திருமுறை வனம்: - பாதிரி

 திருமுறை வனம்: 

index பகுதிக்கு செல்ல..➡️: | அட்டவணை பகுதி

பாதிரி 

தகவல் பலகை	விவரம்
மரம்	பாதிரி (Padri / Yellow Snake Tree)
அறிவியல் பெயர்	Stereospermum chelonoides
சராசரி வாழும் காலம்	40–60 ஆண்டுகள்
குறிப்புகள்	பட்டை, வேர் – சித்தா & ஆயுர்வேத மருந்துகள் மரம் – இலகுரக கட்டுமான வேலைகள் பூக்கள் – வாசனை, அலங்காரம் 🌼 மிதமான உயரம் கொண்ட மரம் 🌼 மஞ்சள்–க்ரீம் நிற மணமுள்ள பூக்கள் 🌼 கோடை காலத்தில் பூக்கும் 🌼 வறண்ட மற்றும் அரை ஈர நிலங்களில் வளரும்
இடம் பெற்றுள்ள திருமுறைகள்	2,3,7,10

கோங்கு செண்பகம் குருந்தொடு
          பாதிரி குரவிடை மலருந்தி
ஓங்கி நீர்வரு காவிரி
          வடகரை மாந்துறை உறைவானைப்
பாங்கி னால் இடும் தூபமும்
          தீபமும் பாட்டவி மலர்சேர்த்தித்
தாங்கு வார் அவர் நாமங்கள்
          நாவினில் தலைப்படும் தவத்தோரே.   2:110:5  

கோங்கமே குரவமே கொழுமலர்ப்
          புன்னையே கொகுடிமுல்லை
வேங்கையே ஞாழலே விம்மு
          பாதிரிகளே விரவி எங்கும்
ஓங்குமா காவிரி வடகரை
          அடை குரங்காடு துறை
வீங்குநீர்ச் சடைமுடி அடிகளார்
          இடம் என விரும்பினாரே.   3:91:1 

கோங்கமே குரவமே
          கொன்றையம் பாதிரி
மூங்கில்வந்து அணைதரு
          முகலியின் கரையினில்
ஆங்கு அமர் காளத்தி
          அடிகளை அடிதொழ
வீங்கு வெந்துயர் கெடும்
          வீடு எளிது ஆகுமே.   3:36:3  

இலங்கையர்கோன் சிரம் பத்தோடு இருபது திண் தோளுளும்
          இற்றலற ஒற்றைவிரல் வெற்பதன் மேல் ஊன்றி
நிலங்கிளர்நீர் நெருப்பொடு காற்று ஆகாசம் ஆகி
          நிற்பனவும் நடப்பனவாம் நின்மலனூர் வினவில்
பலங்கள்பல திரை உந்திப் பருமணிபொன் கொழித்துப்
          பாதிரி சந்த அகிலினொடு கேதகையும் பருகிக்
கலங்குபுனல் அலம்பிவரும் அரிசிலின் ஒன் கரைமேல்
          கயலுகளும் வயல்புடைசூழ் கலயநல்லூர் காணே.   7:16:7 

அம்புயம் நீலம் கழுநீர் அணிநெய்தல்
        வம்பவிழ் பூகமும் மாதவி மந்தாரம்
தும்பை வகுளம் சுரபுன்னை மல்லிகை
        செண்பகம் பாதிரி செவ்வந்தி சாத்திடே.   10:04:03:1