விருந்துக்கு வந்த கத்திரிக்காய்

கத்திரிக்காய் விருந்து:

இளையான்குடி மாற நாயனார் வளமையாக இருந்து வறுமை அடைந்த போதும், அடியார்களுக்கு அமுது படைப்பதை ஒரு அறமாக கொண்டு வாழ்ந்து வந்தார். 

ஒரு சமயம், பலத்த மழை நாளில் சிவபெருமானே அடியவராக வந்து நாயனார் இல்லத்தில் அமுது படைத்த நிகழ்வுகள் நாம் நாயன்மார் வரலாற்றில் படித்து இருப்போம். 

இது ஆய்வுச் சிந்தனை என்பதால், இந்த பகுதியில் இளையான்குடி மாறனார் இல்லத்தில் சமைத்துப் பரிமாற பட்ட உணவு என்ன என்பது தான். பெரியபுராணத்தை கொண்டு சிந்தனைக்கு எடுத்துக் கொள்வோம். 

முதலில் சாலி நெல்லின் முளைகளை கொண்டு அதை வறுத்து அதில் சோறு செய்ய முடிவு செய்கிறார்கள். விறகுக்கு கூரையை பிய்த்து அடுப்புக்கு பயன்படுத்திக் கொள்கிறார்கள்.  ஆனால் கறி அமுதுக்கு என்ன செய்வது என சிந்திக்கிறார் இதை சித்திரமாக visualise செய்து பார்க்க பெரியபுராணம் பாடல் 459  நமக்கு தெளிவாக காட்டுகிறது. 

 .... கற்பின் மிக்கார்

கறிக்கு இனி என்செய்கோம் என்று இறைஞ்சினார் கணவனாரை

இந்த இடத்தில் இருந்து பெரிய புராணம் நம்மை அழைத்துச் செல்லும் காமிரா வழியாக பார்ப்போம். அப்போது தான் கறியமுது என்னவாக இருக்கும் என்றும் ஆய்வு பார்வையில் பதிவு செய்யும் பதார்த்தம் இது தான் என்றும் நம்மால் யூகிக்க முடியும். 

வழி வரும் இளைப்பின் 
          ஓடும் வருத்திய பசியினாலே
அழிவுறும் ஐயன் என்னும் 
          அன்பினில் பொலிந்து சென்று
குழி நிரம்பாத புன்செய்க் 
          குறும்பயிர் தடவிப் பாசப்
பழி முதல் பறிப்பார் போலப் 
          பறித்து அவை கறிக்கு நல்க. - பெரி 12-10-21

 இந்த பகுதியில் வரும் பாடலுக்கு உரை ஆசிரியர்கள் பெரும்பாலும் கீரை பயிர்களை பறித்து சமைக்க தந்தார் என்று தான் உரை செய்து இருப்பார்கள். 

அதை குறை சொல்வது நமது நோக்கம் அல்ல..  விரைவாக செய்யக் கூடியது என்ற கோணத்தில் அப்படி செய்து இருக்கலாம். 

 ஆனால் நமது சிந்தனை பார்வையை பதிவு செய்வது தான் இந்த ஆய்வுக் கட்டுரையின் நோக்கம்.  

இந்த பாடலின் பின் பகுதியை பொறுமையாக நின்று படித்துப் பார்க்கலாம். 

குழி நிரம்பாத புன் செய் குறும் பயிர்  - என்று சொல்வதால் இது புன் செய் பயிர் என முதலில் தெரிந்து கொள்வோம். புன் செய் என்பது ஆற்றுப் பாசனம் போன்ற முறையான பாசன வசதிகள் இல்லாமல் மழை நீரையே நம்பி வேளாண்மை செய்யப்படும்  நிலங்கள் புன் செய் நிலம் அல்லது புஞ்சை என்று நாம் அறிந்து இருப்போம். 

 இது போன்ற புன் செய் நிலத்தில் வரும் பயிர்களுள் கத்திரிக்காயும் உண்டு.  கீரையும் உண்டு. ஆனால் உரை ஆசிரியர்கள் எடுத்துக் கொள்வது கீரை. நாம் சிந்தனைக்கு எடுத்துக் கொள்வது கத்திரிக்காய். 

ஏன் கத்திரிக்காயை எடுத்துக் கொள்ள வேண்டும் என்பதை சொல்வது தான் இந்த ஆய்வுக் கட்டுரையின் நோக்கம். 

இந்த பாடலின் பின் பகுதியை பொறுமையாக நின்று படித்துப் பார்க்கலாம். 

