வன்னி

   திருமுறை வனம்: 

index பகுதிக்கு செல்ல..➡️: | அட்டவணை பகுதி

வன்னி 

தகவல் பலகை	விவரம்
மரம்	வன்னி மரம் (Vanni Maram / Shami Tree)
அறிவியல் பெயர்	Prosopis cineraria (L.) Druce
சராசரி வாழும் காலம்	100–200 ஆண்டுகள்
மருத்துவ குறிப்புகள்	மருத்துவப் பயன் (சித்தா / ஆயுர்வேதம்): தோல் நோய்கள் காயம் ஆறுதல் அழற்சி குறைப்பு சர்க்கரை நோய் கட்டுப்பாடு (பாரம்பரிய பயன்பாடு)
குறிப்புகள்	🔥 யாகத்தில், ஹோமம் — சமித்தாக பயன்படும் உலர் நிலங்களில் மண் வளம் பாதுகாக்கும் மரம் – எரிபொருள், கிராமிய பயன்பாடு  இலைகள் – மாடு, ஆடு தீவனம் வறண்ட பகுதிகளிலும் வளரும் — வறட்சியைத் தாங்கும் சக்தி பாண்டவர்களின் ஆயுதங்கள் வன்னி மரத்தில் மறைக்கப்பட்டதாக புராண குறிப்பு நிழல் தரும், மண் ஈரப்பதத்தை பாதுகாக்கும்
இடம் பெற்றுள்ள திருமுறைகள்

வானார்சோதி மன்னுசென்னி 
         வன்னிபு னங்கொன்றைத்
தேனார்போது தானார்கங்கை 
         திங்க ளொடுசூடி
மானேர்நோக்கி கண்டங்குவப்ப 
         மாலை யாடுவார்
கானூர்மேய கண்ணார்நெற்றி 
         ஆன்ஊர் செல்வரே.   1 

விண்டலர் மத்தமொடு மிளிரும்மிள 
          நாகம்வன்னி திகழ்
வண்டலர் கொன்றைநகு 
          மதிபுல்கு வார்சடையான்
விண்டவர் தம்புரம்மூன் றெரிசெய் 
          துரைவேதம் நான்குமவை
பண்டிசை பாடலினான் 
          உறைகோயில் பாதாளே.   7 

வழங்குதிங்கள் வன்னிமத்தம் 
          மாசுணம்மீ சணவிச்
செழுங்கல்வேந்தன் செல்விகாணத் 
          தேவர்திசை வணங்கத்
தழங்குமொந்தை தக்கைமிக்க 
          பேய்க்கணம் பூதஞ்சூழ
முழங்குசெந்தீ யேந்தியாடி 
          மேயதுமு துகுன்றே.   5 

பெரியமேருவரை யேசிலையா 
மலைவுற்றா ரெயில்மூன்றும்
எரியஎய்தவொரு வன்னிருவர்க் 
கறிவொண்ணா வடிவாகும்
எரியதாகியுற வோங்கியவன் 
வலிதாயந் தொழுதேத்த
உரியராகவுடை யார்பெரியா 
ரெனஉள்கும் முலகோரே.   9 

பிறையும்மர வும்முற வைத்த முடிமேல்
நறையுண்டெழு வன்னியு மன்னு சடையார்
மறையும்பல வேதிய ரோத ஒலிசென்
றறையும்புனல் அன்பிலா லந்துறை யாரே.   4 

உரவெங் கரியின் னுரிபோர்த்த
பரமன் னுறையும் பதியென்பர்
குரவஞ் சுரபுன் னையும்வன்னி
மருவும் மயிலா டுதுறையே.   2 

பொங்கார் சடையர் புனலர் 
          அனலர் பூதம் பாடவே
தங்கா தலியுந் தாமும் 
          உடனாய்த் தனியோர் விடையேறிக்
கொங்கார் கொன்றை வன்னி 
          மத்தஞ் சூடிக் குளிர்பொய்கைச்
செங்கால் அனமும் பெடையுஞ் 
          சேருஞ் சித்தீச் சரத்தாரே.   2 

கொக்கின் னிறகின் னொடுவன்னி
        புக்க சடையார்க் கிடமாகும்
திக்கின் னிசைதே வர்வணங்கும்
        அக்கின் னரையா ரதையாறே  3 

பண்ணிலாவும்மறை பாடலினானிறை 
சேரும்வளை யங்கைப்
பெண்ணிலாவவுடை யான்பெரியார்கழ 
லென்றுந் தொழுதேத்த
உண்ணிலாவியவர் சிந்தையுள்நீங்கா 
வொருவன் னிடமென்பர்
மண்ணிலாவும்அடி யார்குடிமைத்தொழில் 
மல்கும் புகலூரே.   3 

ஏறுமொன் றேறி நீறுமெய் பூசி
        இளங்கிளை அரிவையொ டொருங்குட னாகிக்
கூறுமொன் றருளிக் கொன்றையந் தாருங்
        குளிரிள மதியமுங் கூவிள மலரும்
நாறுமல் லிகையும் எருக்கொடு முருக்கும் 
        மகிழிள வன்னியும் இவைநலம் பகர
ஆறுமோர் சடைமேல் அணிந்தஎம் அடிகள்
        அச்சிறு பாக்கம தாட்சிகொண் டாரே.   7 

ஏறார்தரும் ஒருவன்பல 
வுருவன்னிலை யானான்
ஆறார்தரு சடையன்னன 
லுருவன்புரி வுடையான்
மாறார்புரம் எரியச்சிலை 
வளைவித்தவன் மடவாள்
வீறார்தர நின்றானிடம் 
விரிநீர்விய லூரே.   2 

