அடியார் பெருமை - இசைஞானியார்

அடியார் பெருமை

இசைஞானியார் நாயனார்

 

தகவல் பலகை	விவரம்
குலம்	ஆதி சைவர்
நாடு	நடு நாடு
ஊர்	திருவாரூர்
மாதம்	சித்திரை
குருபூஜை நட்சத்திரம்	சித்திரை
பிறஅடியாருடன்	விவரங்கள்  இல்லை
திருத்தொண்டு	சுந்தரமூர்த்தி நாயனாரின் அன்னையார் .
இடம்பெற்ற திருமுறை	12.77

"இசைஞானி காதலன் அடியார்க்கும் அடியேன்"

         திருவாரூரிலே கௌதமகோத்திரத்தில் அவதரித்த ஞானசிவாச்சாரியார்என்பவருக்குத் திருமகளாக அவதரித்தவர் இசைஞானியார். அவர் திருவாரூர் இறைவரது திருவடி மறவாதவர். திருமணப் பருவம்அடைந்ததும், சடையநாயனாரது உரிமைத் திருமனைவியானார். ஆளுடைய நம்பியைப் புத்திரனாகப் பெறும் பேறுபெற்ற இசைஞானிப் பிராட்டியாரின், பெருமை எம்மால் புகழக்கூடியதோ என்று கூறுமளவு சிவபக்தியில் சிறந்து விளங்கினார். 

         மழலைபாக்கியம் இல்லாத சடையனார், பரம்பரையாக செய்துவரும் சிவத்தொண்டு தடைபடாமல் இருக்க, ஒரு புத்திரனை தந்தருளுமாறு ஈசனை வேண்டினார்.

     அவரின் வேண்டுகோளை ஏற்ற ஈசன், கயிலையில் தம் அணுக்கத் தொண்டராக இருந்த ஆலால சுந்தரர், சடையனாருக்கு மகனாகப் பிறக்கு மாறு அருள் புரிந்தார். அந்த மகனின் ஆற்றலால் கவரப்பட்ட, அந்நாட்டு மன்னனின் அறிவுரைப்படி நரசிங்கமுனையரையர், சுந்தரருக்கு உபநயனம் செய்வித்து, தக்க வயதில் திருமணமும் செய்ய ஏற்பாடு செய்தார்.

     ஈசன் சுந்தரரை தடுத்தாட் கொண்டார். அவ்வளவு மகிமைமிக்கவரை தாம் மகனாகப் பெற்றதை எண்ணி.. எண்ணி.. எஞ்சிய தம்வாழ்நாள்முழுதும் சிவத்தொண்டாற்றி இறுதியில் முக்தியும் பெற்றார், சடையனார்.