அடியார் பெருமை - இயற்பகை நாயனார்

 அடியார் பெருமை

இயற்பகை நாயனார்

 

தகவல் பலகை	விவரம்
குலம்	வணிகர்
நாடு	சோழநாடு
ஊர்	காவிரி பூம்பட்டினம்
மாதம்	மார்கழி
குரு பூஜை நட்சத்திரம்	உத்திரம்
பிற அடியாருடன்	விவரங்கள்  இல்லை
திருத்தொண்டு	சிவனடியாராக வந்த சிவனிடம்,  தன்னுடைய மனைவியை ,  முழுநம்பிகையுடன் அனுப்பியவர்..
இடம்பெற்ற திருமுறை	12.09

                  காவிரிப்பூம்பட்டிணம் என்ற வாணிப நகரில் வணிகர் குலத்தில் பிறந்தவர் இயற்பகை நாயனார். இவரது சொந்த பெயர், தாய் தந்தையர் பெயர் தெரியவில்லை. இவர் செய்த பெருங்காரியத்தால் இப் பெயர் சூட்டிஇருக்கலாம்.

     இயற்பகையார் என்பதற்கு உலக இயல்பிற்கு மாறான எண்ணம் கொண்டவர் என்று பொருள் படலாம். இவர் மற்றவர்களை போல் அல்லாமல் தனக்கு சொந்தமாக எதுவும் இல்லை என்ற கொள்கை உடைய வர். யார்வந்து எது கேட்டாலும் கொடுப்பவர். வணிகர்கள் தாம் செல்வங் களை பெருக்கி கொண்டே போக வேண்டும் என்ற எண்ணம் கொண்டவர்கள். ஆனால் இதற்கெல்லாம் மாறாக வாழ்ந்து காட்டியவர் இயற்பகையார்.

     தன் மூச்சு, தன் உயிர், தன் பொருள் எல்லாம் அந்த சிவனுக்கே உரியது என்று வாழ்ந்தவர் இவர். யார் வந்து எது கேட்டாலும் கொடுப்பவர். தான் வாழ்வதோடு மற்றவர்களும் வாழ வேண்டும் என்ற எண்ணங்கொண்டவர். இதனால் வணிகர்களுக்கு எல்லாம் தலைவராக விளங்கினார்.

     இவரது கொடைத்தன்மையை உலகிற்கு காட்ட விரும்பினார் சிவபெருமான். அடியாருக்கு மறுக்காமல் மகிழ்ந்து தரும் இவர் பெருமை யை மற்றவர்களுக்கு அறிவிக்க விரும்பினார். அதற்காக தூர்த்த வேடத்துடன்,  அந்தணர் வேடம் பூண்டு நெற்றியில் திருநீறு ஆனால் மனதில் காம குணம். நெற்றியில் திருநீறு பூசியிருப்பதை கண்ட நாயனாருக்கு பூரிப்பு, சிவனடியார் தன் வீடு தேடிவந்துள்ளதை நினைத்து ஆனந்தத்தில் "வருக! வருக!" என்று வரவேற்று மகிழ்கிறார்.

     வந்தவரோ, சிவனடியார்கள் எதைக் கேட்டாலும் மறுக்காமல் தந்து விடுவாயாமே, அதனால் எனக்கு பிரியமானது ஒன்று உன்னிடத்தில் இருக்கிறது, அதைப்பெற்று செல்ல வந்தேன் மறுக்காமல் கொடுப்பாயா? என்றார். ஏதாவது ஒரு பொருள் எனக்கு சொந்தமானால் அது எனக்கு சொந்தமானது என்று நான் கருதுவதில்லை, அது ஈசனடியார் களுக்கே சொந்தம் ஆதலால் உங்களுக்கு எது வேண்டுமோ அதைக் கேளுங்கள் என்றார் இயற்பகையார்.

     ஒரு கணம் தயங்கியவர்போல் நடித்த சிவனடியார், நான் உன் காதல் மனைவியை விரும்பி வந்தேன் அவளை தருவாயா என்று தயங்கியபடி கேட்டார். இவ்வாறு கூசாமல் கேட்கிறாரே என்று இயற்பகையார் கோபப் படவில்லை. மனைவியை பிறிந்து எப்படி வாழப்போகிறோம் என்று வேதனைப்படவும் இல்லை. மனமகிழ்ந்தார் இயற்பகையார்.

     மனைவியிடம் சென்று அடியார் கேட்டதை கூறினார். மனைவி நாகம் தூண்டியது போல் துடித்தார், கலங்கினார். ஆனால் இல்லையென்னாது கொடுக்கும் தன் கணவரின் கொள்கைக்கு இடைஞ்சல் வரக்கூடாதே என்று நினைத்து இணங்கினார்.

     மனைவியை மற்றவர்கள் கேட்டதற்காக கொடுத்தது இயற்fகைக்கு மாறானது. இதனாலேயே இவர் இயற்பகையார் என்று பெயர் பெற்றார். இனி யாது செய்ய வேண்டும் என அடியாரிடம் கேட்க, “உனது மனைவியை அழைத்துச் செல்வதை உன் சுற்றத்தார் அறிந்தால் என் மீது வெறுப்பு கொண்டு என்னை தாக்க நேரிடலாம். அதனால் ஊரின் எல்லையை கடக்கும் வரை என்னுடன் துணையாக வருதல் வேண்டும்;” என சொன்னார்

புத்தகத்தை பெற click செய்யவும் 

     ஊர் எல்லை வரை வந்து, அடியாரை வணங்கி, இனி எவ்வித அச்சமும்இன்றி செல்லலாம் என சொல்லி அனுப்பி வைத்தார். சிறிது நேரத்தில், "இயற்பகை முனிவா! ஓலம்", "ஈண்டு நீ வருவாய்! ஓலம்", "அன்பினே! ஓலம்",  "செயற்கரும் செயகை செய்த தீரனே! ஓலம்" என்று அசரீரி கேட்டது. ஓலம் என்பது, துன்பம் நேரும் போது அழைக்கும் ஒலிசொல். அடியாராக வந்த சிவனே இயற்பகையாரிடம் ஓலமிடுகின்றார். ஓலமிடும் ஓசைகேட்டு இயற்பகையார் திரும்பி ஓடுகின்றார். அங்கே மனைவி மட்டும் நிற்கின்றாள்.

     அடியார் அங்கு இல்லை. வான வீதியிலே அம்மையப்பாராக ரிஷப வாகனத்தில் சிவபெருமான் காட்சியளiக்கின்றார். செயற்கறிய செயலை செய்த அன்பனே! உன் அன்பிற்கு மகிழ்ந்தோம், நீயும் உன் மனைவியும் நம் பால் ஆனது அணைவீர்களாக என்று அருளி மகிழ்ந்தார்.