புதிய காசும்..பழைய காசும்...

  

        அக்காலத்தில், மழை இன்மையால், பஞ்சம் உண்டாயிற்று. உயிர்கள் எல்லாம் பசியால் வருத்தம் உற்றன. சிவனடி யார்களையும் பசி நோய் வருத்தியது. அது கண்டு அப்பரும் , சம்பந்தரும், சிவனடியார்களைச் சிந்தித்து இரவில் துயில் கொண்டனர்.

          வீழிமிழலை இறைவன் அவ் இருவருக்கும் கனவில் தோன்றி, உங்களை வழிபடும் அடியார்களாது வருத்தத்தை நீக்குகம் பொருட்டு இப்பஞ்சம் நீங்கும் வரை நாம் நாள் தொறும் இத் திருக்கோயிலின் கிழக்கு பீடத்திலும், மேற்கு பீடத்திலும் ஒவ்வொரு காசு உமக்குத் தருகிறோம். பஞ்சம் நீங்கியபின் அக்காசும் தவிரவ தாகும் என்று சொல்லி மறைந்து அருளினார்.

          இருவரும் அன்று காலை திருக்கோயிலில் புகுந்த போது கிழக்குப் பீடத்தில் காசு இருத்தலைக் கண்டு சம்பந்தப் பெருமான் திரு வருளைத் தொழுது அதனை எடுத்து, சிவனடியார் அனைவரும் வந்து உண்பார்களாக என்று இறு காலங்களிலும் பறை சாற்றி தெரிவித்து, தமது திருமடத்தல், வரும் அடியார் அனைவருக்கும் நாள் தோறும் திருவமுது அளித்தார்.

          திருநாவுக்கரசு பெருமானும் மேற்குப் பீடத்தில் வைக்கப்பட்டு இருந்த காசை எடுத்து அவ்வாறே சிவனடியார்க்கு நாள்தொறும் திருவமுது அளித்து வந்தார்.

புத்தகத்தைப் பெற click செய்யவும் 

          திருநாவுக்கரசரது திருமடத்தில் உள்ள அடியார்கள் காலம் பெற அமுது செய் தனர். திருஞான சம்பந்தர் திரு மடத்தில், உள்ள அடியார்கள் அமுது செய் வதற்கு காலம் தாழ்ந்தது. அதை உணர்ந்த சம்பந்தப் பெருமான் மடத்தில் உள்ள அடியார்களிடம் காரணம் கேட்டார். அதற்கு அவர்கள் சம்பந்த பெருமானை பணிந்து தாங்கள் பெறும் படிக்காசை பெற்றுக் பண்டம் வாங்க சென்றால் அதற்கு வட்டம் கேட்கிறார்கள். திருநாவுக்கரசர் பெற்ற காசை வட்டமின்றி பெற்றுக் கொள்கிறார் கள். இதுவே காலம் தாழ்த்து வதரக்குக் காரணம் எனக் கூறினர்.

          அதனைக் கேட்டு, இனி வரும் காலத்தில் தரும் காசு வாசி தீரும்படி பெறுவோம் என்று திரு உளம் கொண்டு மறு நாள் காலை யில் இறைவனைப் பணிந்து,

வாசி தீரவே காசு நலகுவீர்;

மசின் மிழையீர் ஏசல் இல்லையே.

என்னும் திருப்பதிகம் பாடி வாசி இல்லாத நல்ல காசினை சம்பந்தப் பெருமான் பெற்றார். அதனைப் பெற்ற அடியார்கள் காலத்தே பணம் பெற்று உரிய காலத்தில் திருவமுது செய்தார்கள். சில நாட்களில் எங்கும் மழை பெய்து பஞ்சம் நீங்கியது.

          இதில் நாம் சிந்திக்க வைத்துக் கொள்ளும் செய்திகளும் ஐயங்களும் என்ன என பார்க்கலாம்.

          சம்பந்தர் மடம் இருக்கும் கிழக்கு பீடத்தில் வைத்த காசு வாசி உடைய காசு என்றும் அப்பர் சுவாமிகள் இருக்கும் மேற்கு பீடத்தில் உள்ள காசும் இருக்க என்ன காரணமாக இருக்கும்? இது இறைவன் திருக்கருணை தான் என்றாலும் சிந்திக்க இதனை இப்படி எடுத்துக் கொள்வோம்.

          இதில் ஒரு காசு வாசியுடையதும் இன்னொன்று வாசி இல்லாததும் இல்லை என்பதை முதலில் புரிந்து கொள்ள வேண்டும். பிறகு ஏன் வாசியுடைய காசு என்று கடைகளில் சொல்கி றார் என்று கேட்க தோன்றுகிறதா?

          திருஞான சம்பந்த பெருமான், தம்மிடம் பால் குடித்த வளர்ந்த பிள்ளை, அது தம் பிள்ளை என்பதால் புதிதாக தரப்பட்ட காசினை சம்பந்த பெருமானுக்கு தந்து அருள்கிறார் எம்பெருமான். அப்பர் பெருமானுக்கு வழக்கத்தில் உள்ள பழைய காசினை பஞ்சம் தீர்க்க  தந்து அருள்கிறார். சந்தைக்கு புதிதாக உள்ள காசு என்பதால், அதன் மதிப்பு தன்மையை சரி பார்க்க சந்தையில்  வட்டம் கேட்கிறார்கள் (authenticity) என சம்பந்தர் மடத்தில் இருந்த அடியார் பெருமக்கள் சொல்கிறார்கள்.

          புதிதாக ஒரு காசு வரும் போது, அது செல்லத் தக்கது தானா? என்ற ஐயம் எல்லோருக்கும் வரும் இன்றைய நாளில் கூட புதிதாக வந்த பத்து ரூபாய் நாணயத்தை வாங்க பலர் முதலில் தயங்கினார். பேருந்துகளில் தவிர வேறு இடங்களில் இந்த பத்து ரூபாய் நாணயத்தை மாற்றுவது சிரமமாகவே இருந்தது. ஆக புதிய நாணயம் என்பதால் சந்தையில் வட்டம் கேட்கிறார்கள் அதனால் மடத்தில் உணவிட காலம் தாமதமானது.

          அது தான் சிந்தனை என்றால், இறைவன் இருவருக்குமே புதிய காசு அல்லது அப்பர் பெருமானுக்கு புதிய காசு கொடுத்து இருக் கலாமே என்று சிந்திக்க தோன்றலாம்.  தன் வீட்டு பிள்ளை என்றால் அதற்கு தனி சிறப்பு உண்டு. அதற்கு தான் புதிதாக உள்ள எதுவும் முதலில் கிடைக்கும் இல்லையா. அதனால் புதிதாக உள்ள காசை சம்பந்தப் பெருமானுக்கும், பழக்கத்தில் உள்ள காசை அப்பர் பெருமானுக்கும் கிடைக்கும் படி இறைவன் அருளிச் செய்துள்ளார்.

          சம்பந்தப் பெருமான் குழந்தை பருவத்தில் உள்ளவர் என்பதால், இறைவனை வேண்டி வாசி தீர காசு பெற்று, பஞ்சம் தீர்க்க, திருவமுது படைத்தார் என்பதை புரிந்து கொள்ள லாம். அதனால் இறைவன் சோதிக்க அல்லது அருள் செய்யவில்லை என்று, சிந்திப்பது சரியாக இருக்காது என்பதால், இந்த புதிய சிந்தனையை உங்களுடன் பகிர்ந்து கொண்டோம்.