அடியார் பெருமை - ஐயடிகள் காடவர்கோன் நாயனார்

 

அடியார் பெருமை

ஐயடிகள் காடவர்கோன் நாயனார்

 

தகவல் பலகை	விவரம்
குலம்	குறுநில மன்னர்
நாடு	தொண்டைநாடு
ஊர்	ஏனனூர்
மாதம்	ஐப்பசி
குருபூஜை நட்சத்திரம்	மூலம்
பிற அடியாருடன்	விவரங்கள்  இல்லை
திருத்தொண்டு	திருத்தல யாத்திரை மேற்கொண்டவர்.
இடம்பெற்ற திருமுறை	12.53

             காடவர்என்பது, பல்லவமன்னர் குலத்தினரைக்குறிக்கும் பொதுப்பெயர். ஐயடிகள் என்பது, ஐயனடிகள் என்பதுமருவி வந்தது.ஐயடிகள், உலகில் புகழ்நிலவ அரசுபுரிந்த பல்லவர்குலத்தில் தோன்றினார். நாட்டில்வறுமையும், பகையும், குடிகளை வருத்தாவண்ணம் நீதிநெறியோடு ஆட்சி புரிந்தார். சிவநெறியைப் போற்றி வளர்த்தார்.

             மன்னரெல்லாம் தம் ஆணைவழி நிற்கவும், வடமொழி தமிழ் மொழிகளின் கலைத் தொண்டுகள் சிறக்கவும், ஆட்சிசெய்த இம்மாமன்னர், அரசுரிமை, தன் சிவனடித்தொண்டுக்கு இடையூறாகும் என உணர்ந்து, அதனைத் தன் புதல்வன்பால் ஒப்புவித்துத், தலயாத்திரை  மேற்கொண்டார். ஒரு வெண்பாவால் தமது துறவுஉள்ளம் வெளிப்படுமாறு அத்தலங்களைப் போற்றிப் பாடினார். அவற்றின் தொகுப்பே க்ஷேத்திரத் திருவெண்பா எனப்பெறுகிறது.

             இவ்வாறு ஐயடிகள் செந்தமிழால் சிவ நெறி போற்றியும், தமக்கு இயைந்த ஆலயத் திருப்பணிகள் ஆற்றியும், வாழ்ந்து முடிவில் சிவலோகம் எய்திச் சிவபிரான் திருவடிகளை அடைந்தார்.