வண்டணை கொன்றை வன்னியு மத்தம்
          மருவிய கூவிளம் எருக்கொடு மிக்க
கொண்டணி சடையர் விடையினர் பூதங்
          கொடுகொட்டி குடமுழாக் கூடியு முழவப்
பண்டிகழ் வாகப் பாடியொர் வேதம்
          பயில்வர்முன் பாய்புனற் கங்கையைச் சடைமேல்
வெண்பிறை சூடி உமையவ ளோடும் 
          வெங்குரு மேவியுள் வீற்றிருந் தாரே.   4 

ஊர்கின்ற அரவமொளி விடுதிங்க 
          ளொடுவன்னி மத்தமன்னும்
நீர்நின்ற கங்கைநகு வெண்டலைசேர் 
          செஞ்சடையான் நிகழுங்கோயில்
ஏர்தங்கி மலர்நிலவி யிசைவெள்ளி 
          மலையென்ன நிலவிநின்ற
கார்வண்டின் கணங்களாற் கவின்பெருகு 
          சுதைமாடக் கழுமலமே.   5 

வன்னிகொன்றை மத்தஞ்சூடும் 
          வலிவலமே யவனைப்
பொன்னிநாடன் புகலிவேந்தன் 
          ஞானசம் பந்தன்சொன்ன
பன்னுபாடல் பத்தும்வல்லார் 
          மெய்த்தவத்தோர் விரும்பும்
மன்னுசோதி யீசனோடே 
          மன்னியிருப் பாரே.  11 

கடியாரலங்கற் கொன்றைசூடிக் 
          காதிலொர் வார்குழையன்
கொடியார்வெள்ளை யேறுகந்த 
          கோவண வன்னிடமாம்
படியார்கூடி நீடியோங்கும் 
          பல்புக ழாற்பரவச்
செடியார்வைகை சூழநின்ற 
          தென்திருப் பூவணமே.   4 

நஞ்சணி கண்டன் எந்தை மடவாள் தனோடும்    
          விடையேறு நங்கள் பரமன்    
துஞ்சிருள் வன்னிகொன்றை முடிமே லணிந்தென்    
          உளமே புகுந்த அதனால்    
வெஞ்சின அவுணரோடும் உருமிடியும் மின்னும்    
          மிகையான பூத மவையும்    
அஞ்சிடும் நல்லநல்ல அவைநல்ல நல்ல    
          அடியா ரவர்க்கு மிகவே.   5

தகைமலி தண்டுசூலம் அனலுமிழு நாகங்            
          கொடுகொட்டி வீணை முரல            
வகைமலி வன்னிகொன்றை மதமத்தம் வைத்த           
          பெருமான் உகந்த நகர்தான்         
புகைமலி கந்தமாலை புனைவார்கள் பூசல்          
          பணிவார்கள் பாடல் பெருகி         
நகைமலி முத்திலங்கு மணல் சூழ் கிடக்கை        
          நனிபள்ளி போலும் நமர்காள்.   7 

    

கணிகையொர் சென்னிமன்னு மதுவன்னி கொன்றை    
          மலர்துன்று செஞ்ச டையினான்    
பணிகையின் முன்னிலங்க வருவேட மன்னு    
          பலவாகி நின்ற பரமன்    
அணுகிய வேதவோசை யகலங்கம் ஆறின்    
          பொருளான ஆதி யருளான்    
நணுகிய தொண்டர்கூடி மலர்தூவி யேத்து    
          நறையூரின் நம்ப னவனே.   6 

பூசுமாசில் பொடியான்
          விடையான் பொருப்பான்மகள்
கூசஆனை யுரித்த
          பெருமான் குறைவெண்மதி
ஈசனெங்கள் இறைவன்
          னிடம்போல் இரும்பைதனுள்
மாசிலோர்கண் மலர்கொண்
          டணிகின்ற மாகாளமே.   5 

இருந்தவன்கி டந்தவன்னி
          டந்துவிண் பறந்துமெய்
வருந்தியும் அளப்பொணாத
          வானவன் மகிழ்ந்தவூர்
செருந்திஞாழல் புன்னைவன்னி
          செண்பகஞ் செழுங்குரா
அரும்புசோலை வாசநாறும்
          அந்தணாரூ ரென்பதே.   9 

படங்கொள்நாகத் தணையானும்
          பைந்தா மரையின்மிசை
இடங்கொள்நால்வே தனுமேத்த
          நின்ற இறைவன்னிடம்
திடங்கொள்நாவின் இசைத்தொண்டர்
          பாடுந் திலதைப்பதி
மடங்கல்வந்து வழிபாடு
          செய்யும் மதிமுத்தமே.   9 

    

துன்று வார்சடைத் தூமதி மத்தமுந்            
          துன்னெருக் கார்வன்னி            
பொன்றி னார்தலைக் கலனொடு பரிகலம்            
          புலியுரி யுடையாடை            
கொன்றை பொன்னென மலர்தரு கோட்டூர்நற்            
          கொழுந்தேயென் றெழுவாரை            
என்று மேத்துவார்க் கிடரிலை கேடிலை            
          ஏதம்வந் தடையாவே.   6 

பிறைநி லாவிய சடையிடைப் பின்னலும்            
          வன்னியுந் துன்னாரும்            
கறைநி லாவிய கண்டர்எண் தோளினர்            
          காதல்செய் கீழ்வேளூர்            
மறைநி லாவிய அந்தணர் மலிதரு            
          பெருந்திருக் கோயில்மன்னும்            
நிறைநி லாவிய ஈசனை நேசத்தால்            
          நினைபவர் வினைபோமே.   7 

அடுத்தடுத்த கத்தியோடு வன்னிகொன்றை கூவிளம்
தொடுத்துடன் சடைப்பெய்தாய் துருத்தியாயோர் காலனைக்
கடுத்தடிப் புறத்தினானிறத்துதைத்த காரணம்
எடுத்தெடுத் துரைக்குமாறு வல்லமாகின் நல்லமே.   2 

