திருமுறை வனம்: 

கொக்கிறகு 

தகவல் பலகை	விவரம்
தாவரம்	கொக்கிறகு
அறிவியல் பெயர்	Ixora coccinea
சராசரி வாழும் காலம்	10–15 ஆண்டுகள் வரை நீண்டகாலம் உயிர்வாழும் கொடி / செடி
உணவு	Photosynthesis மூலம் சூரிய ஒளி, நீர், மண் சத்துக்களை உறிஞ்சி வளர்கிறது
குறிப்புகள்	கொக்கிறகு / தத்தாபூ எனவும் அழைக்கப்படும்;  இந்திய தோட்டங்களில் பொதுவாகக் காணப்படும். சிவப்பு, மஞ்சள், இளஞ்சிவப்பு போன்ற வண்ணமயமான சிறு மலர்கள் குழுமமாக மலர்கின்றன  பூஜைகளில் பொதுவாகப் பயன்படுத்தப் படுகிறது. மருத்துவ ரீதியாக இலைகள் காய்ச்சல், வயிற்று வலி, தோல் நோய்கள் போன்றவற்றிற்கு பயன்படுத்தப்படும்
இடம் பெற்றுள்ள திருமுறைகள்	1-3-6-7-8-9-11

சாத்துவர் பாசந் தடக்கையி ல் ஏந்துவர் கோவணந்தம்
கூத்தவர் கச்சுக் குலவிநின்று ஆடுவர் கொக்கிறகும்
பேர்த்தவர் பல்படை பேயவை  சூடுவர் பேர் எழிலார்
பூத்தவர் கைதொழு பூந்தராய்  மேவிய புண்ணியரே.   (1:117:6) 

கொக்கிறகும் குளிர் சென்னிமத்தங்  குலாய மலர்சூடி
அக்கர வோடரை யார்த்துகந்த  அழகன் குழகாக
நக்கம ருந்திரு மேனியாளன்  திருநாரை யூர்மேவிப்
புக்கம ரும்மனத் தோர்கள்தம்மைப்  புணரும் புகல்தானே (3:107:6)

பொக்கணமும் புலித்தோலும் புயத்திற் கொண்டார்
பூதப் படைகள்புடை சூழக் கொண்டார்
அக்கினொடு பட அரவம் அரைமேற் கொண்டார்
அனைத்து உலகும் படைத்தவையும் அடங்கக் கொண்டார்
கொக்கிறகும் கூவிளமும் கொண்டை கொண்டார்
கொடியானை அடல் ஆழிக்கு இரையாக் கொண்டார்
செக்கர் நிறத் திருமேனி திகழக் கொண்டார்
செடியேனை ஆட்கொண்ட சிவனார் தாமே.   4  

திருமுறை:6:096:4

நக்கன்காண் நக்கரவம் அரையில் ஆர்த்த
நாதன்காண் பூதகணம் ஆட ஆடும்
சொக்கன்காண் கொக்கிறகு சூடி னான்காண்
துடியிடையாள் துணைமுலைக்குச் சேர்வது ஆகும்
பொக்கன்காண் பொக்கணத்த வெண்நீற்றான்காண்
புவனங்கள் மூன்றினுக்கும் பொருளாய் நின்ற
திக்கன்காண் செக்கரது திகழு மேனிச்
சிவன் அவன்காண் சிவபுரத்து எம் செல்வன் தானே.   2 

திருமுறை:6:87:2

கொக்கிறகு சென்னி உடையான் கண்டாய்
கொல்லை விடைஏறும் கூத்தன் கண்டாய்
அக்கரை மேலாட உடையான் கண்டாய்
அனல் அங்கை ஏந்திய ஆதி கண்டாய்
அக்கோடு அரவம் அணிந்தான் கண்டாய்
அடியார்கட் கு ஆரமுதம் ஆனான் கண்டாய்
மற்றிருந்த கங்கைச் சடையான் கண்டாய்
மழபாடி மன்னும் மணாளன் தானே.   2  

திருமுறை:6:039:2

கூத லிடுஞ்சடையும் கோள் அரவும்விரவும்
   கொக்கிறகும் குளிர்மா மத்தமும் ஒத்துனதாள்
ஓதல் உணர்ந்த அடியார் உன்பெரு மைக்கு நினைந்து
   உள்ளுரு காவிரசும் ஓசையைப் பாடலும்நீ
ஆதல் உணர்ந்தவரோடு அன்பு பெருத்து அடியேன்
   அங்கையின் மாமலர்கொண்டு என்கணத்து அல்லல்கெடக்
காத லுறத்தொழுவது என்று கொலோ அடியேன்
   கார்வயல் சூழ்கானப் பேருறை காளையையே.   2  

திருமுறை:7:084:2

குலம்பாடிக் கொக்கிறகும் பாடிக் கோல் வளையாள்
நலம்பாடி நஞ்சுண்ட வாபாடி நாள்தோறும்
அலம்பார் புனல்தில்லை அம்பலத்தே ஆடுகின்ற
சிலம்பாடல் பாடிநாம் தெள்ளேணம் கொட்டாமோ.   20  

திருமுறை:8:11:20

ஏர்கொள்கற் பகம்ஒத்து இருசிலைப்
        புருவம்  பெருந்தடங் கண்கள்மூன் றுடையுன்
பேர்கள்ஆ யிரம்நூறாயிரம் பிதற்றும் 
        பெற்றியோர் பெரும்பற்றப் புலியூர்ச்
சீர்கொள் கொக்கிறகும் கொன்றையும்
        துன்று  சென்னிச் சிற்றம்பலக் கூத்தா !
நீர்கொள்செஞ் சடைவாழ் மதிபுது
        மத்தம்  நிகழ்ந்தஎன் சிந்தையுள் நிறைந்தே.   10 

திருமுறை:9:02:10

கொடிமேல் இடபமும் கோவணக்   கீளும் ஓர் கொக்கிறகும்
அடிமேற் கழலும் அகலத்தில்   நீறும் ஐவாய் அரவும்
முடிமேல் மதியும் முருகலர்   கொன்றையும் மூவிலைய
வடிவேல் வடிவும்என் கண்ணுள் எப்போதும் வருகின்றவே.   20  

திருமுறை:11:07:20

 

© 2025 Arulalayam. Reproduction or forwarding of this content without permission is immoral and prohibited.