Tattoo..!! Tattoo..!!

 

                  டாட்டூ என்பது இன்றைய நவீன காலத்தில் ஒரு நாகரீகமாக கொண்டாடப்படுகிறது. உடலில் விரும்பிய இடங்களில் விரும்பிய சின்னங்களை வரைந்து கொள்வது விருப்பமானவர்களின் பெயர்களை எழுதிக் கொள்வது போன்ற பலரது சிந்தனைகள் பல விதமாக இருப்பதை நாம் பார்த்து இருப்போம்.

                     பச்சை குத்தல்கள் என சொல்லப்படும் இந்த நவீன கால டாட்டூ பண்டைய சடங்குகள் முதல் நவீன சுய வெளிப்பாடு வரை, 

ஆயிரக்கணக்கான ஆண்டுகளாக மனித தோலை அலங்கரித்து, கதைகளைச் சொல்லி, சொந்தமாக இருப்பதைக் குறிக்கின்றன.

                        ஒரு காலத்தில் ஆன்மீக பக்தியின் அடையாளமாக இருந்த ஒன்று தான் இந்த நவீன கால டாட்டூ , உலகம் முழுவதும் மில்லியன் கணக்கான மக்களைக் கவர்ந்து, பன்முகத்தன்மை கொண்ட மற்றும் எப்போதும் வளர்ந்து வரும் கலை வடிவமாக பரிணமித்துள்ளது.

                        புதிய கற்காலக் காலத்திலேயே பச்சை குத்துதல் இருந்ததாக சான்றுகள் தெரிவிக்கின்றன, கிமு 3300 ஆம் ஆண்டைச் சேர்ந்த மம்மி செய்யப்பட்ட மனிதரான ஓட்ஸி தி ஐஸ்மேன் ஏராளமான சிகிச்சை பச்சை குத்தல்களை வைத்திருந்தார். இதே போல எகிப்தியர்கள் மத மற்றும் சமூக நோக்கங்களுக்காகவும், அதே நேரத்தில் பாலினேசி யர்கள் தங்கள் பரம்பரை, அந்தஸ்து மற்றும் சாதனைகளைப் பிரதிபலிக்கும் விதமாகவும், ஜப்பானில், கலாச்சார முக்கியத் துவத்துடனும் இருந்ததை நாம் தெரிந்து இருக்கலாம்.

                        இது 19 ஆம் நூற்றாண்டின் பிற்பகுதியிலும் 20 ஆம் நூற்றாண்டின் முற்பகுதியிலும் மட்டுமே பரவலாக ஏற்றுக் கொள்ளப்பட்ட நடைமுறையாக மீண்டும் வெளிவரத் தொடங் கியது, ஆனால் இது தேவார முதலிகள் காலத்தில் இருந்ததாக திருமுறை செய்திகளில் நாம் காண முடிகிறது. அப்பர் சுவாமிகளின் வரலாற்றில் இந்த செய்திகளை சிந்திக்க எடுத்துக் கொள்வோம்.

                        சைவ சமயத்தில் பிறந்த நாவுக்கரசர், விதி வசத்தால், சமணத்தை சார்ந்து இருந்த போதும் இறைவன் திருக்கருணையினால், மீண்டும் சைவத்தை சார்ந்து சிவ தொண்டுகள் பல புரிந்து வந்தார். சமண கொள்கைகளை அழிக்க விடம் உண்ட போதும், உடலை தூய்மையாக்க கல்லில் கட்டி கடலில் இட்ட போதும், நீற்றறையில் ஒரெழு நாள் இருந்த போதும், தான் தூய்மை பெற வேண்டும் என உள்ளம் நெகிழுந்து விரும்பினார்.

                     ஒரு சமயம், திருப்பெண்ணாகடத்துத் தூங்கானைமாடம் என்னும் திருக்கோயிலில் உள்ளபெருமானைப்பணிந்து சமண் சமயத்தொடக்குண்ட உடல் தூய்மைபெற இடபக்குறி சூலக்குறி பொறித்தருள வேண்டினார்.