விண்டவெள்ளெ ருக்கலர்ந்த
          வன்னிகொன்றை மத்தமும்
இண்டைகொண்ட செஞ்சடை
          முடிச்சிவனி ருந்தவூர்
கெண்டைகொண்ட லர்ந்த
          கண்ணி னார்கள்கீத வோசைபோய்
அண்டரண்டம் ஊடறுக்கும்
          அந்தணரூ ரென்பதே.   2 

வாள்வரி யதளதாடை வரிகோ வணத்தர்    
          மடவாள் தனோடு முடனாய்    
நாண்மலர் வன்னிகொன்றை நதிசூடி வந்தென்    
          உளமே புகுந்த அதனால்    
கோளரி யுழுவையோடு கொலையானை கேழல்    
          கொடுநாக மோடு கரடி    
ஆளரி நல்லநல்ல அவைநல்ல நல்ல    
          அடியா ரவர்க்கு மிகவே.   6 

வேள்பட விழிசெய்தன்று விடைமே லிருந்து    
          மடவாள் தனோடும் உடனாய்    
வாண்மதி வன்னிகொன்றை மலர்சூடி வந்தென்    
          உளமே புகுந்த அதனால்    
ஏழ்கடல் சூழிலங்கை அரையன்ற னோடும்    
          இடரான வந்து நலியா    
ஆழ்கடல் நல்லநல்ல அவைநல்ல நல்ல    
          அடியா ரவர்க்கு மிகவே.   8 

உடைநவின் றாருடைவிட் டுழல்வார்
          இருந் தவத்தார்
முடைநவின் றம்மொழி
          யொழித்துகந்தம் முதல்வன்னிடம்
மடைநவின்ற புனற்கெண்டை
          பாயும்வயல் மலிதரக்
கடைநவின்றந் நெடுமாடம்
          ஓங்குங்கடற் காழியே.   10 

வம்பார் கொன்றை வன்னி
          மத்தம் மலர்தூவி
நம்பா வென்ன நல்கும்
          பெருமான் உறைகோயில்
கொம்பார் குரவு கொகுடி
          முல்லை குவிந்தெங்கும் 
மொய்ம்பார் சோலை வண்டு
          பாடும் முதுகுன்றே.   6 

வன்னி கொன்றை மதமத்தம்
          எருக்கொடு கூவிளம்
பொன்னி யன்றசடை யிற்பொலி
          வித்தபு ராணனார்
தென்ன வென்றுவரி வண்டிசை
          செய்திரு வாஞ்சியம்
என்னை யாளுடை யானிடம்
          ஆக உகந்ததே.   1 

ஏடுமலி கொன்றையர
          விந்துஇள வன்னி
மாடவல செஞ்சடையெம்
          மைந்தனிட மென்பர்
கோடுமலி ஞாழல்குர
          வேறுசுர புன்னை
நாடுமலி வாசமது
          வீசியநள் ளாறே.   1 

வரைத்தலம் எடுத்தவன்
          முடித்தலம்உ ரத்தொடும்
நெரித்தவன்பு ரத்தைமுன்
          னெரித்தவன்னி ருந்தவூர்
நிரைத்தமாளி கைத்திருவின்
          நேரனார்கள் வெண்ணகை
அரத்தவாய்ம டந்தைமார்கள்
          ஆடுமாரூ ரென்பதே.   8 

கங்கை திங்கள் வன்னிதுன்
          எருக்கின்னொடு கூவிளம்
வெங்கண்நாகம் விரிசடையில்
          வைத்த விகிர்தன்னிடம்
செங்கயல்பாய் புனலரிசில்
          சூழ்ந்த திலதைப்பதி
மங்குல்தோயும் பொழில்சூழ்ந்
          தழகார் மதிமுத்தமே.   4 

கொள்ளிநக்க பகுவாய
          பேய் கள்குழைந் தாடவே
முள்ளிலவம் முதுகாட்
          டுறையும்முதல் வன்னிடம்
புள்ளினங்கள் பயிலும்
          பாதிரிப் புலியூர்தனை
உள்ள நம்மேல்
          வினையாயின ஒழியுங்களே.   2 

நொச்சியே வன்னிகொன்
          றைமதி கூவிளம்
உச்சியே புனைதல்வே
          டம்விடை யூர்தியான்
கச்சியே கம்பம்மே
          யகறைக் கண்டனை
நச்சியே தொழுமின்நும்
          மேல்வினை நையுமே.   2 

சடையிடை புக்கொடுங்கி  யுளதங்கு வெள்ளம்        
          வளர்திங்கள் கண்ணி அயலே          
இடையிடை வைத்ததொக்கும் மலர்தொத்து மாலை       
          யிறைவன் னிடங்கொள் பதிதான்       
மடையிடை வாளைபாய முகிழ்வாய் நெரிந்து         
          மணநாறு நீலம் மலரும்     
நடையுடை யன்னம்வைகு புனலம்ப டப்பை     
          நனிபள்ளி போலும் நமர்காள்.   2 

அத்தகு வானவர்க்  காக மால்விடம்
வைத்தவர் மணிபுரை  கண்டத் தின்னுளே
மத்தமும் வன்னியும்  மலிந்த சென்னிமேல்
கொத்தலர் கொன்றையர்  கொள்ளிக் காடரே.   3 

புற்றின் நாகமும்  பூளையும் வன்னியுங்
கற்றை வார்சடை  வைத்தவர் காழியுட்
பொற்றொ டியோ  டிருந்தவர் பொற்கழல்
உற்ற போதுடன்  ஏத்தி யுணருமே.   4 

தடவரை யெடுத்தவன்  தருக்கிறத் தோளடர்
படவிரல் ஊன்றியே  பரிந்தவற் கருள்செய்தான்
மடவரல் எருக்கொடு  வன்னியும் மத்தமும்
இடமுடைச் சடையினன்  ஏடகத் திறைவனே.   8 

