.அருளாலயம் : திருமுறைகளில் சைவ சித்தாந்தம்

💡

🪔உங்கள் சந்தேகம் எதுவாக இருந்தாலும் தயக்கம் இல்லாமல் கேளுங்கள்..!! பயன் பெறுங்கள்.!

🙋 வினைப்பயன் தான் வாழ்க்கை என்றால் வினை பெருகாமல் இருக்க என்ன செய்ய வேண்டும்?

இயல்பாகவே மனிதர்கள் செய்யும் பாவங்கள் மனம் வாக்கினால் (உடலால் செய்யும் பாவங்கள் தனி) தான். இதனால் வினை பெருகும் .

அதனால் மனம் வாக்கு காயத்தினால் பாவங்கள் செய்யாமல் இருக்க வேண்டும்.

இப்படி செய்து விட்டேனே என சிலர் செய்த பிறகு வருந்துவதும் உண்டு. அவர்களுக்கு வள்ளுவர் சொல்லும் அறிவுரை என்ன தெரியுமா?

"எற்றென்று இரங்குவ செய்யற்க செய்வானேல்மற்று அன்ன செய்யாமை நன்று" (655) தவறுகள் செய்யாமல் இருக்க வேண்டும். ஒரு வேளை செய்து விட்டால், மீண்டும் செய்யாமல் இருக்க வேண்டும்.

அதற்கு என்ன செய்ய வேண்டும். ?

அது போன்ற பாவங்கள் தவிர்க்க முடியாமல் ஏற்படுமாயின் ஈசனை ஏத்தி வழிபட வேண்டும். ஒரு முறை அல்ல. நித்தமும். "நித்தம் நினைமின் "

என இதை ஞானசம்பந்த பெருமான் இந்த திருமுறையில் சொல்லி இருக்கிறார்.

உரையினில் வந்தபாவம் வாக்கினால் செய்த பாவம் உணர்நோய்களும்
செயல்தீங்கு குற்றம் மனத்தினால் வந்த பாவம் உலகில்
வரையினி லாமை செய்த அவை தீரும் வண்ணம்
மிக ஏத்தி "நித்தம் நினைமின்" தினந்தோறும் வழிபட வேண்டும்.

ஒரு முறை படித்துப் பாருங்கள்.. பாவங்கள் குறைவதை உணர்வீர்கள். திருநாரையூர் (2-86) 🤓.
அதனால் தினமும் வழிபாடு செய்வோம். 🤓.

🙋‍இறைவழிபாடு இளமையிலா..? முதுமையிலா..? எது சரி.. ?

முதுமைக்கான தயாரிப்பு வயதான பிறகு தலை முடி நரைத்த பிறகு அல்ல.. அதை பிறந்த ஒரு வருடத்தில் இருந்தே தொடங்க வேண்டும். இளமையிலே ஒழுக்கமான வாழ்க்கை இருந்தால், முதுமையில் வளமையான வாழ்க்கை அமையும் என்பதை யாரும் மறுப்பார் இல்லை.

அதையே தான் இளமையிலயே வழிபாடு செய்ய வேண்டும். இதை திருமுறை சொல்வதை கேட்போம். திருஞானசம்பந்தர் அருளிய 2ம் திருமுறையில் அமைந்த 61 வது திரு வெண்காடு பதிகம் 4 ம் பாடலில்..

இந்த பாடலில், “நரையார் வந்து நாளும் குறுகி நாணுகாமுன்” - தலைமுடி நிரைப்பதற்கு முன்பாக (நரையார்-மூப்பினை குறிக்கும் நரை முடி) “உரையால்” - (திருப்பதிகத்தை உரைக்க(சொல்ல) வேண்டும் “உள்குவார்கள் உள்ளத்தே” – இறைவனை உள்ளாததே நினைத்து தியானம் செய்ய வேண்டும்,

என்று நமக்கு சம்பந்தப் பெருமான் அருளாசி வழங்கி இருக்கிறார்கள். அதனால் இதுவரை வழிபாடு செய்யவில்லை என்றால் பரவாயில்லை. இனி, இப்போது இருந்தே தினமும் வழிபாடு செய்ய பழகுவோம். தியானம் செய்யும் பழக்கத்தை வழக்கமாக்கி கொள்வோம். வாழக்கயில் மேன்மை பெறுவோம்.

🙋‍சிவபெருமான் யாருக்கு அருள் புரிவான்.?

