மத்தளம்

மத்தளம் இசைக் களஞ்சியம்

🔽காட்சிப் பதிவு

🔽திருமுறைப் பாடல் & விளக்கம்

துத்தங் கைக்கிள்ளை விளரிதாரம் உழைஇளி ஓசைபண் கெழுமப்பாடிச் சச்சரி கொக்கரை தக்கையோடு தகுணிதம் துந்துபி தாளம்வீணை மத்தளங் கரடிகை வன்கைமென்றோல் தமருகங் குடமுழா மொந்தை வாசித் தத்தனை விரவினோ டாடும்எங்கள் அப்பன் இடந்திரு ஆலங்காடே .

முதன்மைச் சான்று பதிகம்: காரைக்கால் அம்மையார் (11ம் திருமுறை | திரு ஆலங்காட்டு மூத்த திருப்பதிகம்

விளக்கம் : இந்த பாடலில், துத்தம்,கைக்கிள்ளை,விளரி,தாரம்,உழை,இளி ஓசை / குரல் மத்தளம் உட்பட பல இசைக்கருவிகளையும் படம் பிடித்து காட்டி உள்ளார்.

🔽மேல் விளக்க பதிவு

• வகைப்பாடு: மத்தளம் என்பது பண்டைய காலம் தொட்டே தமிழர் இசையிலும், வழிபாட்டு முறைகளிலும் முக்கியப் பங்கு வகிக்கும் ஒரு தொன்மையான தோற்கருவி ஆகும். இது உருளை வடிவில், நடுவில் பருமனாகவும் முனைகளில் சிறியதாகவும் இருக்கும்.
• அமைப்பு : மரத்தாலான சட்டத்தின் இரு முனைகளிலும் விலங்குகளின் தோல் பொருத்தப்பட்டு, கயிற்றின் உதவியுடன் இறுக்கமாகக் கட்டப்படுகிறது.
• இசைக்கும் முறை: மத்தளத்தை கழுத்தில் மாட்டியோ அல்லது மடியில் வைத்தோ, இரண்டு கைகளாலும் தாள நயத்துடன் வாசிக்கப்படுகிறது.
• இதர குறிப்புகள்: பண்டைய இலக்கியங்களில் சிறப்பித்துக் கூறப்படும் இக்கருவி, தற்காலத்தில் கோயில்கள், நாடகங்கள், மற்றும் பாரம்பரிய கலை நிகழ்ச்சிகளில் பெரிதும் பயன்படுத்தப்படுகிறது.