ஆத்திச்சூடி -2

௨

ஒளவையார் அருளிச்செய்த

ஆத்திச்சூடி

தகவல் பலகை	விவரம்
நூல் பெயர்	ஆத்திச்சூடி
நூல் ஆசிரியர்	ஒளவையார்
காலம்	12ம் நூற்றாண்டுக்கு முன்

---

14. கண்டொன்று சொல்லேல்

ரகசியத்தை வெளியே சொல்லக் கூடாது என்பது போல, கண்ணால் கண்டதற்கு மாறாக உண்மைக்கு மாறான பொய்களை ஒருபோதும் சொல்லக் கூடாது.

15. ஙப்போல் வளை

பல நெளிவு சுழிவுகளைக் கொண்ட எழுத்து “ங”. அது போல நட்பு மற்றும் உறவுகளுடன் பழகும் போது, விட்டுக் கொடுத்து வளைந்து வாழ வேண்டும்.

16. சனி நீராடு

சோதிடத்தில் எண்ணெயைக் குறிக்கும் கிரகம் சனி. சனியினால் வரும் பாதிப்புகளைத் தவிர்க்க, சனிக்கிழமை தோறும் நல்லெண்ணெய் தேய்த்துக் குளிப்பதைத் தினசரி வழக்கமாகக் கொள்ள வேண்டும்.

17. ஞயம்பட உரை

சொல்ல வரும் விஷயத்தை மற்றவர்கள் கவனித்து ஏற்கும் படியாக, இனிமையாகவும் மென்மையாகவும் சொல்ல வேண்டும். அதுவே இருவருக்கும் பயன் தரும்.

18. இடம்பட வீடு இடேல்

பணம் இருக்கிறது அல்லது கடன் கிடைக்கிறது என்பதற்காக, தேவைக்கு அதிகமாக ஆடம்பரமாகச் செலவு செய்து பெரிய வீட்டைக் கட்டக் கூடாது. அது சொந்தமாக இருந்தாலும் சரி, வாடகையாக இருந்தாலும் சரி.

19. இணக்கமறிந்து இணங்கு

பார்த்தவுடனே ஒருவரிடம் நட்பு கொள்ளக் கூடாது. அவருடைய இயல்பும் நற்குணமும் தெரிந்த பிறகே நட்பு கொள்ள வேண்டும். இது பின்னாளில் வரும் ஏமாற்றத்தைத் தவிர்க்கும்.

20. தந்தை தாய் பேண்

பேணிக் காப்பது என்பது அவர்கள் மனம் வருந்தாமல் பார்த்துக் கொள்வதாகும். அத்தகைய அன்புடனும் மதிப்புடனும் பெற்றோர்களைப் பேணிக் காக்க வேண்டும்.

21. நன்றி மறவேல்

மறந்து விடும் செயல் அல்ல நன்றி. நமக்குச் செய்த உதவிகளை உயிர் உள்ளவரை உள்ளத்தில் வைத்து எண்ண வேண்டும். அந்த நன்றியுணர்வே வாழ்வை அர்த்தமுள்ளதாக்கும்.

22. பருவத்தே பயிர் செய்

காலம் அறிந்து செய் என்பது பயிர்களை விதைப்பதில் மட்டுமல்ல, வாழ்க்கையின் ஒவ்வொரு செயலிலும் தான். உரிய பருவத்தில் செய்ய வேண்டிய காரியங்களை அப்பருவத்திலேயே செய்து முடிக்க வேண்டும்.

23. மன்பறித்து உண்ணேல்

உண்ட வீட்டிற்கு இரண்டகம் செய்து வாழ்வது குற்றமாகும். பதவியைத் தவறாகப் பயன்படுத்தித் தன் நலத்திற்காகப் பிறர் பொருளைப் பறித்துச் சம்பாதிப்பது போன்ற செயல்களைச் செய்யக் கூடாது.

24. இயல்பு அலாதன செய்யேல்

இயற்கை மற்றும் நல்லொழுக்கத்திற்கு மாறான தீய செயல்களைச் செய்யக் கூடாது. பிறர் செய்கிறார்கள் என்ற எண்ணத்தில் தவறான வழியைப் பின்பற்றினால் அது தீமையில் முடியும்.

25. அரவம் ஆட்டேல்

விஷத் தன்மை (toxic relation) கொண்டவர்களுடன் விளையாட்டாகக் கூடப் பேசி நட்பு கொள்ளக் கூடாது. இவர்களால் எப்போதுமே ஆபத்து வரும்.

26. இலவம் பஞ்சில் துயில்

இலவம் பஞ்சு மென்மையாக இருக்கும். அது போல இரவுத் தூக்கம் அமைதியாக இருக்க வேண்டும். சமூக வலைத்தளங்களைப் பார்த்துக் கொண்டே தூங்கக் கூடாது.

---