ஆத்திச்சூடி - 4

௨

ஒளவையார் அருளிச்செய்த

ஆத்திச்சூடி

தகவல் பலகை	விவரம்
நூல் பெயர்	ஆத்திச்சூடி
நூல் ஆசிரியர்	ஒளவையார்
காலம்	12ம் நூற்றாண்டுக்கு முன்

---

41. கொள்ளை விரும்பேல்

பிறர் பொருளை விரும்புவது ஆணவ மலப் பற்றின் வெளிப்பாடு. செம்பொருளாகிய திருவருளைப் பற்றி நின்றால் பிறர் பொருளை விரும்பும் எண்ணமே வராது.

42. கோதாட்டு ஒழி

விளையாட்டாகக் கூடக் குற்றம் விளைவிக்கும் வினையைச் செய்யாது இருக்க வேண்டும். அதற்கு எப்போதும் திருவருள் சிந்தனையிலேயே இருக்கப் பழக வேண்டும்.

43. கௌவை அகற்று

ஆதி ஆன்மிகம், ஆதி தெய்விகம், ஆதி பௌதிகம் என்ற வழிகளில் தான் உயிர்களுக்குத் துன்பம் நேரும். மற்றதெல்லாம் மலப் பற்றின் மிகுதியால் தாமே செய்து கொள்வது; அவைகளை விட்டு ஒழிக்கத் திருவருளைப் பற்றி நிற்க வேண்டும்.

44. சக்கர நெறி நில்

அறநூல் வகுத்த நெறிப்படி வாழ வேண்டும். அதுவே இந்த உயிர்கள் உய்வு பெற வழி செய்யும்.

45. சான்றோர் இனத்து இரு

அறவழியில் நின்று ஒழுக்க நெறியில் நிற்பவர்கள் சான்றோர்கள், அவர்களைப் பின்பற்றி அவருடன் இணைந்து பழக வேண்டும்.

46. சித்திரம் பேசேல்

மெய் அல்லாதவைகளை மெய் போலச் சித்தரித்துப் பேசுவது அறவழியில் நிற்பவருக்குத் தேவையில்லாதது. அதனால், அறவழியில் நிற்கப் பழக வேண்டும்.

47. சீர்மை மறவேல்

ஐந்தெழுத்து ஓதுதல், அறவழியில் நிற்றல் ஆகியவை இம்மைக்கும் மறுமைக்கும் பயன் தரும். அதனால் அவைகளை மறவாது பின்பற்ற வேண்டும்.

48. சுருக்கச் சொல்லேல்

"பேசியது போதும், நிறுத்து" என்று பிறர் சொல்லும்படி பேசாமல் இருக்க வேண்டும். நல்லனவே சிந்தித்து, நல்லனவே பேசும் போது, வார்த்தைகள் அளந்து வரும்; அதுவே கேட்பவருக்கு ஆனந்தம் தரும்.

49. சூது விரும்பேல்

பிறர் பொருளை வஞ்சிக்கும் சூதை விரும்பக் கூடாது. நமக்கு ஒருவர் கெடுதல் செய்யாமல் இருக்க வேண்டும் என்றால் நாம் பிறருக்குக் கெடுதல் செய்யாது இருக்க வேண்டும்.

50. செய்வன திருந்தச் செய்

செய்யும் செயல்களில் தவறு நேராத வண்ணம் செய்ய வேண்டும் என்றால், அறவழியில் நின்று, திருவருளில் சிந்தை இருக்க வேண்டும். அது தவறான செயல்களைச் செய்ய விடாமல் காத்து நிற்கும்.

-----