02. திருவருட்பயன்

   

       

௨ 

       

உமாபதி சிவாச்சாரியார் அருளிச்செய்த

       

திருவருட்பயன்

                                                                                             

தகவல் பலகை	விவரம்
நூல் பெயர்	திருவருட்பயன்
நூல் ஆசிரியர்	உமாபதி சிவாச்சாரியார்
அதிகாரம்	உயிர் அவை நிலை

💡 இரண்டாவது அதிகாரம்:  - பாடல்கள் 11-20

பிறந்த நாள் மேலும் பிறக்கு நாள் போலும்

துறந்தோர் துறப்போர் தொகை (11)

உயிர்கள் பிறந்து வாழ்ந்த நாட்களையோ இனிமேல் பிறக்கப் போகும் நாட்களையோ எண்ணி சொல்ல முடியாதது போல முத்தி அடைந்த உயிர்களை எண்ணிச் சொல்ல முடியாது.

திரிமலத்தார் ஒன்று அதனில் சென்றார்கள் அன்றி

ஒரு மலத்தார் ஆயும் உளர் . (12)

ஆன்மாக்கள் மூவகை உண்டு. ஆணவம் கன்மம், மாயை என மும்மலங்களை உடையவார்கள் சகலர், ஆணவம் கன்மம் என இரு மலங்களை உடையவர்கள் பிரலாயாகலர் ஆணவமலம் மட்டும் உடையவர்கள் விஞ்ஞானகலர்.

மூன்று திறத்து உள்ளாறும் மூல மலத்து உள்ளார்கள்

தோன்றளர் தொத்துளார் துணை (13)

ஆன்மாக்கள், மலத்தோடு பிணைக்கப்பட்டு இருந்தாலும், சகலர் வகை ஆன்மாக்களுக்கு தாம் மலத்தோடு பிணைக்கப்பட்டு இருக்கிறோம் என்பதை அறிய மாட்டாதவர்கள்.

கண்டவற்றை நாளும் கனவில் கலங்கியிடும்

திண் திறலுக்கு என்னோ செயல் (14)

கனவும் நனவும் ஒரு போதும் ஒன்றாக இருப்பதில்லை. இப்படி சுதந்திரமாக இருக்கும் உணர்வு இல்லாதது ஆன்மா.

பொறியின்றி ஒன்றும் புணராத புந்திக்கு

“அறிவு” என்று பேர் நன்று அற. (15)

ஆன்மா அறிவுடைய பொருள் என்று சொல்கிறோம். ஆனால், கருவிகள் உதவி இல்லாமல் பொருள்களை அறியமுடியாது.

ஒளியும் இருளும் உலகும் அலர் கண்

தெளிவு இல் எனில் என் செய (16)

அறிவு விருப்பம் செயல் இருந்தாலே அவை உயிர். இம்மூன்றும், இருந்தால் தான் ஆனவத்தைச்சாரும் போது மயக்கத்தையும், சிவத்தைச் சாரும் போது அருளையும் பெறும்.

சத்து அசத்தைச் சாராது அசத்து அறியாது அங்கண் இவை

உய்தல் சத சாத்தாம் உயிர். (17)

அறிவுள்ள பொருள் அறிவில்லாதவனவற்றை சாராது. அறிவில்லாத பொருள் எதையும் அறியாது. அறிவித்தால் அறியும் உயிர் இரண்டையும் அறிவதால் அது சதசத்து எனப்படும்.

இருளில் இருளாகி எல்லிடத்தில் எல்லாம்

பொருள்கள் இலதோ புவி (18)

ஆணவமல பற்றில் இருக்கும் போது, அறியாமையிலும், அறிவு விளக்கம் பெற்று, திருவருள் பிடிப்பில் இருக்கும் போது, ஒளி பெற்றும் சார்ந்த அதன் தன்மையை பெற்று விளங்குவது உயிர்.

ஊமன் கண் போல ஒளியும் மிக இருளே

யாம்மன் கண் காணாதவை (19)

எங்கும் சிவம் இருந்தாலும், ஆணவ மல மறைப்பினால் உயிர்களுக்கு சிவம் தெரிவதில்லை.

அன்றளவும் ஆற்றும் உயிர் அந்தோ அருள் தெரிவது

என்று அளவு ஒன்று இல்லா இடர் (20)

முயற்சி இல்லாமல் வெற்றி இல்லை. பிறந்து இறந்து துன்புறும் ஆன்மாக்கள் துன்பத்தில் இருந்து விடுபட விதித்த அறத்தின் படி, வாழ முயற்சி எடுக்க வேண்டும்.