Reels and Shorts

 

 

            இன்றைய நாளில் ஒருவர் தினமும் ஒரு முறையாவது whaats app, insta, face book, youtube  என சொல்லாமல் இருக்கிறாரா என்றால், அநேகமாக இல்லை என்று தான் பதில் இருக்கும். ஆறாவது விரல் தான் ஸ்மார்ட் போன் என்ற நிலை வந்த பிறகு இதை எல்லாம் தெரிந்து கொள்ளாமல் இருக்க முடிவது என்பது சாத்தியமற்றது.

            இதில் பலரையும் கவர்ந்தது மற்றும் பிரபலமானது Reels  மற்றும் Shorts தான். 2017 ஆம் ஆண்டு தொடக்கத்தில் tik-tok மக்களை கவர்ந்தது போலவே மக்கள் மத்தியில் பிரபலமாக இருப்பது Instagram reels  தான் Kevin Systrom and Mike Krieger என்பவர் தான் insta வில் தொடங்கி வைத்தார் என்பதெல்லாம் நமக்கு தெரிந்து இருக்கலாம். முதலில் insta வில் வெளியிடப்பட்டது 2020 ஆம் ஆண்டு தான்.

            இந்த reels  மற்றும் shorts இவைகளின் சிறப்பே என்ன என்றால் சுருங்கச் சொல்லி, விளங்க வைத்தல்  தான் இதில் ஒரு  reels சின் கால அளவு 15 வினாடிகள் தான் ஒரு shorts இன் கால அளவு 60 வினாடி அல்லது ஒரு நிமிடம். இந்த shorts வீடியோ 2020ம் ஆண்டு youtubeல்  அறிமுகப்படுத்தப்பது.

            அதெல்லாம் இருக்கட்டும் இந்த reels  மற்றும் shorts இவை எல்லாம் இன்றைய நடைமுறை வாழ்க்கையில் வந்த மாற்றமா என்றால் இல்லை என்றே சொல்ல வேண்டும். இந்த வகையில் முதன் முதலில் reels வடிவில் செய்திகளை சொல்லி நம்மை எல்லாம் வியக்க வைத்தவர் யார் என்று சிந்தித்துப் பார்த்தால் நமக்கே வியப்பாக இருக்கும். ஆம்..!! அது அவ்வையார் தான்.

 “அறம் செய விரும்பு”
“ஆறுவது சினம் “

என்று ஒரு சின்ன punchல் reels  வடிவில் பாடங்களை சொல்லி நமக்கு படிப்பினையை தந்தவர் அவ்வையார் தான்.  இன்றைய நாளில் reels என்ற பெயரில் அழைக்கும் இவைகளை அப்போது இந்த பெயர் கொண்டு அழைத்து இருக்க வாய்ப்பு இல்லை என்றாலும் பெரிய செய்திகளை சுருங்கச் சொல்லி மனதில் பதிய வைக்கும், இந்த கலை reels  கலாசச்சாரம் நமது பண்டைய தமிழர்களின் சிந்தனை என்றால் நமக்கு வியப்பாக இருக்கிறது அல்லவா..? ஆத்திச்சூடியில் உள்ள ஒரு வரியை reels ஆக போட்டால் 15 வினாடிகள் கூட வராது என்றாலும் எவ்வளவு பெரிய பாடங்களை எத்தனை சுருக்கமாக சொல்லி தந்து இருக்கிறார்கள் என்று எண்ணிப் பார்க்க வியப்பாகவே இருக்கிறது அல்லவா!

            Reels வடிவ சிந்தனைகளை தந்தவர் ஒளவையார் என்றால், 60 வினாடிகள் ஓட கூடிய இந்த shorts என்று கேட்க வருகிறீர்கள் புரிகிறது. அவைகள் தான் திருக்குறள். இந்த திருக்குறள் திருவள்ளுவர் அருளியது என்பது நமக்கு தெரிந்து இருந்தாலும், ஒளவைக் குறள்  என ஒளவையாரும் திருக்குறள் அருளிச் செய்து இருக்கிறார்கள்.

            ஆக இன்றைய நவீன முறையில் உள்ள தொழில் நுட்ப மாற்றங்கள் தான் மாறுபட்டு இருக்கிறதே தவிர, இதரக்கான சிந்தனை பண்டைய தமிழர்களின் எண்ணத்தில் இருந்து வந்தவையை என்று எண்ணிப் பார்க்கும் போது , முன் தோன்றி மூத்த குடி  தமிழக் குடி என்று நாம் பெருமை கொள்ள வேண்டும்.

            அடுத்த முறை reels அல்லது  shorts போடும் போது, ஒரு வினாடி, நமக்கு முன்னோடியாக இருந்த ஒளவையாரையும் திருவள்ளுவரையும் நாம் நினைத்துப் பார்த்து நன்றி சொல்ல நாம் கடமைப்பட்டு இருக்கிறோம். சுருங்கச் சொல்லி விளங்க வைக்கும் இந்த பாடங்களை நாம் படித்து அதன் வழி நடக்க முயற்சி செய்வோம். வாழ்வில் வளம் பெறுவோம்.