🤓 சிவபெருமான் யாருக்கு அருள் செய்வான் என ஞானசம்பந்தர் 2ம் திருமுறையில் பதிவு செய்தார்.
தீக்கை பெற்றவர்கள் தினமும் கர்மானுஷ்டங்களை செய்யவேண்டும் என்பது விதி. ஆனாலும் நடைமுறை சிக்கலினால் சில முறை சிலர் செய்யாமல் இருப்பதும் உண்டு. ஒரு நாள் இடைவேளை வந்தால், அது தொடர்ந்து இடைவெளி பெரிதாகிவிடும். அதனால் கால தாமதமானாலும் நித்ய கர்மானுஷ்டாங்களை செய்ய வேண்டும். சித்தம் ஒன்றி மந்திர உச்சாடனம் செய்து வழிபாடு செய்ய வேண்டும்.

கை ஒன்று செய்ய விழி ஒன்று நாட கருத்து ஒன்று எண்ண பொய் என்று வஞ்சக நா ஒன்று பேச புலால் கமழும் மெய் ஒன்று சார செவி ஒன்று கேட்க நான் விரும்பும் பூசையை எவ்வாறு கொள்வாய் கச்சி ஏகம்பனனே. என பட்டினத்தார் பாடல் போல பூசனைகள் செய்தால், பலன் கிடைக்குமோ? கிடைக்காது.

அது போல, தினமும் கர்மானுஷ்டங்களை செய்து, தினமும் மந்திர உச்சாடனம் செய்து சித்தம் ஒன்றி வழிபாடு செய்பவர்களுக்கு இறைவன் அருள் புரிவான் என திருச் சாய்க்காடு பதிகத்தில் சம்பந்தப் பெருமான், அருளிச் செய்துள்ளார்.

.....
திருமுறை - திரு சாய்க்காடு படனம் செய்ய click செய்யவும் 🌝

🧏யாரை தெளிவுற்றவர்களாக கருத முடியாது?

தெளிவுற்றவர்களாக கருத முடியாது என்றால் “தெளிவற்றவர்கள்” என்பது தெளிவாக விளங்குகிறது. எதையுமே நேர்மறையாக (positive) சொல்லும் நமது சாத்திரங்கள் (மெய்கண்ட சாத்திரங்கள்) மற்றும் தோத்திரங்கள் (பன்னிரு திருமுறைகள்) சிந்தனைகள் மனதில் பதிய வைக்கும் போது கூட இப்படி நேர்மறையாகவே பதிய வைப்பார்கள். நேர்மரையாளருக்கு அறிவை மயக்கும் ஆணவ மலம் பற்றாது என்பதினால் தான்.
அது சரி, யார் தெளிவு இல்லாதவர்கள் என்றால், உலகத்தவர்கள் உண்டு என்று சொல்வதை இல்லை என்று சொல்பவர்கள் தெளிவு இல்லாதவர்கள். என திருக்குறள் இப்படி சொல்கிறது.

உலகத்தார் உண்டு என்பது இல்என்பான் வையத்து அலகையா வைக்கப் படும். (குறள்.850)

முடியாததை முடியும் என்று சொல்பவர்கள் முடியும் என்பனவற்றை முடியாது என்று சொல்பவர்களும் தெளிவற்றவர்களே, என தெளிவுற்றவர்களை திருக்குறள் இப்படி சொல்கிறது.
நாணாமை நாடாமை நாரின்மை யாதொன்றும் பேணாமை பேதைமை வடிவு. (குறள்: 833)

இந்த பேதமைக்கு தெளிவற்ற நிலைமைக்கு காரணம் என்ன? அறியாமை தான். அறிவு விளங்காமல் இருப்பதால் தான் இந்த தெளிவற்ற தன்மை ஏற்படுகிறது. சரி இந்த அறியாமைக்கு யார் காரணம். அதற்கு காரணம் ஆணவ மலம் தான்.
ஆணவமலத்தை உயிர் பற்றிக் கொண்டு இருந்தால், அது இறைவனைப் பற்றாது. இறைவனை பற்றி இறைவனிடத்தில் அன்பு செலுத்தாமல் இருப்பவர்கள் தெளிவு அற்றவர்கள் என திருஞானசம்பந்தர் 2ம் திருமுறையில் சாய்க்காடு பதிகத்தில் “சாய்க்காடு எம் பெருமானை தெய்வமாக பேணாதார் தெளிவுடைமை தேறோமே (தெளிவுடையவர்கள் என்று கருத முடியாது) என பதிவு செய்து இருக்கிறார்.

