குடல் அழற்சி நோய்

 

        திருமுனைப் பாடி  நாட்டின் திருவயமூரில் புகழனாருக்கும் மாத்தினியாருக்கும் இரண்டாவது மகவாக தோன்றியவர் திருநாவுக்கரசர். இளமை பருவத்தில் பெற்றோர் இவருக்கு இட்ட பெயர் மருள் நீக்கியார் என்பதாகும்.  இவரது தமக்கையார் பெயர் திலகவதியார்.

                   கலிப்பகையார் என்பவர் வீரத்தில் ஆண்சிங்கம், ஈரத்தில் கார்மேகம் என புகழத்தக்க படைத் தலைவர். சிவபெருமானிடத்து பக்தி பூண்ட அவருக்கு திலகவதியாரை திருமணம் செய்து வைப்பதற்கு முடிவு செய்தனர்.  மன்னார் ஆணைப்படி போருக்கு சென்ற கலிப்பகையார் போர்க்களத்தில் எதிர்பாராத விதமாக அவர் உயிர் விட நேர்ந்தது. அதே போரில் புகழனாறும் இறந்தார். கணவனை இழந்த மாத்தினியாரும் உயிர் விட்டனர். 

புத்தகத்தைப் பெற click செய்யவும் 

                   பெற்றோரை இழந்த திலகவதி யார், மணக்க இருந்த  கலிப்பகையாரையும் இழந்தார்; தன் தம்பி மருள்நீக்கியாருக்காக வாழந்து  வரும் சூழலில், உலக நிலையா மையை உணர்ந்த மருள் நீக்கியார், உலக நிலையாமையை உணர்ந்தார். பின் பாடலிபுத்திரம் சென்றார். அங்கு சமானர் களின் பள்ளியில் சமண சமயமே வீட்டு நெறி என அதில் புகுந்தார். அச்சமய உண்மைகளை நன்கு காற்று வல்லவராய் விளங்கியதால் தரும செனற் என்ற மேலான பட்டப் பெயரையும் பெற்று சமண சமய தலைவராக விளங்கினார். 

                   திலகவதியார் தம் தம்பி தாய் சமயமான சைவத்தை விட்டு விலகி சமண சமயத்தை சார்ந்து இருப்பதை எண்ணி வருந்தி, சிவபெருமானிடம் தம் தம்பியை சமணத்தில் இருந்து மீட்டுத் தரும்படி வேண்டிக் கொண்டார். 

                   இறைவனின் வேண்டுதலுக்கு செவி சாய்த்த இறைவனார், தரும சேனருக்கு சூலை நோயை தந்தார். பெரிதும் வருத்தும் அந்நோயை சமானர்களால் போக்க இயல வில்லை. ஆதலால், நோயுற்ற நிலையை தம் தமக்கையாருக்கு சொல்லி வரும்படி வேண்டினார்; தாம் இருக்கும் இடத்திற்கு தம்பியை வரும்படி சொல்லி அனுப்பினார். 

                   தமக்கையாரின் கட்டளையை ஏற்று தருமசேனார் எனும் மருள் நீக்கியார் திலகவதியாரை கண்டு அடிகளில் விழுந்து வணங்கினார். அவர் திருநீற்றை  தந்து திருவதிகை வீரட்டா கோயிலுக்கு அழைத்து சென்றார். அங்கே நம்பர் அருளினால், தம் நோய் நீங்கிட பதிகம் பாடினார். (கூற்றாயினவாறு விலக்க கலீர்), கொடிய சூலை நோய் அவரை விட்டு நீங்கியது. நீ அரிய பதிகம் பாடினாய் ஆதலால் நாவுக்கரசர் என்ற பெயர் நிலைக்கட்டும் என இறைவர் அருள் புரிந்தார். தொடர்ந்து மனம் வாக்கு காயத்தினால் தொண்டு செய்ய தொடங்கினார். இது அப்பர் வரலாற்றில் பதிவு செய்துள்ளது என்பதை அறிவோம். 

