சிலந்தி

  திருமுறை வனம்: 

சிலந்தி 

தகவல் பலகை	விவரம்
பறவை	சிலந்தி
அறிவியல் பெயர்	Araneae
சராசரி வாழும் காலம்	சுவர் மூலைகள், மரங்கள், புல்வெளி, வீட்டின் கூரைகள் போன்ற இடங்களில் வலை பின்னி வாழ்கிறது.g
உணவு	சிறிய பூச்சிகள், ஈக்கள், கொசுக்கள் போன்றவை
குறிப்புகள்	சிலந்தி தன் உடலில் இருந்து வரும் நூலை (சிலந்தி நூல்) கொண்டு வலை பின்னி, அதில் பூச்சிகளைப் பிடித்து உணவாகக் கொள்கிறது. வலை பின்னும் திறமை அதிசயமானது; அதில் கணித ரீதியான துல்லியமும், பொறுமையும் உண்டு. எட்டு கால்கள், இரண்டு உடல் பகுதிகள் (தலை-மார்பு இணைந்தது மற்றும் வயிறு). மரபு நம்பிக்கை: சிலந்தி வீட்டில் வலை பின்னுவது "செல்வம் வரப் போகிறது" என்ற நம்பிக்கையாகக் கூறப்படுகிறது.
இடம் பெற்றுள்ள திருமுறைகள்	சேக்கிழார் அருளிய 12ம் திருமுறை

 

நன்றும் இழைத்த சிலம்பி வலைப் 
          பரப்பை நாதன் அடி வணங்கச் 
சென்ற யானை அநுசிதம் என்று 
          அதனைச் சிதைக்கச் சிலம்பிதான்
இன்று களிற்றின் கரம் சுலவிற்று 
          என்று மீள இழைத்ததனை
அன்று கழித்த பிற்றைநாள் 
          அடல் வெள்ளானை அழித்ததால்.  (12:74:4)

தறையில் புடைப்பக் கைப்புக்க சிலம்பி 
          தானும் உயிர் நீங்க
மறையில் பொருளும் தரும் ஆற்றான் 
          மத யானைக்கும் வரம் கொடுத்து
முறையில் சிலம்பி தனைச் சோழர் 
          குலத்து வந்து முன் உதித்து
நிறையில் புவனம் காத்து அளிக்க 
          அருள் செய்து அருள நிலத்தின் கண்.  (12:74:6)  

நிலந்த ணீரோ டனல்கால்
  விசும்பின் நீர்மையான்
சிலந்தி செங்கட் சோழ
  னாகச் செய்தானூர்
அலந்த அடியான் அற்றைக்
  கன்றோர் காசெய்திப்
புலர்ந்த காலை மாலை
  போற்றும் புத்தூரே.   7  

புலர்ந்தகால் பூவும் நீருங் 
  கொண்டடி போற்ற மாட்டா
வலஞ்செய்து வாயின் நூலால் 
  வட்டணைப் பந்தர் செய்த
சிலந்தியை அரைய னாக்கிச் 
  சீர்மைகள் அருள வல்லார்
நலந்திகழ் சோலை சூழ்ந்த 
  நனிபள்ளி அடிக ளாரே.   2  

நலந்திகழ் வாயின் நூலாற் 
  சருகிலைப் பந்தர் செய்த
சிலந்தியை அரச தாள 
  அருளினாய் என்று திண்ணங்
கலந்துடன் வந்து நின்றாள் 
  கருதிநான் காண்ப தாக
அலந்தனன் ஆல வாயில் 
  அப்பனே அருள்செ யாயே.   9 

அரணிலா வெளிய நாவல் 
  அருள்நிழ லாக ஈசன்
வரணிய லாகித் தன்வாய் 
  நூலினாற் பந்தர் செய்ய
முரணிலாச் சிலந்தி தன்னை 
  முடியுடை மன்ன னாக்கித்
தரணிதான் ஆள வைத்தார் 
  சாய்க்காடு மேவி னாரே.   3  

சிலந்தியும் ஆனைக் காவிற் 
  திருநிழற் பந்தர் செய்து
உலந்தவண் இறந்த போதே
  கோச்செங்க ணானு மாகக்
கலந்தநீர்க் காவி ரிசூழ் 
  சோணாட்டுச் சோழர் தங்கள்
குலந்தனிற் பிறப்பித் திட்டார் 
  குறுக்கைவீ ரட்ட னாரே.   4  