சரி, நாம் செய்ய வேண்டியது என்ன (take home lesson) ஆணவ மலத்தை விட்டு ஆண்டவனைப் பற்ற வேண்டும். அப்போது, அறிவை மறைத்து இருக்கும் ஆணவமாகிய அறியாமை விலகி, ஆண்டவனைப் பற்றும் போது, உயிர் அறிவு விளக்கம் பெறும். அது போது முத்திப் பேறு வாய்க்கும். இதை ஒரே நொடியில் விட்டு விட முடியுமா? என்றால் வாய்ப்பு இல்லை என்பது தான் பதில் என்றாலும், இறை வழிபாடு செய்தாலும் இறைவன் மீது அன்பு செலுத்துவதும், போன்ற பயிற்சிகளை தொடர்ந்து செய்து வந்தால், மலப்பற்று விலகி, இறை பற்று மிகும். இறைவழி பாடு செய்து இறையருள் பெறுவோம்.

🙋‍♂️ இந்த வினை ஒவ்வொரு பிறவியிலும் தொடர்கிறதே.. அது தொடராமல் இருக்க வழி உள்ளதா?

முதலில் வினைகளை பற்றி தெரிந்து கொள்வோம்.

இந்த பிறவியில் செய்வதால் பற்றுகின்ற வினை ஆகாமிய வினை. இது மறுபிறப்புக்கு வித்தாக அமைவது.
சஞ்சித வினை என்பது சென்ற பல பிறவியில் செய்த வினைக்குவியல்.
பிராரத்த வினை என்பது இந்த பிறவியில் பயன்பாட்டுக்கு வந்துள்ள வினை.
இதை இன்னும் எளிமையாக புரிந்து கொள்ள இப்படி உதாரணம் சொல்லலாம்.

இதில் சஞ்சித வினை என்பது accoumulated wealth/corpus போல நாம் செய்த வினைக்குவியல். பிராரத்த வினை என்பது இந்த பிறவியில் நாம் accumulated wealth/corpus யில் இருந்து withdraw செய்வது போல (SWP போல) ஆனால் இது நம் விருப்பத்திற்கு அல்ல. இறைவன் திருவருளின் படி அமையும் என்பதை புரிந்து கொள்ள வேண்டும். ஆகாமியம் என்பது அந்த accumulated wealth/corpus யில் செய்யும் முதலீடு போல (SIP போல) இது நம் விருப்பத்திற்கு ஏற்ப அமையும்.

இதில் மூன்று வினைகளும் ஒரு சேர களைய வேண்டும். அதாவது அந்த accumulated wealth/corpus முழுவதும் காலியாக வேண்டும். அப்போது தான் account close ஆகும். அப்போது தான் வினையை சுட்டு முத்தியை இறைவன் அருளுவான் என்பது சாத்திர வாக்கு.
இந்த மூன்று வினைகளும் உயிர்களை பற்றாமல் இருக்க திருஞானசம்பந்தர் திருக்க்ளிகாமூர் பதிகத்தில் தெளிவாக பதிவு செய்து உள்ளார்.

இடர் தொடரா வினையானது சிந்தும் - என்பது தொடர் வினையான சஞ்சித கன்மம் வரும் பிறவிக்கு தொடராது சுட்டு எரிக்கப்படும் என்றும்.
உடல்வரை இன்னுயிர் வாழ்க்கையாய - என்பது இந்த உடலை பற்றுகின்ற ஆகாம்ய வினையானது ஆன்மாவை பற்றாது என்றும்
இந்த பிறவிக்கு விதிக்கப்பட்டுள்ள பிராரத்த வினையானது வலுவிழந்து நிற்கும் என்பதை "இறைவன் அருளாமே" என்றும் தெள்ளத் தெளிவாக உணரும் வண்ணம் பதிவு செய்து உள்ளார்.
இந்த மூன்று வினைகளும் உயர்களை பற்றாது இருக்க என்ன செய்யவேண்டும் என்பதை இந்த பாடலிலேயே சம்பந்தப் பெருமான் பதிவு செய்து உள்ளார். அது

"ஒருவன் கழல் ஏத்த" என்பது தான் அந்த குறிப்பு. திருக் கலிகாமூரில் வீற்றிருக்கும் சிவபெருமானுடைய திருவடிகளை ஒருவன் பற்றி ஏத்தி நின்றால், ஆகாமியம், சஞ்சிதம் மற்றும் பிராரத்த வினைகள் சேராது என்பது தான் குறிப்பு.
இது தான் வினை நீக்கத்திற்கான வழி. இந்த வினை நீக்கம் ஏற்பட்டு உயிர்களுக்கு இருவினை ஒப்பு வந்து விட்டால் சத்திநிபாதம் பதியும் முத்திப்பேறு சித்திக்கும்.