கொரியர் சர்வீஸ்

 

                     நமக்கு தேவையான ஒரு பொருளை ஒரு இடத்தில் இருந்து இன்னொரு இடத்திற்கு எடுத்துச் செல்ல இப்போது பார்சல் சர்வீஸ் அல்லது கொரியர் சர்வீஸ் இருக்கிறது என்பதுநமக்கு தெரியும். எந்த நாட்டில் இருந்தும் எந்த பொருட்களையும், ஓர்இடத்தில் இருந்து இன்னொரு இடத்திற்கு சுலபமாக கொண்டு செல்ல முடிகிறது.  ஆனால் இந்த சேவை எப்போது தொடங்கப்பட்டது என்று தெரியுமா? என்று கேட்டால் பலருக்கும் அது பற்றிய சிந்தனையே இருக்காது. முந்தைய காலத்தில் மாட்டு வண்டி என்பது போல சொல்லி விட்டு சிலர் நிறுத்தி விடுவார்கள்.  இப்படி ஒரு பொருளை எடுத்துச் செல்ல முடியும் (logistics) என்ற அடிப்படை சிந்தனையை திருமுறையில் இருந்து மேற்கோள் காட்டினால் வியப்பாக இருக்கும் இல்லையா?

                        சுந்தரர் பெருமான்,  பல திருத்தலங்களை தரிசனம் செய்த பிறகு, திருநாவலூர் பரவை யாருடன் கூடி ஆரூரப் பெருமானை வழிபாட்டுத் திருவாரூரில் தங்கியிருந் தார். குண்டையூர் என்ற ஊரில் வேளாள மரபை சேர்ந்த குண்டையூர்க் கிழார்வாழ்ந்து வந்தார்.  இவர் சுந்தரநாயனார் மீது அதிகமான அன்பு கொண்டவர்.சுந்தரர் தம்  குடும்பத்திற்கு வேண்டிய உணவுப் பொருள் களைக் குண்டையூர் கிழவர் அனுப்பி வந்தார். இப்பணி இடையறாது  நிகழ்ந்த து வருங்கால  உரிய காலத்தில் மழை பொய்யா மையால் நாட்டில் பஞ்சம் உண்டாயிற்று.

புத்தகத்தை  பெற click செய்யவும் 

   சுந்தரர் பெருமான் மாளிகைக்கு இன்று நெல் அனுப்புதற்கு இல்லையே எனப் பெறும் கவலை கொண்ட குண்டடையூர் கிழவர் அன்றும் உணவேதும் கொள்ளாமல் அயர்ந்து துயில் கொண்டார். சிவபெருமான் அவர் கனவில் தோன்றி, நம்பி ஆரூரன் பொருட்டு உன்பால் நெல்லைத் தந்தோம். என்று உரைத்துக் குபேரனை  ஏவினான். குபேரன் குண்டையூர் முழுவதும் நெல் மாலையாக குவிந்திட செய்தான். வைகறையில் எழுந்த கிழவர் மலை போலும் நெறி குவியலைக் கண்டு வியப்புற்று இறை அருளை நினைந்து போற்றினார். திருவாரூர் சென்று வன்தொண்டரான சுந்தரரிடம் நிகழ்ந்ததை க் கூறுதற்குச் சென்ற குண்டையூர் கிழவர் வழியிலேயே

        வன்தொண்டரைக்  கண்டு அவரை இறைஞ்சித் தம் ஊருக்கு அழைத்துச் சென்றார். குண்டையூரில் உள்ள நெல் மலையை தந்து அருளிய சிவபெருமானே, இதனைத் திருவாரூருக்கு எடுத்துச் செல்வதற்குரிய ஆட்களையும் தந்தால்தான்,  இதனைக் கொண்டு செல்ல முடியும்  என நினைந்து அண்மையில் உள்ள திருக் கோளிலித் திருக் கோயிலை அடைந்தார். இறைவன் திருமுன் நின்று,

 

நீள நினைந்து அடியேன் உமை நித்தலும் கை தொழுவேன்;

வாள் அன கண் மடவாள் அவள் வாடி வருந்தாமே,

கோளிலி எம்பெருமான்! குண்டையூர்ச் சில நெல்லுப் பெற்றேன்;

“ஆள் இலை”; எம்பெருமான், அவை அட்டித்தரப் பணியே!