அரிபிரமர் தொழுதேத்தும் அத்தன் றன்னை
அந்தகனுக் கந்தகனை அளக்க லாகா
எரிபுரியும் இலிங்கபுரா ணத்து ளானை
எண்ணாகிப் பண்ணா ரெழுத்தா னானைத்
திரிபுரஞ்செற் றொருமூவர்க் கருள்செய் தானைச்
சிலந்திக்கும் அரசளித்த செல்வன் றன்னை
நரிவிரவு காட்டகத்தி லாட லானை
நாரையூர் நன்னகரிற் கண்டேன் நானே.   8  

பூச்சூழ்ந்த பொழில்தழுவு புகலூ ருள்ளார்
புறம்பயத்தார் அறம்புரிபூந் துருத்தி புக்கு
மாச்சூழ்ந்த பழனத்தார் நெய்த்தா னத்தார்
மாதவத்து வளர்சோற்றுத் துறையார் நல்ல
தீச்சூழ்ந்த திகிரிதிரு மாலுக் கீந்து
திருவானைக் காவிலோர் சிலந்திக் கந்நாள்
கோச்சோழர் குலத்தரசு கொடுத்தார் போலுங்
குடந்தைக்கீழ்க் கோட்டத்தெங் கூத்த னாரே.   8 

சிலந்திக் கருள்முன்னஞ் செய்தான் கண்டாய்
திரிபுரங்கள் தீவாய்ப் படுத்தான் கண்டாய்
நிலந்துக்க நீர்வளிதீ யானான் கண்டாய்
நிரூபியாய் ரூபியுமாய் நின்றான் கண்டாய்
சலந்துக்க சென்னிச் சடையான் கண்டாய்
தாமரையான் செங்கண்மால் தானே கண்டாய்
மலந்துக்க மால்விடையொன் றூர்ந்தான் கண்டாய்
மறைக்காட் டுறையும் மணாளன் றானே.   3 

ஆய்ந்தவன்காண் அருமறையோ டங்க மாறும்
அணிந்தவன்காண் ஆடரவோ டென்பு மாமை
காய்ந்தவன்காண் கண்ணழலாற் காம னாகங்
கனன்றெழுந்த காலனுடல் பொடியாய் வீழப்
பாய்ந்தவன்காண் பண்டுபல சருகாற் பந்தர் 
பயின்றநூற் சிலந்திக்குப் பாராள் செல்வம்
ஈந்தவன்காண் எழிலாரும் பொழிலார் கச்சி 
ஏகம்பன் காணவனென் எண்ணத் தானே.   6 

புத்தியினாற் சிலந்தியுந்தன் வாயின் நூலாற்
பொதுப்பந்தர் அதுவிழைத்துச் சருகால் மேய்ந்த
சித்தியினால் அரசாண்டு சிறப்புச் செய்யச்
சிவகணத்துப் புகப்பெய்தார் திறலான் மிக்க
வித்தகத்தால் வெள்ளானை விள்ளா அன்பு
விரவியவா கண்டதற்கு வீடு காட்டிப்
பத்தர்களுக் கின்னமுதாம் பாசூர் மேய
பரஞ்சுடரைக் கண்டடியேன் உய்ந்த வாறே.   6 

உலர்ந்தார்தம் அங்கங்கொண் டுலக மெல்லாம் 
ஒருநொடியில் உழல்வானை உலப்பில் செல்வஞ்
சிலந்திதனக் கருள்செய்த தேவ தேவைத்
திருச்சிராப் பள்ளியெஞ் சிவலோ கனைக்
கலந்தார்தம் மனத்தென்றுங் காதலானைக்
கச்சியே கம்பனைக் கமழ்பூங் கொன்றை
நலந்தாங்கு நம்பியை நள்ளாற் றானை
நானடியேன் நினைக்கப்பெற் றுய்ந்த வாறே.   5 

நற்ற மிழ்வல்ல ஞானசம் பந்தன்
  நாவினுக் கரையன் நாளைப்போ வானுங்
கற்ற சூதன்நற் சாக்கியன் சிலந்தி
  கண்ணப் பன்கணம் புல்லனென் றிவர்கள்
குற்றஞ் செய்யினுங் குணமெனக் கருதுங்
  கொள்கை கண்டுநின் குரைகழல் அடைந்தேன்
பொற்றி ரள்மணிக் கமலங்கள் மலரும்
  பொய்கை சூழ்திருப் புன்கூர் உளானே.   4 

திருவும் வண்மையுந் திண்டிறல் அரசுஞ்
  சிலந்தி யார்செய்த செய்பணி கண்டு
மருவு கோச்செங்க ணான்றனக் களித்த
  வார்த்தை கேட்டுநுன் மலரடி அடைந்தேன்
பெருகு பொன்னிவந் துந்துபன் மணியைப்
  பிள்ளைப் பல்கணம் பண்ணையுள் நண்ணித்
தெருவுந் தெற்றியும் முற்றமும் பற்றித்
  திரட்டுந் தென்றிரு நின்றியூ ரானே.   1  

