அடியார் பெருமை

அதிபத்தர்

தகவல் பலகை	விவரம்
குலம்	பரதவர்
நாடு	சோழ நாடு
ஊர்	நாகப்பட்டினம்
மாதம்	ஆவணி
குரு பூஜை நட்சத்திரம்	ஆயில்யம்
பிற அடியாருடன்	விவரங்கள் இல்லை
திருத்தொண்டு	முதல் மீனை சிவனை நினைத்து, விடுபவர்
இடம்பெற்ற திருமுறை	12
சோதிட குறிப்புகள்	விவரங்கள் இல்லை

சோழ நாட்டின் துறைமுகமான நாகபட்டினம் நகரில் பரதவர்கள் வாழ்ந்தனர். அவர்களுக்கு தலைவராக இருந்தவர் அதிபத்தர். சிவ பெருமானிடத்தே மிகுந்த பக்தியுடைய அதிபத்தர், நாள்தோறும் பிடிபடும் மீன்களுள் முதலில் கிடைக்கும் ஒரு மீனை ‘இது நட்டமாடிய நம்பர்க்கு’ என்று கடலில் விடுவது அவர் வழக்கம். ஒரு நாளில் ஒரு மீனே பிடிபடினும் அம்மீனைச் சிவனடிக்கென்று விடுவதை அவர் விடாது செய்து வந்தார். இப்படி அநேக நாள்கள் ஒரு மீனே பிடிபட அவரை வறுமை பீடித்தது. அப்பொழுதும் தாம் வருந்தாது தம் பணியினை மகிழ்வோடு செய்து வந்தார்.

இப்படியே தொடர்ந்தும், தினமும் இறைவருக்கு முதல் மீன் அளிக்கும் ஒழுக்கத்தில் தவறாது இருந்தார். ஒரு நாள் பொன் மீன் கிடைக்க, “இப்பொன்மீன் ஆளுடைய நாயகனின் பொற்கழல் சேர்க” என்று அலைமீது விட்டார். பொருளை முதலெனக் கொள்ளும் இவ்வுலகிலே பொருள் பற்றை முற்றும் துறந்த அதிபத்தரின் முன் இறைவன் தோன்றி அதிபத்தரை ஆட்கொண்டு அருளினார்.

மின் புத்தகத்தை பெற click செய்யவும்

கருத்துகள் இல்லை:

கருத்துரையிடுக

குறிப்பு: இந்த வலைப்பதிவின் உறுப்பினர் மட்டுமே ஒரு கருத்துரையை வெளியிடக்கூடும்.

.அருளாலயம்

header f

10 செப்., 2025