள மத்தம்
      கொன்றையுங் குலாவிய செஞ்சடைச் செல்வர்
வேங்கைபொன் மலரார் விரைதரு கோயில்
      வெங்குரு மேவியுள் வீற்றிருந் தாரே.8  கொங்கு செருந்தி கொன்றை மலர்கூடக்
கங்கை புனைந்த சடையார் காழியார்  
அங்கண் அரவம் ஆட்டும் அவர்போலாம் 
செங்கண் அரக்கர் புரத்தை யெரித்தாரே.  1-24-6  பின்தாழ் சடைமேல் நகுவெண் 
      தலையர் பிரமன் தலையேந்தி
மின்தா ழுருவிற் சங்கார் 
      குழைதான் மிளிரும் ஒருகாதர்
பொன்தாழ் கொன்றை செருந்தி 
      புன்னை பொருந்து செண்பகம்
சென்றார் செல்வத் திருவார் 
      நறையூர்ச் சித்தீச் சரத்தாரே.   4  இருந்தவன்கி டந்தவன்னிடந்துவிண் பறந்துமெய்
வருந்தியும் அளப்பொணாத வானவன் மகிழ்ந்தவூர்
செருந்திஞாழல் புன்னைவன்னிசெண்பகஞ் செழுங்குரா
அரும்புசோலை வாசநாறும் அந்தண் ஆரூர் என்பதே.   9  மாலினோடு அயன்காண்டற்கு அரியவர்வாய்ந்த
வேலையார் விடமுண்டவர்மே வியகோயில்
சேலின்நேர் விழியார் மயிலா லச்செருந்தி
காலையே கனகம் மலர்கின்ற சாய்க்காடே.   2-38-9  செம்பொ னார்தரு வேங்கையும்
      ஞாழலுஞ் செருந்தி செண் பகம்ஆனைக்
கொம்பும் ஆரமும் மாதவி
      சுரபுனை குருந்தலர் பரந்துந்தி
அம்பொன் நேர்வரு காவிரி
      வடகரை மாந்துறை யுறைகின்ற
எம்பி ரானிமை யோர்தொழு
      பைங்கழல் ஏத்துதல் செய்வோமே.   1  மருந்தவை மந்திரம் மறுமை

        நன்நெறி அவை மற்றும் எல்லாம்
அருந்துயர் கெடும் அவர் நாமமே
      சிந்தைசெய் நன்னெஞ்சமே
பொருந்துதண் புறவினிற் கொன்றை

    பொன் சொரி தர துன்றுபைம்பூஞ்
செருந்திசெம் பொன்மலர் திருநெல்வேலி 
      உறை செல்வர்தாமே.   1  வருந்திவா னோர்கள்வந்தடையமா நஞ்சுதான்
அருந்திஆர் அமுதவர்க்கருள்செய்தான் அமருமூர்
செருந்திபூ மாதவிப்பந்தர்வண் செண்பகந்
திருந்துநீள் வளர்பொழில்தென்குடித் திட்டையே.   5  பரிந்துநன் மனத்தால் வழிபடும் மாணி
      தன்னுயிர் மேல்வருங் கூற்றைத்
திரிந்திடா வண்ணம் உதைத்தவற் கருளுஞ்
      செம்மையார் நம்மையா ளுடையார்
விரிந்துயர் மௌவல் மாதவி புன்னை
      வேங்கைவண் செருந்திசெண் பகத்தின்
குருந்தொடு முல்லை கொடிவிடும் பொழில்சூழ்
      கோணமா மலையமர்ந் தாரே.   6 

ஞாழலுஞ் செருந்தியும்நறுமலர்ப் புன்னையுந்
தாழைவெண் குருகயல் தயங்கு கானலில்
வேழம துரித்தவெண்காடு மேவிய
யாழின திசையுடை  இறைவ ரல்லரே.   4  