கருவ ருந்தியின்  நான்முகன் கண்ணனென் 
றிருவ ருந்தெரி  யாவொரு வன்னிடஞ்
செருவ ருந்திய  செம்பியன் கோச்செங்கண்
நிருபர் தண்டலை  நீணெறி காண்மினே.   9 

செந்துவர் வாயாள் சேலன கண்ணாள்
  சிவன்திரு நீற்றினை வளர்க்கும்
பந்தணை விரலாள் பாண்டிமா தேவி
  பணிசெயப் பாரிடை நிலவுஞ்
சந்தமார் தரளம் பாம்புநீர் மத்தந்
  தண்ணெருக் கம்மலர் வன்னி
அந்திவான் மதிசேர் சடைமுடி யண்ணல்
  ஆலவா யாவதும் இதுவே.     3 

வன்னி கொன்றை  மதியொடு கூவிளம்
சென்னி வைத்த பிரான்திரு ஆரூரை
மன்னு காழியுள் ஞானசம் பந்தன்வாய்ப்
பன்னு பாடல் வல்லார்க்கு இல்லை பாவமே. 3:45:11 

குண்டிகைக் கையினர்
  குணமிலாத் தேரர்கள்
பண்டியைப் பெருக்கிடும்
  பளகர்கள் பணிகிலர்
வண்டிரைக் கும்மலர்க்
  கொன்றையும் வன்னியும்
இண்டைசேர்க் குஞ்சடை
  ஏடகத் தெந்தையே.   10 

கணங்களாய் வரினுந் தமியராய் வரினும்
  அடியவர் தங்களைக் கண்டால்
குணங்கொடு பணியுங் குலச்சிறை குலாவுங்
  கோபுரஞ் சூழ்மணிக் கோயில்
மணங்கமழ் கொன்றை வாளரா மதியம்
  வன்னிவண் கூவிள மாலை
அணங்குவீற் றிருந்த சடைமுடி யண்ணல்
  ஆலவா யாவதும் இதுவே.     4 

வன்னியும் மத்தமும்  மதிபொதி சடையினன்
பொன்னியல் திருவடி  புதுமல ரவைகொடு
மன்னிய மறையவர்  வழிபட அடியவர்
இன்னிசை பாடலர்  ஏடகத் தொருவனே.   1 

தொடைத்தலை மலைத்திதழி துன்னிய
  எருக்கலரி வன்னிமுடியின்
சடைத்தலை மிலைச்சிய தபோதனன்
  எமாதிபயில் கின்றபதியாம்
படைத்தலை பிடித்துமற வாளரொடு
  வேடர்கள் பயின்றுகுழுமிக்
குடைத்தலை நதிப்படிய நின்றுபழி
  தீரநல்கு கோகரணமே.   5 

பொன்னியல் பொருப்பரையன் மங்கையொரு
  பங்கர்புனல் தங்குசடைமேல்
வன்னியொடு மத்தமலர் வைத்தவிறல்
  வித்தகர் மகிழ்ந்துறைவிடங்
கன்னியிள வாளைகுதி கொள்ளவிள
  வள்ளைபடர் அள்ளல்வயல்வாய்
மன்னியிள மேதிகள் படிந்துமனை
  சேருதவி மாணிகுழியே.   1 

விடையுயர் வெல்கொடியான் அடி
  விண்ணொடு மண்ணுமெல்லாம்    
புடைபட ஆடவல்லான் மிகு
  பூதமார் பல்படையான்    
தொடைநவில் கொன்றையொடு வன்னி
  துன்னெருக் கும்மணிந்த    
சடையவன் ஊர்பனந்தாள் திருத்
  தாடகை யீச்சரமே.   6 

மடல்மலி கொன்றை துன்றுவா ளெருக்கும்                         
  வன்னியும் மத்தமுஞ் சடைமேற்                        
படலொலி திரைகள் மோதிய கங்கைத்                         
  தலைவனார் தம்மிடம் பகரில்                        
விடலொலி பரந்த வெண்டிரை முத்தம்                         
  இப்பிகள் கொணர்ந்துவெள் ளருவிக்                        
கடலொலி யோதம் மோதவந் தலைக்குங்                         
  கழுமல நகரென லாமே.   1 

திருவமர் தாமரை சீர்வளர் 
  செங்கழு நீர்கொள்நெய்தல்
குருவமர் கோங்கங் குராமகிழ் 
  சண்பகங் கொன்றைவன்னி
மருவமர் நீள்கொடி மாட 
  மலிமறை யோர்கள்நல்லூர்
உருவமர் பாகத் துமையவள் 
  பாகனை உள்குதுமே.   10 

காடிடம் உடையர் போலுங் 
  கடிகுரல் விளியர் போலும்
வேடுரு வுடையர் போலும் 
  வெண்மதிக் கொழுந்தர் போலுங்
கோடலர் வன்னி தும்பை 
  கொக்கிற கலர்ந்த கொன்றை
ஏடமர் சடையர் போலும் 
  இன்னம்பர் ஈச னாரே.  4-72- 8 

கொய்ம்மலர்க் கொன்றை துழாய்வன்னி 
  மத்தமுங் கூவிளமும்
மெய்ம்மலர் வேய்ந்த விரிசடைக் 
  கற்றைவிண் ணோர்பெருமான்
மைம்மலர் நீல நிறங்கருங் 
  கண்ணியோர் பால்மகிழ்ந்தான்
நின்மல னாடல் நிலயநெய்த் 
  தானத் திருந்தவனே.   5 

பொறியர வரையி லார்த்துப் 
  பூதங்கள் பலவுஞ் சூழ
முறிதரு வன்னி கொன்றை 
  முதிர்சடை மூழ்க வைத்து
மறிதரு கங்கை தங்க 
  வைத்தவர் எத்தி சையும்
ஏறிதரு புனல்கொள் வேலி 
  இடைமரு திடங் கொண்டாரே.   6 