“பொன்னார் திருவடிக்கு ஒரு விண்ணப்பம் “

என்று தொடங்கித் திருவடிக்கு விண்ணப்பமும் தெரிவித்தார். இறைவன் திருவருளால் சிவபூதம் ஒன்று வந்து திருநாவுக்கரசர் தோள்களில் இடபக்குறி சூலக்குறி பொறித்தது.

                        திருநாவுக்கரசர் சிவபிரான் திருவருளை வியந்து மகிழ்ந்து உய்ந்தேன் என்று பணிந்தார். சிலநாள் தங்கி உழவாரப்பணி செய்து சுடர்க் கொழுந்தீசனைப் பாடிப் பரவினார்.பிறகு, திருநாவுக்கரசர் திருவரத்துறை, திருமுதுகுன்றம் முதலான தலங்களைத் தரிசித்து நிவாநதியின் கரைவழியாகக் கடந்து தில்லையம்பதியை அடைந்தார்என்ற குறிப்புகளை அப்பர் வரலாற்றில் இருந்து நாம் காணலாம்.

                        இங்கே நாம் சிந்திக்க எடுத்துக் கொள்ளும் செய்தி, இந்த இடப குறி பொறித்தல் தான்.  இந்த இடப குறி பொறித்தல் என்பது தான் இன்றைய நவீன உலகில் சொல்லும் அந்த டாட்டூ .  இந்த டாட்டுவை  தொடக்கி வைத்தவர் அப்பர் பெருமான் என்று சொன்னால் ஆச்சரியமாக இருக்கிறது அல்லவா.?

பொன்னார் திருவடிக்கு ஒன்று உண்டு விண்ணப்பம்

என் ஆவி காப்பதற்கு இச்சை உண்டேல் இருங் கூற்று அகல

மின்னாரு மூவிலைச் சூலம் என் மேல் பொறி மேவுகொண்டல்

துன்னார் கடந்தையுள் தூங்கானை மாடச் சுடர்க்கொழுந்தே

அப்பர் தேவாரத்தில் வரும் இந்த பதிகமே இதற்கு அகச் சான்றாக அமைந்து உள்ளது. இதை decode செய்து பார்த்தால்

“I have just one request at your golden feet - If you wish to protect my soul and drive away the great death (Yama)...,then please inscribe your trident (shining three-pointed Trishul) upon my body as a mark (and this is tattoo)

                        இது ஏன் வரலாற்று ரீதியாகவும் ஆன்மீக ரீதியாகவும் முக்கியத்துவம் வாய்ந்ததுஎன்றால், வரலாற்றில் குறிப்பிட்டு உள்ளதற்கு முன்னதாகவே,  பச்சை குத்துதல் பற்றிய ஆரம்பகால வேதக் குறிப்புகளை   இந்த அப்பரின் திருமுறை வரிகள் நம்மை மெய் சிலிர்க்க வைக்கிறது.

                        இன்றைய நவீன உலகில் டாட்டூ  என சொல்லப்படும் இந்த  பச்சை குத்தலுக்கான முதல் பதிவு செய்யப்பட்ட ஆன்மீக கோரிக்கைகளில் ஒன்றாகக் இதனைக் கருதலாம். உடல் கலையாக அல்ல, மாறாக ஆன்மா பாதுகாப்பு மற்றும் தெய்வீகத்துடன் அடையாளம் காணுதல்என்பதாக. சிவனின் திரிசூலம் நிரந்தரமாகக் குறிக்கப்பட வேண்டும் என்பதே அப்பர் சுவாமிகளின் கோரிக்கை. இது சரணாகதி மற்றும் சேவையின் புனித முத்திரை.

            சமகால இணைப்பாக  புனிதமான உடல் அடையாளங்களுக்கான வரலாற்று அடித்தளமாக இதை முன்வைக் கலாம். பச்சை குத்தல்கள் மூலம் தங்கள் நம்பிக்கைகளை வெளிப் படுத்தும் இன்றைய இளைஞர்களுக்கு இது ஒரு சக்திவாய்ந்த செய்தியாக இது அமையும்.