                   இறைவன் அருளால் சூலை நோய் ஏற்பட்டது என்றும் பின் அது நம்பர் அருளால் தீர்ந்து விலகியது என்றும் நாவுக்கரசர் வரலாற்றில் இருந்து நாம் அறிகிறோம். இப்போ சிந்தனைக்கு வருவதெல்லாம், இறைவன் அருளினால் தான் இது நிகழ்ந்தது என்றாலும் ஏன் சூலை நோய் கொடுத்து ஆட்கொள்ள வேண்டும். வேறு விதமாக ஆட்கொண்டு இருக்கலாம் தானே, ஏன் சூலை நோய் கொடுத்து ஆட்கொள்ள வேண்டும். ? 

                   அப்பர் பெருமானை இறைவன் சூலை நோய் கொடுத்து ஆட்கொண்டது இறைவனின் திருக்கருணை என்பதில் ஐயம் இல்லை எனினும்.. ஒருவருக்கு(திருஞானசம்பந்தருக்கு) பாலை கொடுத்து ஆட்கொண்ட இறைவன் இன்னொருவருக்குக்(சுந்தரருக்கு) ஓலை கொடுத்து ஆட்கொண்ட இறைவன் நாவுக்கரசருக்கு  மட்டும் ஏன் சூலை நோய் கொடுத்து ஆட்கொள்ள வேண்டும்..? இதில் என்ன அறிவியல் சிந்தனை இருக்கிறது..?

தட்டை இடுக்கித் தலையைப்
                பறித்துச் சமணே நின்று உண்ணும் 
பிட்டர் சொல்லுக் கொள்ள வேண்டா; 
                பேணித் தொழுமின்கள்! 
வட்டமுலையாள் உமையாள் பங்கர்
                மன்னி உறை கோயில, 
அட்டம் ஆளித்திரள் வந்து
                அணையும் அண்ணா மலையாரே.

(1:69:10)

          திருஞானசம்பந்தர் இந்த திருப்பதிகத்தில் “நின்று உண்ணும் சமணர்கள்” என்ற குறிப்பை பதிவு செய்கிறார். இந்த குறிப்பின் படி பார்த்தால், ஒருவர் நின்று உண்பதையே கொண்டு இருப்பவர்கள் உணவு செரிமான பிரச்சனை ஏற்பட்டு மலச்சிக்கல் அது தொடர்ந்து குடல் அழற்சி நோய் ஏற்பட ஏதுவாக இருக்கும்.

          மருத்துவ அறிவியலின் படி, Appendicitis என்னும் குடல் அழற்சிக்கான நோய் காரணமும் செரிமான கோளாறு, மலச்சிக்கல், அடிவயிறு வலித்து, வாந்தி குமட்டல், காய்ச்சல் இது தானே.

          தர்மசேனராக அப்பர் பெருமான், சமணத்தை சார்ந்து இருக்கும் போது தான் இந்த சூலை நோய் ஏற்பட்டு இருக்கிறது. அந்த சமணத்தில் இருக்கும் போது, திருஞான சம்பந்தர் பதிகத்தில் உள்ள குறிப்பு படி, எப்போதும் நின்றபடி உணவு உண்பத்தை பழக்கத் தில்இருப்பதால், சூலை என்னும் குடல் அழற்சி நோய் ஏற்பட்டு இருக்கிறது. அதனால் இறைவனின் திருக்கருணையினால் இது நிகழ்ந்தது என்றாலும் அறிவியல் சிந்தனைக்கு ஏற்பவே, இறைவனின் திருக்கருணை அமைத்து தந்து இருக்கிறது என்பதை புரிந்து கொள்ளும் போது, மெய்சிலிறக்காமல் இல்லை.

          பாலை சம்பந்தருக்கும் நூலை மணிவாசகருக்கும், ஓலையை சுந்தரருக்கும் கொடுத்து ஆட்கொண்ட எம் பெருமான் ஏன் அப்பர் பெருமானுக்கு சூலை கொடுத்து ஆட்கொண்டார் என்ற காரணம் விளங்கி இருக்கும்.