வண்டணை கொன்றையும் வன்னியும் 
  மத்தமும் வாளரவுங்
கொண்டணைந் தேறு முடியுடை 
  யான்குரை சேர்கழற்கே
தொண்டணைந் தாடிய சோற்றுத் 
  துறையுறை வார்சடைமேல்
வெண்டலை மாலையன் றோவெம் 
  பிரானுக் கழகியதே.   2 

பொன்றிகழ் கொன்றை மாலை 
  புதுப்புனல் வன்னி மத்தம்
மின்றிகழ் சடையில் வைத்து 
  மேதகத் தோன்று கின்ற
அன்றவர் அளக்க லாகா 
  அனலெரி யாகி நீண்டார்
இன்றுட னுலக மேத்த 
  இடைமரு திடங் கொண்டாரே.   9 

விடுபட்டி ஏறுகந் தேறீயென் 
  விண்ணப்பம் மேலிலங்கு
கொடுகொட்டி கொக்கரை தக்கை 
  குழல்தாளம் வீணைமொந்தை
வடுவிட்ட கொன்றையும் வன்னியும் 
  மத்தமும் வாளரவுந்
தடுகுட்ட மாடுஞ் சரக்கறை 
  யோவென் றனிநெஞ்சமே.   8 

வன்னிவா ளரவு மத்தம் 
  மதியமும் ஆறுஞ் சூடி
மின்னிய உருவாஞ் சோதி 
  மெய்ப்பொருட் பயனு மாகிக்
கன்னியோர் பாக மாகிக் 
  கருதுவார் கருத்து மாகி
இன்னிசை தொண்டர் பாட 
  இருந்தஆப் பாடி யாரே.   6 

வண்ட ணைந்தன
  வன்னியும் மத்தமுங்
கொண்ட ணிந்த
  சடைமுடிக் கூத்தனை
எண்டி சைக்கும்
  இடைமரு தாவென
விண்டு போயறும்
  மேலை வினைகளே.   3 

பிறைகொள் வாணுதற்

  பெய்வளைத் தோளியர்
நிறையைக் கொள்பவர்
  நீறணி மேனியர்
கறைகொள் கண்டத்தர்
  வெண்மழு வாளினர்
மறைகொள் வாய்மொழி
  யார்வன்னி யூரரே.   5 

ஞானங் காட்டுவர்
  நன்னெறி காட்டுவர்
தானங் காட்டுவர்
  தம்மடைந் தார்க்கெலாந்
தானங் காட்டித்தன்
  றாளடைந் தார்கட்கு
வானங் காட்டுவர்
  போல்வன்னி யூரரே.   3 

திளைக்கும் வண்டொடு
  தேன்படு கொன்றையர்
துளைக்கை வேழத்தர்
  தோலர் சுடர்மதி
முளைக்கு மூரற்
  கதிர்கண்டு நாகம்நா
வளைக்கும் வார்சடை
  யார்வன்னி யூரரே.   6 

வண்ட ணைந்தன
  வன்னியுங் கொன்றையுங்
கொண்ட ணிந்த
  சடைமுடிக் கூத்தனார்
எண்டி சைக்கும்
  இடைமரு தாவென
விண்டு போயறும்
  மேலை வினைகளே.   5

அடும்புங் கொன்றையும்
  வன்னியும் மத்தமுந்
துடும்பல் செய்சடைத்
  தூமணிச் சோதியான்
கடம்பன் தாதை
  கருதுங்காட் டுப்பள்ளி
உடம்பி னார்க்கோர்
  உறுதுணை யாகுமே.   6 

காடு கொண்டரங்
  காக்கங்குல் வாய்க்கணம்
பாட மாநட
  மாடும் பரமனார்
வாட மானிறங்
  கொள்வர் மணங்கமழ்
மாட மாமதில்
  சூழ்வன்னி யூரரே.   1 

நலங்கொள் பாகனை
  நன்று முனிந்திடா
விலங்கல் கோத்தெடுத்
  தானது மிக்கிட
இலங்கை மன்னன்
  இருபது தோளினை
மலங்க வூன்றிவைத்
  தார்வன்னி யூரரே. 10

இம்மை அம்மை
  யெனவிரண் டும்மிவை
மெய்ம்மை தானறி
  யாது விளம்புவர்
மெய்ம்மை யால்நினை
  வார்கள்தம் வல்வினை
வம்மின் தீர்ப்பர்கண்
  டீர்வன்னி யூரரே.   4 

வன்னி மத்தம்
  வளரிளந் திங்களோர்
கன்னி யாளைக்
  கதிர்முடி வைத்தவன்
பொன்னின் மல்கு
  புணர்முலை யாளொடும்
மன்னி னான்கடம்
  பூர்க்கரக் கோயிலே.   2 

இயலு மாலொடு
  நான்முகன் செய்தவம்
முயலிற் காண்பரி
  தாய்நின்ற மூர்த்திதான்
அயலெ லாம்அன்ன
  மேயும்அந் தாமரை
வயலெ லாங்கயல்
  பாய்வன்னி யூரரே.   8

குணங்கொள் தோளெட்டு
  மூர்த்தி இணையடி
இணங்கு வார்கட்
  கினியனு மாய்நின்றான்
வணங்கி மாமலர்
  கொண்டவர் வைகலும்
வணங்கு வார்மனத்
  தார்வன்னி யூரரே.   7 

வன்னி கொன்றை
  எருக்கணிந் தான்மலை
உன்னி யேசென்
  றெடுத்தவன் ஒண்டிறல்
தன்னை வீழத்
  தனிவிரல் வைத்தவன்
கன்னி மாமதிற்
  கானூர்க் கருத்தனே.   10 

செங்கண் நாகம்
  அரையது தீத்திரள்
அங்கை யேந்திநின்
  றார்எரி யாடுவர்
கங்கை வார்சடை
  மேலிடங் கொண்டவர்
மங்கை பாகம்வைத்
  தார்வன்னி யூரரே.   2 

