தாமரை

 திருமுறை வனம்: 

index பகுதிக்கு செல்ல..➡️: | அட்டவணை பகுதி

தாமரை 

தகவல் பலகை	விவரம்
மலர்	தாமரை
அறிவியல் பெயர்	Nelumbo nucifera (Indian Lotus / Sacred Lotus)
சராசரி வாழும் காலம்	பொதுவாக 2–5 ஆண்டுகள் வரை நீரில் வளர்கிறது
உணவு	நீர்நிலைத் தாவரம்என்பதால் நீர், சூரியஒளி மற்றும் மண் சத்துகளை Photosynthesis மூலம் உறிஞ்சி வளர்கிறது.
குறிப்புகள்	தாமரை இந்தியாவின் தேசிய மலர், தூய்மை, அழகு, ஆன்மீகம் ஆகியவற்றின் சின்னமாக கருதப்படுகிறது. தண்ணீரில் வளர்ந்தாலும் அதன் இலைகளும் மலர்களும் எப்போதும் சுத்தமாகவும் தூய்மையாகவும் இருக்கும். தெய்வங்களில் மகாலட்சுமி மற்றும் பிரம்மா பெருமான் தாமரையில் அமர்ந்திருப்பதாகச் சொல்லப்படுகிறது. தாமரை தன்னம்பிக்கை, மனநிறைவு மற்றும் தெய்வீகத்தின் அடையாளம்.
இடம் பெற்றுள்ள திருமுறைகள்

பல்லுயிர் வாழும் தெண்ணீர்ப்
          பழமண்ணிப் படிக்கரையை
அல்லியந் தாமரைத்தார்
          ஆரூரன் உரைத்ததமிழ்
சொல்லுதல் கேட்டல்வல்லார்
          அவர்க்கும் தமர்க்கும் கிளைக்கும்
எல்லியும் நண்பகலும்
          இடர்கூருதல் இல்லை அன்றே.  7-22-10


செங்குவளை பறித்தணிவார்
          கருங்குழல்மேல் சிறைவண்டை
அங்கைமலர்க் களைக்கொடுகைத்தயல்
          வண்டும் வரவழைப்பார்
திங்கள்நுதல் வெயர்வரும்பச்
          சிறுமுறுவல் தளவரும்பப்
பொங்குமலர்க் கமலத்தின்
          புதுமதுவாய் மடுத்தயர்வார்.  12-3-14

அங்கணனை அடியாரை ஆராத காதலினால்
பொங்கிவரும் உவகையுடன் தாம் விரும்பிப் பூசிப்பார்
பங்கய மா மலர் மேலான் பாம்பணையான் என்று இவர்கள்
தங்களுக்கும் சார்வரிய சரண் சாரும் தவம் உடையார்.  (12:64:3)  

காரண பங்கயம் ஐந்தின் கடவுளர்  தம் பதம் கடந்து
பூரண மெய்ப் பரஞ்சோதி பொலிந்து இலங்கு நாதாந்தத்து
ஆரணையால் சிவத்து அடைந்த சித்தத்தார் தனி மன்றுள்
ஆரண காரணக் கூத்தர் அடித்தொண்டின் வழி அடைந்தார்.  (12:66:1 )