தெருண்ட வாயிடை நூல்கொண்டு சிலந்தி
  சித்தி ரப்பந்தர் சிக்கென இயற்றச்
சுருண்ட செஞ்சடை யாயது தன்னைச்
  சோழன் ஆக்கிய தொடர்ச்சிகண் டடியேன்
புரண்டு வீழ்ந்துநின் பொன்மலர்ப் பாதம்
  போற்றி போற்றியென் றன்பொடு புலம்பி
அருண்டென் மேல்வினைக் கஞ்சிவந் தடைந்தேன்
  ஆவ டுதுறை ஆதிஎம் மானே.   2  

அலந்து போயினேன் அம்பலக் 
  கூத்தனே அணிதில்லை நகராளீ
சிலந்தியை அரசாள்க என்(று) 
  அருள்செய்த தேவதே வீசனே
உலந்தமார்க் கண்டிக் காகிஅக் 
  காலனை உயிர்செக வுதைகொண்ட
மலர்ந்த பாதங்கள் வனமுலை 
  மேலொற்ற வந்தருள் செய்யாயே.   3  

மத்திமம் ஒத்த சிலந்தி வலயத்துள்
ஒத்துஅங் கிருந்து உயிருண்ணு மாறுபோல்
அத்தனும் ஐம்பொறி ஆடகத்துள் நின்று
சத்த முதல்ஐந்தும் தான்உண்ணு மாறே.   4  

பூதிப் புயத்தர் புயத்திற் 
  சிலந்தி புகலும்அஞ்சி
ஊதித் துமிந்த மனைவியை 
  நீப்பஉப் பாலவெல்லாம்
பேதித் தெழுந்தன காணென்று 
  பிஞ்ஞகன் காட்டுமவன்
நீதித் திகழ்சாத்தை நீலநக் 
  கன்எனும் வேதியனே.   31  

கம்பக் கரிக்கும் சிலந்திக்கும் 
  நல்கிய கண்ணுதலோன்
உம்பர்க்கு நாதற் கொளிவிளக் 
  கேற்றற் குடல்இலனாய்க்
கும்பத் தயிலம்விற் றுஞ்செக் 
  குழன்றும்கொள் கூலியினால்
நம்பற் கெரித்த கலிஒற்றி 
  மாநகர்ச் சக்கிரியே.   55  

மறைபயில் மார்க்கண் 
  டேயனுக் கருளியும்
தாருகற் கொல்லமுன் 
  காளியைப் படைத்தும்
சீர்மலி சிலந்திக் 
  கின்னர சளித்தும்
கார்மலி உருவக் 
  கருடனைக் காய்ந்தும்
ஆலின் கீழிருந் 
  தறநெறி அருளியும் (40)

மைவைத்த கண்டன் நெறியன்றி 
  மற்றோர் நெறிகருதாத்
தெய்வக் குடிச் சோழன் முன்பு 
  சிலந்தியாய்ப் பந்தர்செய்து
சைவத் துருவெய்தி வந்து 
  தரணிநீ டாலயங்கள்
செய்வித்த வன்திருக் கோச்செங்க 
  ணான்என்னும் செம்பியனே.   82  

பூதிப் புயத்தர் புயத்திற் 
  சிலந்தி புகலும்அஞ்சி
ஊதித் துமிந்த மனைவியை 
  நீப்பஉப் பாலவெல்லாம்
பேதித் தெழுந்தன காணென்று 
  பிஞ்ஞகன் காட்டுமவன்
நீதித் திகழ்சாத்தை நீலநக் 
  கன்எனும் வேதியனே.   31  

ஆன செயலால் திருவானைக்கா 
  என்று அதற்குப் பெயராக
ஞானம் உடைய ஒரு சிலந்தி 
  நம்பர் செம் பொன் திருமுடிமேல்
கானல் விரவும் சருகு உதிரா 
  வண்ணம் கலந்த வாய் நூலால்
மேல் நல்திரு மேற்கட்டி என 
  விரிந்து செறியப் புரிந்து உளதால்.   3  

சிலந்திக்கு அருளும் கழல் வணங்கிச் 
  செஞ்சொல் மாலை பல பாடி
இலங்கு சடையார் எறும்பியூர் 
  மலையும் இறைஞ்சிப் பாடியபின்
மலர்ந்த சோதித் திருச்சிராப்பள்ளி 
  மலையும் கற்குடியும்
நலம்கொள் செல்வத் திருப்பராய்த் 
  துறையும் தொழுவான் நண்ணினார்.   302