7:20:01

எனவரும் திருப்பதிகத்தைப் பாடி போற்றினார்.

                         அப்போது, இன்று பகற்பொழுது  நீங்கிய பின் நம்முடைய பூத கணங்கள், நெல்லைக் கொண்டு வந்து திருவாரூர் முழுவதிலும் குவித்து விடும் என்று ஓர்  அசரீரி எழுந்தது  அது கேட்டு மகிழ்ந்த சுந்தரர் திருவாரூர் சென்று நிகழ்ந்தனவற்றை பரவையார்க்குத் தெரி வித்து மகிழ்ந்து இருந்தார். அன்று இரவே திருவாரூர் வீதிகளில் நெற் குவியல்கள் நிரம்பி விட்டன. மறுநாள் வைகறை பொழுதில் நேர குவியல்களைக் கண்டு வியப்புற்றார்  பரவையார்; அவரவர் மனை முகப்பில் உள்ள நெல்  குவியலை அவரே  வாரிக் கொள்ளலாம் என்று பறை அறைய செய்தார்.

                        இந்த வாலாற்று செய்தியில் இருந்து நாம் தெரிந்து கொள்வது யாதெனின், இவை நடந்தது எல்லாம் இறைவன் திருக்கருணையினால் தான் என்றாலும், இறைவன் தொடக்கத் திலேயே சுந்தரர் பெருமானுக்கு அனுப்ப வேண்டிய நெல் மணிகளை குண்டையூர் கிழார் தந்தது என  திருவாரூருக்கு தந்து இருக் கலாம்.  ஆனால் அப்படி தராமல், முதலில் குண்டையூர் அனுப்பி பிறகு திருவாரூர் அனுப்புவது ஏன்?

                        குண்டையூர் கிழார் பெருமையை காட்டுவதற்கு தான் என்றாலும், குண்டையூர் கிழார் தந்தது என சுந்தரருக்கு சொல்லி இருக்கலாம் தானே.  சரி போகட்டும். ஒரு கண பொழுதில் நெல் மணிகளை குண்டையூறுக்கு தந்த சிவபெருமான், இன்னொரு கண பொழுதில் திருவாரூருக்கு அனுப்பாமல்   பகல் பொழுது நீங்கிய பின், ஒரு இரவில், குண்டையூரில் இருந்து திருவாரூர் அனுப்புவது என்பது கால இடைவெளியை காட்டுவதற்கு தான் (logistics planning).

பகற்பொழுது கழிந்ததற்பின் பரவை-மனை அளவு அன்றி,

மிகப் பெருகு நெல், உலகில் விளங்கிய ஆரூர் நிறைய …

பெரியபுராணம்:3175

                        நாகப்பட்டினம் மாவட்டத்தில் உள்ள குண்டையூரில் இருந்து சுமார் 25 கிலோமீட்டர் தூரத்தில் உள்ள திருவாரூர் செல் வதற்கு ஆகும் நேரத்தை கணக்கிட்டு பார்த்தால் இந்த போக்கு வரத்து logistics planning பற்றிய செய்திகள் நமக்கு விளங்க வரும். எல்லாம் இறைவன் திருக்கருணை என்றால் ஒரு நொடியில் செய்து இருக்கலாம் என்றாலும் இதை விளக்கி சொல்ல வந்தது தான் இந்த செய்தி. இதை இப்படி decode செய்து பார்த்தால், பண்டைய காலத்திலே எப்படி திட்டமிட்டு செயல்படுத்தப்பட்டு இருந்தது என்பதை தெளிவாக நாம் புரிந்து கொள்ள முடியும்.