கண்டுஞ்சுங் கருநெடுமால் ஆழி வேண்டிக்
கண்ணிடந்து சூட்டக்கண் டருளு வான்காண்
வண்டுண்ணும் மதுக்கொன்றை வன்னி மத்தம்
வான்கங்கைச் சடைக்கரந்த மாதே வன்காண்
பண்டங்கு மொழிமடவாள் பாகத் தான்காண்
பரமன்காண் பரமேட்டி யாயி னான்காண்
வெண்டிங்கள் அரவொடுசெஞ் சடைவைத் தான்காண்
விண்ணிழிதண் வீழி மிழலை யானே.   6

ஏடேறு மலர்க்கமலத் தயனும் மாலும்
இந்திரனும் பணிந்தேத்த இருக்கின் றான்காண்
தோடேறு மலர்க்கடுக்கை வன்னி மத்தந்
துன்னியசெஞ் சடையான்காண் துகள்தீர் சங்கம்
மாடேறி முத்தீனுங் கானல் வேலி
மறைக்காட்டு மாமணிகாண் வளங்கொள் மேதி
சேடேறி மடுப்படியுந் திருப்புத் தூரில்
திருத்தளியான் காணவனென் சிந்தை யானே.   4 

சுழித்தானைக் கங்கைமலர் வன்னி கொன்றை
தூமத்தம் வாளரவஞ் சூடி னானை
அழித்தானை அரணங்கள் மூன்றும் வேவ
ஆலால நஞ்சதனை யுண்டான் றன்னை
விழித்தானைக் காமனுடல் பொடியாய் வீழ
மெல்லியலோர் பங்கனைமுன் வேனி லானைக்
கிழித்தானைக் கீழ்வேளூ ராளுங் கோவைக்
கேடிலியை நாடுமவர் கேடி லாரே.   6 

இறவாமே வரம்பெற்றே னென்று மிக்க 
இராவணனை இருபதுதோள் நெரிய வூன்றி
உறவாகி இன்னிசைகேட் டிரங்கி மீண்டே
உற்றபிணி தவிர்த்தருள வல்லான் றன்னை
மறவாதார் மனத்தென்றும் மன்னி னானை
மாமதியம் மலர்க்கொன்றை வன்னி மத்தம்
நறவார்செஞ் சடையானை நள்ளாற் றானை
நானடியேன் நினைக்கப்பெற் றுய்ந்த வாறே.

போகமார்த்த பூண்முலையாள்.   10 

புலிவலம் புத்தூர் புகலூர் புன்கூர்

புறம்பயம் பூவணம் பொய்கை நல்லூர்
வலிவலம் மாற்பேறு வாய்மூர் வைகல்
வலஞ்சுழி வாஞ்சியம் மருகல் வன்னி
நிலமலிநெய்த் தானத்தோ டெத்தா னத்தும்
நிலவுபெருங் கோயில்பல கண்டாற் றொண்டீர்
கலிவலிமிக் கோனைக்கால் விரலாற் செற்ற
கயிலாய நாதனையே காண லாமே.   11 

வெறிவிரவு மலர்க்கொன்றை விளங்கு திங்கள்
வன்னியொடு விரிசடைமேல் மிலைச்சி னான்காண்
பொறிவிரவு கதநாகம் அக்கி னோடு
பூண்டவன்காண் பொருபுலித்தோ லாடை யான்காண்
அறிவரிய நுண்பொருள்க ளாயி னான்காண்
ஆயிரம்பே ருடையவன்காண் அந்தண் கானற்
செறிபொழில்சூழ் மணிமாடத் திருப்புத் தூரில்
திருத்தளியான் காணவனென் சிந்தை யானே.   7 

மத்தமாமலர் கொன்றைவன்னியுங்
  கங்கையாளொடு திங்களும்
மொய்த்தவெண்டலை கொக்கிறகொடு
  வெள்ளெருக்கமுஞ் சடையதாம்
பத்தர்சித்தர்கள் பாடியாடும்பைஞ்
  ஞீலியேன்என்று நிற்றிரால்
அத்தியீருரி போர்த்திரோசொல்லும்
  ஆரணீய விடங்கரே.   8 

மாலயனுங் காண்பரிய மாலெரியாய் நிமிர்ந்தோன்
  வன்னிமதி சென்னிமிசை வைத்தவன்மொய்த் தெழுந்த
வேலைவிட முண்டமணி கண்டன்விடை யூரும்
  விமலனுமை யவளோடு மேவியஊர் வினவில் 
சோலைமலி குயில்கூவக் கோலமயி லாலச்
  சுரும்பொடுவண் டிசைமுரலப் பசுங்கிளிசொற் றுதிக்கக்
காலையிலும் மாலையிலுங் கடவுளடி பணிந்து
  கசிந்தமனத் தவர்பயிலுங் கலயநல்லூர் காணே.   8 

அரியொடு பூமிசை யானும்
  ஆதியும் அறிகிலார்
வரிதரு பாம்பொடு வன்னி
  திங்களும் மத்தமும்
புரிதரு புன்சடை வைத்த
  எம்புனி தற்கினி
எரியன்றி அங்கைக்கொன் றில்லை
  யோவெம் பிரானுக்கே.   8 

மட்டார் மலர்க்கொன்
  றையும்வன்னி யுஞ்சாடி
மொட்டாரக் கொணர்ந்தெற்றி
  யோர்பெண்ணை வடபால்
கொட்டாட் டொடுபாட்
  டொலிஓவாத் துறையூர்ச்
சிட்டா உனைவேண்டிக்
  கொள்வேன் தவநெறியே.   6 

கரந்தையும் வன்னியும்
  மத்தமுங் கூவிளம்
பரந்தசீர்ப் பரவையுண்
  மண்டளி யம்மானை
நிரம்பிய ஊரன்
  உரைத்தன பத்திவை
விரும்புவார் மேலையார்
  மேலையார் மேலாரே.  10 