குழி நிரம்பாத புன் செய் குறும் பயிர்  "தடவி" பறித்து கறிக்கு நல்க என்று கொடுத்தார் என சேக்கிழார் பதிவு செய்து இருப்பார் 

 மூன்று சிந்தனைகளை இங்கே எடுத்துக் கொள்வோம். 

1) புன் செய் பயிர் என்றதால் - கத்திரிக்காய் (வெண்டைக்காய் போல மற்ற காய்கறிகளும் புன் செய் நிலத்தில் வரும் என்றாலும் இது கத்திரிக்காய் என சொல்ல காரணம்  இந்த பாடலில் வரும் தடவி என்ற சொல் தான். என்பதை கவனத்தில் கொள்க. 

2) தடவி பிறகு பறிக்கிறார். இதை மனதில் எண்ண ஓட்டத்தில் பாருங்கள்..  பாசப் பழி முதலை பறிப்பது போல, என சொல்வதால், கத்திரிக்காயை தடவி அதை பறித்து 

3) கறிக்கு நல்க என நாயன்மார் தருகிறார். இது தான் கீரை இல்லை கத்திரிக்காய் என சொல்ல உதவும் சிந்தனை. காரணம் கீரையை கறியாக செய்ய முடியாது. கத்திரிக்காய் வெண்டைக்காய், கொத்தவரங்காய் போன்றவை தான் கறிக்கு  செய்ய முடியும். அதனால் நாயன்மார் தோட்டத்தில் பறித்து வந்தது கத்திரிக்காய் தான் என்பது புலனாகிறது.  

இதை உறுதி செய்யும் வண்ணம் அடுத்து வரும் பாடல்கள் நமது ஆய்வுக்கு துணை செய்கிறது.  

மனைவியார் கொழுநர் தந்த மனம் 

          மகிழ் கறிகள் ஆய்ந்து

புனல் இடைக் கழுவித் தக்க 

          புனித பாத்திரத்துக் கைம்மை

வினையினால் வேறு வேறு கறி 

          அமுது ஆக்கிப் பண்டை

நினைவினால் குறையை நேர்ந்து 

          திருவமுது அமைத்து நின்று.  12-10-22

கொழுநர் தந்த மனம் மகிழ் கறிகள் ஆய்ந்து - இதில் கீரையாக இருந்தால் அது ஆரோக்கியம் தரும். ஆனால் மன மகிழ்ச்சி தருமா தெரியாது?!  

கறிகள் என்று  சொன்னதால், ஒன்றுக்கும் மேற்பட்ட கத்திரிக்காய் என தெளிவாகிறது.  (கீரையை அப்படிச் சொல்ல முடியாது அல்லவா)

புனல் இடைக் கழுவி - (புனல்-நீர்) நீரில் கழுவி  என்று சொல்வதால் இது கீரை அல்ல.  ஏன் என்றால் கீரையை நீரின் இடையே கழுவ முடியாது. அதை நீரில் அமுக்கி தான் எடுக்க முடியும்.  அதனால் இதை கத்திரிக்காயாக எடுத்துக் கொள்ள வேண்டும். 

வேறு வேறு கறி அமுது ஆக்கி என சொல்வதால், கீரையை பலவிதமாக  சமைக்க முடியாது.  ஆனால் கத்திரிக்காய்  என்றால் அதை கறியாக, கூட்டாக, துவையலாக வதக்கலாக பிரட்டலாக,  எண்ணைக் கத்திரிக்காயாக  அப்படியே சுட்டு கொத்சு போல பதார்த்தமாக செய்ய முடியும்.  இந்த சிந்தனை தான் 

புன் செய் நிலத்தில் வரும் பிற பயிர்களான வெண்டைக்காய், முள்ளங்கி, தக்காளி கொத்தவரங்காய் என இருந்தாலும் அவைகளை வித விதமாக செய்ய முடியாது.  கத்திரிக்காயை மட்டும் தான் வித விதமாக செய்ய முடியும்.  அதனால் பெரியபுராண பாடலில் குறிப்பிடப்படுவது போல சிந்தித்தால் நாயான்மார் விருந்துக்கு வந்தது கத்திரிக்காய் என்பது தெளிவாகும். 

அட ஒரு கத்திரிக்காயில் இவ்வளவு இருக்குதா என யோசிக்காதீர்கள். இதில் இன்னொரு முக்கியமான சிந்தனை இது தான். விரைவாகவும் சுவையாகவும் செய்யக் கூடிய ஒரு புன் செய் பயிர் கத்திரிக்காய் தான்.  விருந்துக்கு பயன்படுத்தும் காய்களில் முக்கிய இடத்தை பிடிப்பது இந்த கத்திரிக்காய் தான். 

