திருமுறை வனம்: 

தாழம் பூ 

தகவல் பலகை	விவரம்
மலர்	தாழை/தாழம்பூ
அறிவியல் பெயர்	Pandanus odorifer (syn. Pandanus fascicularis)
சராசரி வாழும் காலம்	20–30 ஆண்டுகள்
உணவு	மண்ணிலிருந்து நீர் மற்றும் கனிமச் சத்துக்கள் சூரிய ஒளி (Photosynthesis) காற்றிலுள்ள கார்பன் டைஆக்சைடு
குறிப்புகள்	தாழம்பூ தனிச்சிறப்பான மணம் கொண்டது;  தமிழ்ச் சடங்குகள், பூஜைகள், திருமணங்களில் பயன்படுத்தப்படுகிறது பெண்களின் கூந்தலுக்கு வாசனைக்காக பாரம்பரியமாகப் பயன்பட்டது ஆயுர்வேதத்தில்: குளிர்ச்சி தரும், தலைவலி, உடல் சூடு குறைக்க பயன்பாடு இலைகள் பாய், கூடைகள், கூரைப் பயனாகிறது சங்க இலக்கியங்களிலும், நாட்டுப்புற பாடல்களிலும் தாழம்பூ  குறிப்பு உள்ளது
இடம் பெற்றுள்ள திருமுறைகள்	3

வேதமொடு வேள்விபல வாயின

          மிகுத்துவிதி ஆறுசமயம்    

ஓதியும் உணர்ந்தும் உள தேவர்தொழ

          நின்று அருள் செய் ஒருவன் இடமாம்    

மேதகைய கேதகைகள் புன்னையொடு

          ஞாழல் அவை மிக்கஅழகால்    

மாதவி மணம் கமழ வண்டு பல

          பாடு பொழில் வைகாவிலே.  3:71:5

வள்வாய மதிமிளிரும் வளர்சடையி னானை
         மறையவனை வாய்மொழியை வானவர்தம்கோனைப்
புள்வாயைக் கீண்டுலகம் விழுங்கி உமிழ்ந் தானைப்
         பொன்னிறத்தின் முப்புரிநூல் நான்முகத்தி னானை
முள்வாய மடல்தழுவி முடத்தாழை ஈன்று
         மொட்டலர்ந்து விரைநாறும் முருகுவிரி பொழில்சூழ்
கள்வாய கருங்குவளை கண்வளருங் கழனிக்
         கானாட்டு முள்ளூரில் கண்டுதொழு தேனே.  7-40-1