அடிப்படை புரிதல் - 2. பொது

💚 பதில்களை பெற கேள்வியை click செய்யவும்; 💚

🤔. சைவ சித்தாந்த பொருள் உண்மையை எவ்வாறு அறிந்து கொள்வது?

சைவ சித்தாந்த பொருள் உண்மைகளை பின்வரும் வழிகளில் அறிந்து கொள்ளலாம்:

• காட்சி அளவை,
• கருதல் அளவை மற்றும்
• உரை அளவை

என்ற அளவை இலக்கணத்தின் வழி அறிந்து கொள்ளலாம்.

🤔. காட்சி அளவை என்றால் என்ன?

எந்த ஒரு பொருளையும் கண்ணால் கண்டு,

அப்பொருளின் உண்மையை ஏற்றுக் கொள்வதே காட்சி அளவை ஆகும்.

🤔. கருதல் அளவை என்றால் என்ன?

கருதல் அளவை என்பது ஒரு பொருளின் உண்மை தன்மையை காணாமல்,

 அதன் இயலபைக் கொண்டு அப்பொருள் இருக்க வேண்டும் என்று கருதி ஏற்றுக் கொள்வதே ஆகும்

🤔. உரை அளவை என்பது யாது?

காட்சி அளவையாலும், கருதல் அளவையாலும், அளந்து அறிய முடியாத பொருள் உண்மையை 

அனுபவம் அருளாளர்கள் வாக்கைக் கொண்டு ஏற்றுக் கொள்வது. 

கடவுள் உண்டு. சுவர்க்க நரகம் உண்டு போன்ற உண்மைகளை காட்சி அளவையாலோ, கருதல் அளவையாலோ தெரிந்து கொள்ள முடியாது. இது போன்ற உண்மைகளை அருளாளர்களின் திருவாக்கில் இருந்து அறிந்து கொள்வதே உரை அளவை எனப்படும்.

🤔. இது போன்ற அளவைகளினால் பொருளின் உண்மையை மட்டும் தான் அறிய முடியுமா?

காட்சி அளவை, கருதல் அளவை, உரை அளவை என்ற அளவை இலக்கணத்தினால், பொருள்களின் உண்மையையும் அறிய முடியும். அந்தப் பொருள்களின் இயல்பையும் அறிய முடியும்.

🤔. பொருள்களின் இயல்பு என்பது யாது?

ஒவ்வொரு பொருளுக்கும் இருவகை இயல்பு உண்டு. அவை 

• பொது இயல்பு மற்றும் 
• சிறப்பு இயல்பு 

என்பனவாகும்.

🤔. ஒரு பொருளின், பொது இயல்பாவது யாது?

ஒரு பொருள் பிற பொருளோடு சம்பந்தப்பட்டு இருப்பது பொது இயல்பாகும். இதனை "தடத்த இலக்கணம்"  என்று சொல்லுவார்கள்.

🤔. ஒரு பொருளின் சிறப்பு இயல்பாவது யாது ?

ஒரு பொருள், பிற பொருளோடு சம்பந்தப்படாமல் தனித்து இருப்பது சிறப்பு இயல்பு ஆகும். இதனை "சொரூப இலக்கணம்" என்று சொல்லுவார்கள்.

🤔. சைவ சித்தாந்தம் சொல்லும் பதி பசு, பாசம் என்ற முப்பொருள் உண்மையை பொது மற்றும் சிறப்பு இயல்பு கொண்டு சொல்ல முடியுமா?

அளவை இலக்கணம் கொண்டு பொருளின் உண்மையையும், பொருளின் இயல்பையும் அறிந்து கொள்வது தான் சித்தாந்த பாடத்தின் அடிப்படை. இந்த பகுதியில் தேர்ச்சி பெற்று விட்டால் அடுத்த மேல்நிலை பாடத்தை புரிந்து கொள்வது எளிதாக இருக்கும்.

🤔. அப்படியானால், பதிக்குரிய பொது இயல்பு யாது?

பதி என்பது இறைவன். இறைவனுக்கு உரிய பொது இயல்பு, 

உயிர்களோடு 

• ஒன்றாக, 
• வேறாக, 
• உடனாக 

நிற்பதுவே ஆகும்.

🤔. இறைவனுக்கு உரிய சிறப்பு இயல்பு யாது?

எண் குணம் உடையவனாக இருப்பதுவே இறைவனுக்குரிய சிறப்பு இயல்பாகும். எண் குணம் என்பதை பின்னால் வரும் கேள்விகள் வழி தெரிந்து கொள்ளலாம். இறைவன் ஒரு சத்துப் பொருள். யாரும் அறிவிக்காமல் தானே  அறியும் அறிவுடைய பொருள், அதனால் பேரறிவு உடையவன்  என்பதை அறிக.

🤔. உயிர்களுக்குரிய பொது இயல்பு யாது?

கருவி காரணங்களுடன் கூடி நிறபதுவே உயிர்களுக்குரிய பொது இயல்பாகும். உயிர்கள் தனித்து இயங்காது. எதையாவது சார்ந்தே இருக்கும். இதுவே உயிர்களுக்குரிய பொது இயல்பாகும்.

🤔. உயிர்களுக்குரிய சிறப்பு இயல்பு யாது?

உயிரற்ற கருவி காரணங்களை விடுத்து, உடனாக நிற்கும் சிவமாய் நிற்றலே உயிர்களுக்கு உரிய சிறப்பு இயல்பாகும். உயிர்கள் சத சத்து. உயிர்களும் அறிவுடைய பொருளே. ஆனால், அறிவித்தால் மட்டுமே அறியும் தன்மை உடையது. அதனால் உயிர்கள் சிற்றறிவு உடையன என்பதை அறிக.

🤔. பாசத்திற்குரிய பொது இயல்பு யாது?

தன் அளவில் நின்று எந்த பொருளுடனும் தொடர்பு இல்லாத நிலையில் இருப்பது பாசத்திற்குரிய பொது இயல்பாகும். இதனை "காரண ரூபம்" என்பர். பாசம் ஒரு சடப்பொருள். அறிவில்லாதது.

🤔. பாசத்திற்குரிய சிறப்பு இயல்பு யாது?

தன் அளவில் மட்டும் நில்லாமல் பிற பொருள்களுடன் தொடர்பு கொண்டு நின்றாலும் தன் இயல்பு நிலையில் மாறாமல் இருப்பதுவே பாசத்திற்குரிய சிறப்பு இயல்பாகும். இதை "காரிய ரூபம்" என்பர்.