இதனை 

வரகு அரிசி சோறும், வழுதுணங்காய் (கத்தரிக்காய்) வதக்கலும்

என்ற ஒளவையாரின் பாடலில் இருந்து நாம் அறியலாம். ஔவையார், தன்னை அன்புடன் உபசரித்த புல்வேளூர்ப் பூதன் என்பவர் அளித்த இந்த வரகரிசிச் சோற்றையும், வாட்டிய வழுதுணங்காயையும் (கத்தரிக்காய்) உண்டு மகிழ்ந்து அதைப் புகழ்ந்து தனிப்பாடலைப் பாடியுள்ளார்.

அதனால் இளையான்குடி மாறனார் அளித்த விருந்துக்கு வந்தது கத்திரிக்காய் என்பதை தெளிவு படுத்திக் கொள்வோம். 

அடுத்த பாடலில், 

கணவனார் தம்மை நோக்கிக் கறி 

          அமுது ஆன காட்டி

இணை இலாதவரை ஈண்ட 

          அமுது செய்விப்போம் என்ன

உணர்வினால் உணர ஒண்ணா 

          ஒருவரை உணர்த்த வேண்டி

அணைய முன் சென்று நின்று அங்கு 

          அவர் துயில் அகற்றல் உற்றார்.  12-10-23

கணவனாரை (இளையான்குடி மாறனாரை) நோக்கி தான் செய்து வைத்த கரி அமுது காட்டி சாப்பாடு தயாராகி விட்டது என சொல்கிறார் என்றால்,  அங்கே சமைக்கப் பட்டது பலவிதமாக செய்யப்பட கத்திரிக்காய் தான். 

கத்திரிக்காயை நெருப்பில் சுட்டு, தோலை உரித்து கையால் பிசைந்து புளி உப்பு சேர்த்து வைத்தால்,  அது கொத்சு. 

எந்த மசாலாப் பொருளையும் எளிதில் ஈர்த்துக் கொள்ளும் தன்மை கொண்ட

சற்று மென்மையான, கிரீமியான அமைப்பைக் கொண்ட கத்திரிக் காயை நறுக்கி  வேக வைத்து எடுத்தால் கத்திரிக்காய் கூட்டு 

நீளவாக்கில் நறுக்கி தாளித்து எடுத்து வைத்தால் கத்திரிக்காய் 🍆 கறி.

சின்ன சின்ன கத்திரிக்காயை வெட்டி முழுதாக வேக வைத்து எடுத்தால் எண்ணைக் கத்திரிக்காய் இப்படி பல வித பதார்த்தங்கள் கத்திரிக்காய் வைத்து தான் செய்ய முடியும் அல்லவா! 

கத்திரிக்காயை வறுக்கலாம், குழம்பில் சேர்க்கலாம், வேக வைக்கலாம் அல்லது மசிக்கவும் செய்யலாம். விருந்துகளுக்கு ஏற்றவாறு கிரேவியாகவும், காரக்குழம்பாகவும் எளிதாக மாற்ற முடியும். 

தமிழ்நாட்டு சமையலில் ஊட்டச்சத்து நிறைந்த கத்திரிக்காய் இடம் பெறுவது, ஒரு முழுமையான விருந்தின் தரத்தை உயர்த்திக் காட்டும். 

ஒரு கத்திரிக்காய்க்கு இவ்வளவு பெரிய ஆய்வா ? விருந்து சமைத்து கொடுத்தார் என்ற அளவில் போக வேண்டியது தானே என சிலர் சிந்திக்கலாம்.

ஆனால் ஆய்வுக்காக என்ற எடுத்துக் கொள்ளப்படும் நோக்கம் ஒரு விருந்துக்கு எந்த காய்கறிகள் சமைக்க வேண்டும் என்பதை தெரிந்து கொள்ள வேண்டும். அதை விட குறைவான நேரத்தில் சுவையாக பல வித பதார்த்தங்கள் செய்வது என தெரிந்து கொள்ள வேண்டும் 

தமிழர் பண்பாட்டில் கீரையை விருந்துக்கு வைக்க மாட்டார்கள். காரணம் கீரை போன்ற  உணவுகளை சில அடியார்கள் சாப்பிட மாட்டார்கள் தவிர்த்து விடுவார்கள் என்பதையும் புரிந்து கொள்ள வேண்டும். 

ஆக இளையான்குடி மாற நாயனார் விருந்துக்கு வந்தது கத்திரிக்காய் தான் என்பதை பெரிய புராண பாடலில் உள்ள செய்திகள் முலம் அறிந்து கொள்ளலாம்.