பொன்னி வளைத்த புனல்சூழ் நிலவிப் பொலிபுலியூர்
வன்னி வளைத்த வளர்சடை யோனை வணங்கலர்போல்
துன்னி வளைத்தநந் தோன்றற்குப் பாசறைத் தோன்றுங்கொலோ
மின்னி வளைத்து விரிநீர் கவரும் வியன்முகிலே. 317

கொளு

வேந்தற்குற்றுழி விறலோன்பிரிய
ஏந்திழைபாங்கிக் கெடுத்துரைத்தது.   2 

கண்டிடு சக்கரம் விந்து வளர்வதாங்
கண்டிடு நாதமுந் தன்மேல் எழுந்திடக்
கண்டிடு வன்னிக் கொழுந்தன வொத்தபின்
கண்டிடு மப்புறங் காரொளி யானதே.   19 

புண்ணிய நந்தி புனிதன் திருவாகும்
எண்ணிய நாட்கள் இருபத்தேழ் சூழ்மதி
பண்ணிய வன்னி பகலோன் மதியீறு
திண்ணிய சிந்தைதன் தென்னனும் ஆமே.   4 

முன்னிக்கு ஒருமகன் மூர்த்திக்கு இருவர்
வன்னிக்கு மூவர் வதுவைக்கு நால்வர்
கன்னிக்கு பிள்ளைகள் ஐவர் முனாள்இல்லை
கன்னியைக் கன்னியே காதலித் தானே.   11 

வெளியில் இரேகை இரேகையி லத்தலை
சுளியில் உகாரமாம் சுற்றிய வன்னி
நெளிதரும் கால்கொம்பு நேர்விந்து நாதம்
தெளியும் பிரகாரஞ் சிவமந் திரமே.   37 

சேர்ந்த கலையஞ்சும் சேரும்இக் குண்டமும்
ஆர்ந்த திசைகளும் அங்கே அமர்ந்திடும்
பாய்ந்தஐம் பூதமும் பார்க்கின்ற வன்னியைக்
காய்ந்தவர் என்றும் கலந்தவர் தாமே.   22 

வன்னி யெழுத்தவை மாபலம் உள்ளன
வன்னி யெழுத்தவை வானுற ஓங்கின
வன்னி யெழுத்தவை மாபெருஞ் சக்கரம்
வன்னி யெழுத்திடு வாறது சொல்லுமே.   2 

எழுத்தவை நூறொடு நாற்பத்து நாலும்
எழுத்தவை யாறது வந்நடு வன்னி
எழுத்தவை யந்நடு வச்சுட ராகி
எழுத்தவை தான்முதல் அந்தமு மாமே.   11 

ஏரொளி யுள்ளெழு தாமரை நாலிதழ்
ஏரொளி விந்துவி னாலெழு நாதமாம்
ஏரொளி யக்கலை எங்கும் நிறைந்தபின்
ஏரொளிச் சக்கர மந்நடு 1வன்னியே. 1 

பன்மணி சந்திர கோடி திருமுடி
சொன்மணி குண்டலக்காதி உழைக்கண்ணி
நன்மணி சூரிய சோம நயனத்தள்
பொன்மணி வன்னியும் பூரிக்கின் றாளே.   9 

உச்சியம் போதில் ஒளிவன்னி மூலையில்
பச்சோலை யில் பஞ்ச காயத்தைப் பாரித்து
முச்சது ரத்தின் முதுகாட்டில் வைத்திட
அச்சமற மேலோர் மாரணம் வேண்டிலே.   87 

வல்லவன் வன்னிக்கு இறையிடை வாரணம்
நில்லென நிற்பித்த நீதியுள் ஈசனை
இல்லென வேண்டா இறையவர் தம்முதல்
அல்லும் பகலும் அருளுகின் றானே.   18 

நின்றது புந்தி நிறைந்திடும் வன்னியுங்
கண்டது சோதி கருத்துள் இருந்திடக்
கொண்டது வோராண்டு கூடி வருகைக்கு
விண்டவௌ காரம் விளங்கின அன்றே.   92 

அம்முதல் ஆறுமவ் வாதி எழுத்தாகும்
அம்முதல் ஆறுமவ் வம்மை எழுத்தாகும்
இம்முதல்1 நாலும் இருந்திடு2 வன்னியே
இம்முத லாகும் எழுத்தவை எல்லாம்.   10 

ஆரு மறியார் அளக்கின்ற வன்னியை
ஆரு மறியார் அளக்கின்ற வாயுவை
ஆரு மறியார் அழிகின்ற அப்பொருள்
ஆரு மறியார் அறிவறிந் தேனே   17 

நான்கண்ட வன்னியும் நாலு கலையேழுந்
தான்கண்ட 1வாயுச் சரீர முழுதொடும்
ஊன்கண்டு கொண்ட வுணர்வு மருந்தாக
மான்கன்று நின்று வளர்க்கின்ற வாறே   15 

அரிபிர மன்தக்கன் அருக்க னுடனே
வருமதி வாலை வன்னிநல் இந்திரன்
சிரமுக நாசி சிறந்தகை1 தோள்தான்
அரனருள் இன்றி அழிந்தநல் லோரே.   6 

மாதன மாக வளர்கின்ற வன்னியைச்
சாதன மாகச் சமைந்த குருவென்று
போதன மாகப் பொருந்த உலகாளும்
பாதன மாகப் பிரிந்தது பார்த்தே.   27 

மாண்பது வாக வளர்கின்ற வன்னியுங்1
காண்பது ஆண்பெண் அலியெனுங் கற்பனை
பூண்பது மாதா பிதாவழி போலவே
ஆம்பதி செய்தானச் சோதிதன் ஆண்மையே.   27 

