பிறன் இல் விழையாமை

 

௨ 

தெய்வப் புலவர் திருவள்ளுவர்  அருளிச்செய்த 

திருக்குறள் 

தகவல் பலகை	விவரம்
பால்	அறத்துப்பால்
இயல்	இல்லறவியல்
அதிகாரம்	15. பிறனில் விழையாமை

 

 அதிகாரம் 15 – பிறனில் விழையாமை 

141.
பிறன்பொருளாள் பெட்டொழுகும் பேதைமை ஞாலத்து
அறம்பொருள் கண்டார்கண் இல்.

Transliteration:
Piṟanporuḷāḷ peṭṭozhugum pēdhaimai ñālaththu
Aṟamporuḷ kaṇḍārkaṇ il.

142.
அறன்கடை நின்றாருள் எல்லாம் பிறன்கடை
நின்றாரின் பேதையார் இல்.

Transliteration:
Aṟaṉkaḍai niṉṟāruḷ ellām piṟaṉkaḍai
Niṉṟāriṉ pēdhaiyār il.

143.
விளிந்தான் வேறல்லர் மன்ற தெளிந்தாரில்
தீமை புரிந்து ஒழுகு வார்.

Transliteration:
Viḷiṉdhāṉ vēṟallar maṉṟa theḷiṉdhāril
Thīmai purindhu ozhugu vār.

144.
எனைத்துணையர் ஆயினும் என்னாம் தினைத்துணையும்
தேரான் பிறனில் புகல்.

Transliteration:
Eṉaiththuṇaiyar āyiṉum eṉṉām thinaiththuṇaiyum
Thērāṉ piṟaṉil pughal.

145.
எளிதென இல்லிறப்பான் எய்துமெஞ் ஞான்றும்
விளியாது நிற்கும் பழி.

Transliteration:
Eḷidhaṉa illiṟappāṉ eydhumeñ ñāṉṟum
Viḷiyāthu niṟkum paḻi.

146.
பகைபாவம் அச்சம் பழியென நான்கும்
இகவாவாம் இல்லிறப்பான் கண்.

Transliteration:
Pagaipāvam achcham paḻiyeṉa nāṉgum
Igavāvām illiṟappāṉ kaṇ.

147.
அறனியலான் இல்வாழ்வான் என்பான் பிறனியலாள்
பெண்மை நயவா தவன்.

Transliteration:
Aṟaṉiyalāṉ ilvāzhvāṉ eṉpāṉ piṟaṉiyalāḷ
Peṇmai nayavā thavaṉ.

148.
பிறன்மனை நோக்காத பேராண்மை சான்றோர்க்கு
அறனொன்றோ ஆன்ற வொழுக்கு.

Transliteration:
Piṟaṉmaṉai nōkkātha pērāṇmai chāṉṟōrkku
Aṟaṉoṉṟō āṉṟa vozhukku.

149.
நலக்குரியார் யாரெனின் நாமநீர் வைப்பின்
பிறர்க்குரியாள் தோள்தோயா தார்.

Transliteration:
Nalakkuṟiyār yāreṉiṉ nāmaṉīr vaippiṉ
Piṟarkkuriyāḷ thōḷthōyā thār.

150.
அறன்வரையான் அல்ல செயினும் பிறன்வரையாள்
பெண்மை நயவாமை நன்று.

Transliteration:
Aṟaṉvaraiyāṉ alla seyiṉum piṟaṉvaraiyāḷ
Peṇmai nayavāmai naṉṟu.