03. திருவருட்பயன்

   

       

௨ 

       

உமாபதி சிவாச்சாரியார் அருளிச்செய்த

       

திருவருட்பயன்

                                                                                             

தகவல் பலகை	விவரம்
நூல் பெயர்	திருவருட்பயன்
நூல் ஆசிரியர்	உமாபதி சிவாச்சாரியார்
அதிகாரம்	இருள் மல நிலை

💡 மூன்றாவது அதிகாரம்: - பாடல்கள் 21-30

துன்றும் பவத்து உயரும் இன்பும் துணைப் பொருளும்

இன்று என்பது எவ்வாறும் இல். (21)

பிறவி இல்லை. முத்தி இல்லை. துன்பத்திற்கு காரணமான மும்மலங்கள் இல்லை என எந்த அடிப்படையிலும் சொல்ல முடியாது. எனவே அதுவே அறியாமை.

இருளானது அன்றி ஈழத்து எவையும் ஏகப்

பொருளாகி நிற்கும் பொருள் (22)

இருட்டில் இருக்கும் பொருள், தானே மறைவதில்லை. அதை இருட்டு மறைத்து இருக்கும். அது போல ஆணவமலத்தில் இருக்கும் உயிரின் தன்மையை ஆணவமலம் மறைத்து நிற்கும்.

ஒரு பொருளும் காட்டாது இருள் உருவம் காட்டும்

இரு பொருளும் காட்டாது இது (23)

புற இருளானது, பொருளை மறைக்கும். தான் இருட்டு என தன்னை கட்டும். ஆனால், ஆணவமலம் என அக இருளானது, தன்னையும் காட்டாது, தான் மறைத்த பொருளையும் காட்டாது.

அன்றளவி உள் வலியோடு ஆவி இடையடங்கி

இன்றளவும் நின்றது இருள் (24)

அநாதியே ஆன்மாவோடு கலந்துள்ள ஆணவமலம், உள் ஒளியான சிவஞானத்தோடு சேர விடாமல் ஆன்மாவை தடுத்துக் கொண்டு இருக்கிறது.

பலரை புணர்ந்தும் இருட் பாவைக்கு உண்டு என்றும்

கணவர்க்கும் தோன்றாத கற்பு (25)

பல ஆன்மாக்களோடு சேர்ந்து இருக்கும் ஆணவ மலம், ஒரு ஆன்மாவுக்குக் கூட தன் இயல்பு நிலையை காட்டுவதில்லை.

பன்மொழிகள் என் உணரும் பான்மை தெரியாத

தன்மை இருளார் தந்தது (26)

நமது அறியாமைக்கு என்ன காரணம் என பேசி பயன் இல்லை. காரணம் தன்னை, தன் வினையை, தலைவனை என எதையுமே அறியாவிடாமல் செய்வது ஆணவமலமே ஆகும்.

இருள் இன்றேல் துன்பு என் உயிர் இயல்பேல் போக்கும்

பொருள் உண்டேல் ஒன்றாகப் போம். (27)

உயிருக்கு பிறவி துன்பத்திற்கு காரணம் ஆணவ மலமே. ஆணவமலம் ஆன்மாவின் குணம் அல்ல. அறிவை விளங்க விடாமல் செய்யும் அதனால் உயிர்களுக்கு துன்பம்.

ஆசாதி யேல் அணைவ காரணம் என் முத்தி நிலை

பேசாது கவ்வும் பிணி (28)

ஆணவமலம் இடையில் வந்து சேர்ந்தது இல்லை. ஆதி முதலே உயிரோடு ஆணவமலம் இருக்கும். அந்த உயிர் மலத்தை பற்றி இருக்கும்.

ஒன்று மிகினும் ஒளிகவராதேல் உள்ளம்

என்றும் அகலாது இருள் (29)

ஆணவமல மறைப்பினால் உயிருக்கு ஏற்பட்ட அறியாமையை போக்கும் பொருட்டே இறைவன் உயிருக்கு பிறவி வாய்ப்பை தந்து உள்ளான் இந்த வாய்ப்பை பயன்படுத்திக் கொண்டு மலத்தில் இருந்து விடுபட ஆன்மா முயற்சிக்க வேண்டும். இதுவே ஆன்மசாதனை.

விடிவாம் அளவும் விளக்கனைய மாயை

வடிவாதி கன்மத்து வந்து (30)

விடியும் வரை இருளை நீக்க எரியும் விளக்கு உதவுகிறது. அதுபோல, ஆணவமல இருளில் இருந்து நீங்கி இருக்க மாயை கன்மம் உதவுகிறது. அதையும் விலக்கி பேரொளியில் இணைய வேண்டும்.