அஞ்சிட்ட கோலம் அளப்பன ஐயைந்தும்
மஞ்சிட்ட குண்டம் மலர்ந்தங்கு இருத்தலால்
பஞ்சிட்ட சோதி பரந்த பரஞ்சுடர்
கொஞ்சிட்ட வன்னியைக் கூடுதல் முத்தியே.   20 

நின்றஇச் சத்தி நிலைபெற நின்றிடிற்
கண்டஇவ் வன்னி கலந்திடும் ஓராண்டிற்
கொண்ட விரதநீர் குன்றாமல் நின்றிடின்
மன்றினி லாடு மணியது காணுமே.   72 

உரைக்கப் படுவதும் ஒன்றுண்டு 
  கேட்கிற்செவ் வான்தொடைமேல்
இரைக்கின்ற பாம்பினை என்றும் 
  தொடேல்இழிந் தோட்டந்தெங்கும்
திரைக்கின்ற கங்கையும் தேன்நின்ற 
  கொன்றையும் செஞ்சடைமேல்
விரைக்கின்ற வன்னியுஞ் சென்னித் 
  தலைவைத்த வேதியனே.   7 

அளக்கர் ஏழும் ஒன்றாம் 
  எனும் பெருமை எவ்வுலகும் 
விளக்கு மாமண விழாவுடன் 
  விரைந்து செல்வன போல் 
துளக்கில் வேதியர் ஆகுதி 
  தொடங்கிடா முன்னம் 
வளர்க்கும் வேதியில் வலம் 
  சுழித்து எழுந்தது வன்னி.   1193 

பொன்னிதழ்க் கொன்றை வன்னி புனல் 
  இள மதியம் நீடு 
சென்னியர் திருவெண் காட்டுத் 
  திருத் தொண்டர் எதிரே சென்று அங்கு
இன்ன தன்மையர்கள் ஆனார் என 
  ஒணா மகிழ்ச்சி பொங்க 
மன்னுசீர்ச் சண்பை ஆளும் 
  மன்னரைக் கொண்டு புக்கார்.   124 

வன்னி கொன்றை வழை சண்பகம் ஆரம் 
  மலர்ப் பலாசொடு செருந்தி மந்தாரம் 
கன்னி காரங் குரவங் கமழ் புன்னை 
  கற்பு பாடலம் கூவிளம் ஓங்கித் 
துன்னு சாதி மரு மாலதி மௌவல் 
  துதைந்த நந்திகரம் வீரம் மிடைந்த 
பன் மலர்ப் புனித நந்த வனங்கள் 
  பணிந்து சென்றனன் மணங்கமழ் தாரான்.   94 

சென்று அணைந்து சிந்தையின் மகிழ் 
  விருப்பொடு திகழ் திருவாமாத்தூர்ப் 
பொன்ற அங்கு பூங்கொன்றையும் வன்னியும் 
  புனைந்தவர் அடி போற்றிக் 
குன்ற வார் சிலை எனும் திருப்பதிகம் 
  மெய் குலவிய இசை பாடி 
நன்றும் இன்புறப் பணிந்து செல்வார் 
  திருக்கோவலூர் நகர் சேர்ந்தார்.   967 

சொன்ன நாட்டிடைத் தொன்மையில் மிக்கது
மன்னு மாமல ராள்வழி பட்டது
வன்னி யாறுமதி பொதிசெஞ் சடைச்
சென்னி யார்திரு வாரூர்த் திருநகர்.   1 

ஏடகம் பிள்ளையார் தாம் வன்னி 
  என்று எடுத்துப் பாடக் 
கூடிய நீரில் ஏடு 
  குலச்சிறை யாரும் கூடிக் 
காடு இடமாக 
  ஆடுங்கண்ணுதல் கோயில்மாடு 
நீடுநீர் நடுவுட் புக்கு நின்ற 
  ஏடு எடுத்துக் கொண்டார்.   850 

நன்மை உய்க்கும் மெய்ப் பதிகத்தின் 
  நாதன் என்று எடுத்தும் 
என்னை ஆள் உடை ஈசன் 
  தன் நாமமே என்றும் 
மன்னும் மெய்ப் பொருளாம் 
  எனக் காட்டிட வன்னி 
தன்னில் ஆக எனத் தளிர் 
  இள வளர் ஒளி பாடி.   784 

மன்னு திருப் பதிகள் தொறும் 
  வன்னி யொடு கூவிளமும்
சென்னிமிசை வைத்து உவந்தார் கோயிலின் 
  முன் சென்று இறைஞ்சிப்
பன்னு தமிழ்த் தொடை சாத்திப் 
  பரவியே போந்து அணைந்தார்
அன்ன மலி வயல் தடங்கள் 
  சூழ்ந்த திரு ஆமாத்தூர்.   292 

வன்னிலை மள்ளர் உகைப்ப 
  எழுந்த மரக்கோவைப் 
பன் முறை வந்து எழும் 
  ஓசை பயின்ற முழக்கத்தால்
அன்னம் மருங்குறை தண் துறை 
  வாவி அதன் பாலைக்
கன்னல் அடும் புகையால் 
  முகில் செய்வ கருப்பாலை.   3

மன்னுந் திசை வேதியில் 
  மங்கல ஆகுதிக் கண்
துன்னுஞ் சுடர் வன்னி வளர்த்துத் 
  துதைந்த நூல் சூழ்
பொன்னின் கலசங்கள் குடங்கள் 
  பூரித்த தூ நீர்
உன்னுஞ் செயல் மந்திர 
  யோகர் நிறுத்தினார்கள்.   38 

வம்பு நீடு அலங்கல் மார்பின் 
  வன்தொண்டர் வன்னி கொன்றை
தும்பை வெள் அடம்பு திங்கள் 
  தூயநீறு அணிந்த சென்னித்
தம்பிரான் அமர்ந்த தானம் பல 
  பல சார்ந்து தாழ்ந்து
கொம் பனார் ஆடல் நீடு 
  கூடலை யாற்றூர் சார.   100