கொக்கரை

கொக்கரை இசைக் களஞ்சியம்

🔽காட்சிப் பதிவு

🔽திருமுறைப் பாடல் & விளக்கம்

"கொக்கரை" தாளம் வீணை பாணிசெய் குழகர் போலும் அக்கு அரை அணிவர் போலும் ஐந்தலை அரவர் போலும் வக்கரை அமர்வர் போலும் மாதரை மையல் செய்யும் நக்கரை உருவர் போலும் நாக ஈச்சுரவனாரே.04-66-09 .

பதிக சான்று : திருநாவுக்கரசு சுவாமிகள் (4ம் திருமுறை | திருநாகேச்வரம்)

பொருள்: பல்வேறு இசைக் கருவிகள் முழங்க இறைவன் திருக்கூத்து புரிவதாக அப்பர் தேவாரத்தில், திருநாகேஸ்வரம் பதிகம் நமக்கு காட்டுகிறது. அதில் ஒரு கருவி தான் கொக்கரை எனும் சன்னமான ஒலி எழுப்பும் இந்தக் கருவி.

🔽மேல் விளக்க பதிவு

• இசைக்கருவி வகைப்பாடு: கொக்கரை - இது ஒரு காற்றுக் கருவி.


• அமைப்பு : நீண்டு நெளிந்த காளை மாட்டுக் கொம்பினால் அல்லது உருண்டையான இரும்பினால் செய்யப்படும் ஒரு இசைக்கருவி.


• பயன்பாடு: சிவாலயங்களில் பூசைகளின்போது இது ஊதப்படுகிறது. எக்காளம் (Trumpet) இசைக்கருவியை விட சிறியதாகவும், சன்னமான ஒலியையும் இது எழுப்பும்.


• இதர குறிப்புகள்: இசை எழுப்பும் முறை: குழாயின் மேற்பகுதியில் பல குறுக்குக் கோடுகள் இருக்கும். அக்குழாயுடன் சங்கிலியால் இணைக்கப்பட்ட ஒரு இரும்பு கம்பியைக் கொண்டு கோடுகளின் மீது உரசும்போது ஒருவித மெய்சிலிர்க்கும் சத்தம் உருவாகிறது. இது தென்தமிழகத்தின் மலைப்பகுதிகளில் வாழும் பழங்குடி மக்கள் தங்கள் சடங்குகளிலும், கலை நிகழ்ச்சிகளிலும் இதை இசைக்கிறார்கள்.