ஆத்திச்சூடி - 10

௨

ஒளவையார் அருளிச்செய்த

ஆத்திச்சூடி

தகவல் பலகை	விவரம்
நூல் பெயர்	ஆத்திச்சூடி
நூல் ஆசிரியர்	ஒளவையார்
காலம்	12ம் நூற்றாண்டுக்கு முன்

---

101. வித்தை விரும்பு

அறிவு தரும் கலைகளையும், நல் கல்வியையும் எப்போதும் ஆர்வத்தோடு கற்றுக்கொள்ள விரும்ப வேண்டும்.

102. வீடு பெற நில்

இம்மை வாழ்வின் பற்றுகளை நீக்கி, ஆன்மாவின் உய்வு நிலைக்காகவும் முத்திப் பேற்றிற்காகவும் தவம் மற்றும் நல்நெறியில் நிற்க வேண்டும்.

103. உத்தமனாய் இரு

உயர்ந்த நற்குணங்களைக் கொண்ட உத்தமனாக வாழப் பழக வேண்டும். அதுவே வாழ்க்கையின் தரத்தை உயர்த்தும்.

104. ஊருடன் கூடி வாழ்

ஊர் மக்களுடன் கலந்து, அவர்களின் நல்ல தீய காரியங்களில் பங்கேற்று, நட்பு பாராட்டி அன்புடன் வாழ வேண்டும்.

105. வெட்டெனப் பேசேல்

யாருடனும் கடுமையாக, வெட்டு ஒன்று துண்டு இரண்டு என்பது போலப் பேசக் கூடாது. எல்லோரிடமும் அன்பாகப் பேச வேண்டும்.

106. வேண்டி வினை செய்யேல்

தெரிந்தே யாருக்கும் தீமையோ அல்லது தீவினையோ செய்யக் கூடாது.

107. வைகறைத் துயில் எழு

சூரிய உதயத்திற்கு முன்பே, அதிகாலையிலேயே (வைகறைப் பொழுதில்) தூக்கத்திலிருந்து எழ வேண்டும். அது உடலுக்கும் மனதிற்கும் தெய்வீக ஆற்றலைத் தரும்.

108. ஒன்னாரைத் தேறேல்

பகைமை குணம் கொண்டவர்களையும், துரோகம் செய்பவர்களையும் ஒருபோதும் முழுமையாக நம்பித் தெளியக் கூடாது.

109. ஓரம் சொல்லேல்

எந்த ஒரு காரியத்திலும் ஒரு பக்கச் சார்பாக (Partiality) நடுவுநிலைமை தவறிப் பேசக் கூடாது; எப்போதும் நீதியோடும் நேர்மையோடும் இருக்க வேண்டும்.

-----