01. திருவருட்பயன்

   

       

௨ 

       

உமாபதி சிவாச்சாரியார் அருளிச்செய்த

       

திருவருட்பயன்

தகவல் பலகை	விவரம்
நூல் பெயர்	திருவருட்பயன்
நூல் ஆசிரியர்	உமாபதி சிவாச்சாரியார்
அதிகாரம்	பதி முது நிலை

💡 முதல் அதிகாரம்: பதி இலக்கணம் (இறைவனின் இயல்பு) - பாடல்கள் 1-10

அகர உயிர் போல் அறிவாகி எங்கும்

நிகரில் இறை நிற்கும் நிறைந்து (1)

தனக்கு உவமை இல்லாத தலைவன் அறிவு வடிவமாய் எல்லா பொருள்களிலும் நிறைந்து நிற்கும்.

தன்னிலைமை மன்உயிர்கள் சார தரும் சத்தி

பின்னம் இலான் எங்கள் பிரான் (2)

கடவுளின் திருவருளை எல்லா உயிர்களிடத்தும் சென்று சேர்க்கும் சத்தியிடத்தில் பின்னப்படாது நிற்பவன் இறைவன்.

பெருமைக்கும் நுண்மைக்கும் பேர் அருட்கும் பேற்றின்

அருமைக்கும் ஒப்பு இன்மை யான் (3)

அனுவிலும் அண்டத்திலும் கலந்து நிற்கும் கடவுள் ஒப்பு உவமை இல்லாதவன். அவனே மிகப் பெரியவன்.

ஆக்கி எவையும் அளித்து ஆசுடன் அடங்கப்

போக்கும் அவன் போகாப் புகல். (4)

படைத்து, காத்து, அழித்து, மறைத்து அருளிப்பாடுகளை செய்யும் இறைவன் சிவபெருமானே.

அருவும் உருவும் அறிஞர்க்கு அறிவாம்

உருவும் உடையான் உளன். (5)

அருவம், உருவம், அருஉருவம், என மூவகை திருமேனிகளை தாங்கி உயிருக்கு உதவுபவன் சிவபெருமானே.

பல் ஆருயிர் உணரும் பான்மை என மேல் ஒருவன்

இல்லாதான் எங்கள் இறை (6)

அறிவிக்காமல் தானே அறியும் சிவபெருமான், தனக்கு மேல் ஒருவன் இல்லாதவனாகவும், பலவாக உள்ள உயிர்களுக்கு உதவுபவனாகவும் இருப்பவன்.

ஆனா அறிவாய் அகலான் அடியவர்க்கு

வானாடர் காணாத மன் (7)

தேவர்களாலும் காண முடியாத சிவபெருமான், பேரன்பு கொண்ட அடியவர்களுக்கு வெளிப்பட்டு தோன்றுவான்.

எங்கும் எவையும் எறியுறு நீர் போல் ஏகம்

தங்கும் அவன் தானே தனி (8)

இறைவன் பொருளகளோடு கலந்தும் நிற்பான் கடந்தும் நிற்பான். இதுவே சிவத்தின் முழு நிறைவு (வியாபாகம்).

நலம் இலன் நண்ணார்க்கு நண்ணினார்க்கு நல்லான்

சலமிலன் பேர் சங்கரன் (9)

எல்லா உயிர்களுக்கும் சுகத்தையே செய்யும் சங்கரன் எனும் திருநாமத்தை கொண்ட சிவ பெருமான் தன்னை அடைந்து அன்போடு வழிபடுபவர்களுக்கு இன்பத்தையே தருகிறான்.

உன்னும் எது ஐயம் ஈழத்து உணர்வாய் ஓவாது

மண்ணுபவம் தீர்க்கும் மருந்து (10)

ஆணவம் என்ற வியாதியை நீக்கி, ஞானமாய் நின்று திருவருள் எனும் மருத்தை ஊட்டும் வைத்தியன் சிவபெருமான்.