நேடும்அய னோடுதிரு மாலும்
      உணராவகை நிமிர்ந்துமுடிமேல்
ஏடுலவு திங்கள்மத மத்தம் 
      இதழிச்சடையெம் ஈசனிடமாம்
மாடுலவு மல்லிகை குருந்துகொடி
      மாதவி செருந்திகுரவின்
ஊடுலவு புன்னைவிரி தாதுமலி
      சேருதவி மாணிகுழியே   9  அருந்தவ மாமுனிவர்க்கு 
      அருளாகி ஓர் ஆல் அதன்கீழ்
இருந்து அறமே புரிதற்கு 
      இயல்பாகிய தென்னைகொலாம்
குருந்தயலேகுரவம்
      அரவின் எயிறேற்றரும்பச்
செருந்திசெம் பொன்மலரும் 
  திருநாகேச் சரத்தானே.   2  பரிந்த சுற்றமும் மற்றுவன் றுணையும்
      பலருங் கண்டழு தெழவுயிர் உடலைப்
பிரிந்து போமிது நிச்சயம் அறிந்தாற்
     பேதை வாழ்வெனும் பிணக்கினைத் தவிர்ந்து
கருந்த டங்கண்ணி பங்கனை உயிரைக்
      கால காலனைக் கடவுளை விரும்பிச்
செருந்தி பொன்மலர் திருத்தினை நகருட்
      சிவக்கொ ழுந்தினைச் சென்றடை மனனே.   8  

செருந்தி செம்பொன் மலருஞ் சோலை
      இதுவோ திருவாரூர்
பொருந்தித் திருமூ லட்டா னம்மே
      இடமாக் கொண்டீரே
இருந்தும் நின்றுங் கிடந்தும் உம்மை
      இகழாது ஏத்துவோம்
வருந்தி வந்தும் உமக்க்கு ஒன்று உரைத்தால்
      வாழ்ந்து போதீரே.   10  

இருந்திரைத் தரளப் பரவைசூழ் அகலத்து
      எண்ணிலங் கண்ணில்புன் மாக்கள்
திருந்துயிர்ப் பருவத்து அறிவுறு கருவூர்த்
      துறைவளர் தீந்தமிழ் மாலை
பொருந்தருங் கருணைப் பரமர்தம் கோயில்
      பொழிலகங் குடைந்துவண்டு உறங்கச்
செருந்திநின்று அரும்பும் பெரும்பற்றப் புலியூர்த்
      திருவளர் திருச்சிற்றம் பலமே.   11  இருவேலி தன்னை  இடையிருத்தி ஈண்டு
மருவோடு மல்லிகையை வைத்தாங் - கருகே

கருமுகையைக் கைகலக்க வைத்துக் கழுநீர்ப்
பெருகு பிளவிடையே பெய்து - முருகியலும்

புன்னாகந் தன்னைப் புணர இருவாச்சி
தன்அயலே முல்லை தலையெடுப்ப - மன்னிய

வண்செருந்தி வாய்நெகிழ்ப்ப மெளவல் அலர்படைப்பத்
தண்குருந்தம் மாடே தலையிறக்க - ஒண்கமலத்

தாதடுத்த கண்ணியால்  தண்ணறுங் குஞ்சிமேற்
போதடுத்த கோலம் புனைவித்துக் - காதிற்.   95 வன்னி கொன்றை வழை சண்பகம் ஆரம் 
      மலர்ப் பலாசொடு செருந்தி மந்தாரம் 
கன்னி காரங் குரவங் கமழ் புன்னை 
      கற்பு பாடலம் கூவிளம் ஓங்கித் 
துன்னு சாதி மரு மாலதி மௌவல் 
      துதைந்த நந்திகரம் வீரம் மிடைந்த 
பன் மலர்ப் புனித நந்த வனங்கள் 
      பணிந்து சென்றனன் மணங்கமழ் தாரான்.  12-6- 94கெழு மலர் மாதவி புன்னை 
      கிளைஞாழல் தளை அவிழும்
கொழு முகைய சண்பகங்கள் குளிர் 
      செருந்தி வளர் கைதை
முழு மணமே முந் நீரும் 
      கமழ மலர் முருகு உயிர்க்கும்
செழு நிலவின் துகள் அனைய 
      மணல் பரப்பும் திருப்பரப்பு.   4  தூய வெண் துறைப் 
      பரதவர் தொடுப்பன வலைகள்
சேய நீள் விழிப் 
      பரத்தியர் தொடுப்பன செருந்தி
ஆய பேர் அளத் 
      தளவர்கள் அளப்பன உப்பு
சாயன் மெல்லிடை 
      அளத்தியர் அளப்பன தரளம்.   34  நாளி கேரம்  செருந்தி
      நறுமலர் நரந்தம் எங்கும்
கோளி சாலந்த மாலம்
      குளிர்மலர்க் குரவம் எங்கும்
தாளிரும் போந்து சந்து
      தண்மலர் நாகம் எங்கும்
நீளிலை வஞ்சி காஞ்சி
      நிறைமலர்க் கோங்கம் எங்கும்.   28