04. திருவருட்பயன்

   

       

௨ 

       

உமாபதி சிவாச்சாரியார் அருளிச்செய்த

       

திருவருட்பயன்

                                                                                             

தகவல் பலகை	விவரம்
நூல் பெயர்	திருவருட்பயன்
நூல் ஆசிரியர்	உமாபதி சிவாச்சாரியார்
அதிகாரம்	அருள் அது நிலை

💡 நான்காவது அதிகாரம்:  - பாடல்கள் 31-40

அருளில் பெரியது அகிலத்தில் வேண்டும்

பொருளில் தலை ஈழத்து போல் (31)

திருவருளை விட பெரிய பொருள் எதுவும் இல்லை. பொருள் உலகில் பெரியது என கருதுவதை விட பெரியது இந்த திருவருளே ஆகும்.

பெருக்க நுகர்வினை பேரொளியாய் எங்கும்

அருக்கன் என நிற்கும் அருள் (32)

ஆன்மாவின் அறிவு ஒளிர, உடல் உலகு முதலியவற்றை படைத்து, அவைகளை உயிர்கள் அனுபவிக்கும்படி செய்து ஆணவமலத்தை குறைத்து, திருவருள் ஒரே நிலையில் விரிந்துள்ளது.

ஊன் அறியாது ஒன்றும் உயிர் அறியாது ஒன்றும் இவை

தானறியாது ஆரறிவார் தான் (33)

உடல் அறிவற்ற பொருள் இதனால் உயிருக்கு அறிவிக்க முடியாது. ஆணவமலத்தினால் மூடப்பட்ட உயிர் தானாக அறியாது. ஆக இந்த உயிருக்கு அறிவு விளக்கம் செய்வது திருவருளே ஆகும்.

பால் ஆழி மீன் ஆளும் பான்மைத்து அருள் உயிர்கள்

மால் ஆழி ஆழு மறுத்து (34)

உயிர்கள் அருள் கடலில் இருந்தாலும், பொருள் உலகத்தில் உழன்று பிறவி துயருக்குள் வீழும். இறைப் பற்றை பெற பற்றட்டான் பற்றினை பற்ற வேண்டும்.

அணுகு துணை அறியா ஆற்றோனில் ஐந்தும்

உணர்வை உணரா உயிர் (35)

உயிர்களுக்கு தோன்றா துணையாக விளங்கும் இறைவனை ஆன்மா உணர்வது இல்லை.

தரையை அறியாது தாமே திரிவோர்

புரையை உணரார் புவி (36)

தம்மை தாங்கி நிற்பது பூமி என அறியாமல் தாமே தம்மை தாங்கி இருப்பதாக நினைப்பது போல, திருவருளை உணராமல், தாமே எல்லாம் சாதிப்பதாக நினைப்பதே ஆணவம்.

மலை கெடுத்தோர் மண் கெடுத்தோர் வான் கெடுத்தோர் ஞானம்

தலை கெடுத்தோர் தற்கேடர் தாம் (37)

ஞானமாகிய திருவருளில் இருந்து கொண்டே ஞானத்தை தேடுவது அருளின் நிலையை அறியாமை ஆகும்.

வெள்ளத்துள் நாவற்றி எங்கும் விடிந்திருளாம்

கள்ளத் தலைவர் கடன் (38)

ஆன்மா புலன்களோடு ஒன்றி தன்னையே தலைவன் என வியந்து கொள்வது, அருள்அது நிலையை உணராமையே ஆகும்.

பரப்பு அமைந்து கேண்மின் இது பாற்கலன் மேல் பூஞை

கரப்பு அருந்த நாடும் கடன் (39)

மனதில் பரபரப்பு இல்லாமல் ஞான நூல்களை கேட்க வேண்டும். இதில் தவறினால், சிந்தனை மாறுபட்டு அறிவை ஆணவம் மறைக்கும்.

இற்றை வரை இயைந்தும் ஏதும் பழக்கம் இலா

வெற்று உயிர்க்கு வீடு மிகை (40)

ஆன்மா திருவருளோடு இருந்தும் திருவருளை அறியாமைக்கு காரணம், ஆணவகாரியமாகிய அஞ்ஞானமே. அந்த அறியாமையை நீக்கும் பொருட்டே திருவருள் உதவுகிறது. அதை உணராமல் வீடு பெற முடியாது.