திருமுறைகளில் சைவ சித்தாந்தம் - 1

💡 திருமுறைகளில் சைவ சித்தாந்தம்

🪔உங்கள் சந்தேகம் எதுவாக இருந்தாலும் தயக்கம் இல்லாமல் கேளுங்கள்..!! பயன் பெறுங்கள்.!

🙋 எல்லோரும் சைவ சித்தாந்தம் படிக்காமல் ஒரு சிலர் மட்டுமே படிக்க காரணம் என்ன? ?

இந்த கேள்வி நம்மில் பலருக்கு வந்து இருக்கலாம். அதற்குரிய விடை சிவஞான சித்தியார் சொல்வதை கேட்கலாம்.

ஊழ்வினைப் பயன் தான்.அரிதினும் அரிதான நற் சிந்தனைகளை கேட்பதற்கும் படிப்பதற்கும் கிடைத்த இந்த நல்வாய்ப்புகளை எண்ணி இறைவனுக்கு நன்றி சொல்லி பழக வேண்டும் 🤓.
மற்றவர்களை படிக்க முயற்சி செய்தும் அவர்கள் வகுப்பில் சேரவில்லையா.. அல்லது படிக்கவில்லையா வருத்தம் வேண்டாம்..
அவர்கள் வினைப் பயன் அவ்வளவு தான் என கடந்து செல்ல வேண்டும் 🤓. பாச நீக்கம் இந்த மனநிலையில் தானே அமையும் .

🎧 ஆடியோ விளக்கம் கேட்டு பயன் பெறுங்கள் ..

🙋‍♀️ உடம்பினுள் மறைந்து இருக்கும் இறைவனை காண்பது எப்படி?

கடவுளைக் காண யாருக்கு தான் ஆசை இருக்காது. அப்பர் பெருமான் சொல்லும் எளிய வழியை பார்க்கலாமா.. 4ம் திருமுறை 75 வது திருப்பதிகம் 4 வது பாடல்.

இருள் அடைந்த வீட்டினுள் அகல் விளக்கை வைத்து அதில் நெய் விட்டு திரியை கூட்டி, அந்த திரியில் ஒளி உண்டாகும்படி செய்தால், அந்த வீட்டினுள் ஒளி நிறைந்து இருக்கும். இல்லையா?
அது போல

உடம்பினுள்ளே இருக்கும் உள்ளத்தில் தெளிவு உணர்வை ஏற்படுத்தி, அந்த தெளிவில் உயிரை பற்றும் படி செய்தால், உடலில் மறைந்து இருக்கும் வியாபகம் வியாபகம் முழு நிறைவு எத்தகையது என்பதை உயிர் அறிந்து அந்த வியாபக அறிவில் கலந்து நிற்கும் அந்நிலையில் ஆன்மா தான் அகக் கண்ணினால் சிவபெருமானைக் காணும்.
சரி உடலினுள் இருக்கும் உயிரோடு சிவபெருமான் இருப்பதை உயிர் காணமால் இருப்பதற்கு காரணம் என்ன..? உயிருக்கு தெளிவு உணர்வு ஏற்படாததே தான். அந்த தெளிவு ஏற்படாமைக்கு காரணம் உயிர் ஆணவ மல பற்றை பற்றிக் கொண்டு இருப்பதே ஆகும்.

🎧 ஆடியோ விளக்கம் கேட்டு பயன் பெறுங்கள் ..

🙋‍♂️ மலபற்றை விட வேண்டும் அதற்கு சுலபமான வழி சொல்லுங்கள்.?

மல பற்றை விட சுலபமான வழி ஈசனை வழிபட வேண்டும் 🤓 அவ்வளவு தான்

உயிர்களின் இயல்பே எதையாவது பற்றிக் கொண்டு நிற்பது தான். நம்மிடம் உள்ள நித்திய பொருள் மூன்று. அவை இறை, உயிர், மலம். இந்த உயிர் மலத்தை பற்றாமல் இருக்க வேண்டும் என்றால், அது இறைவனைத் தான் பற்றியாக வேண்டும். அது மலத்தை பற்றி கொண்டு இருப்பதால் ஈசனை பற்ற முடியவில்லை. அதனால் இறைப்பற்றை பற்றினால் மலப்பற்று தானே விட்டு விலகி விடும்.
இதனை திருக்குறள் எண்.350 தெளிவு படுத்தி இருக்கிறது.

சரி
இறைவனை எப்படி பற்றுவது..?
இந்த சந்தேகம் வருகிறதா 😜

அப்பர் ஸ்வாமிகளின் அருள்வாக்கை சிந்திக்கலாம்

அன்பின் வயப்பட்டு ஈசனை வழிபடுங்கள்...
முடியாதா...🌝
வினைச் சுமையை கண்டு அஞ்சியாவது ஈசனை வழிபடுங்கள்
ஆக
ஈசனை வழிபடாமல் உயிருக்கு உய்வு இல்லை
இனியும் வினைச் சுமையைக் கூட்டாமல் வினைச் சுமையை குறைக்க முயற்சி செய்யலாம்,

🎧 ஆடியோ விளக்கம் கேட்டு பயன் பெறுங்கள் ..

🧏 உயிர்களுக்குள்ள கருவி கரணங்களைக் கொண்டு இறைவனை காண முடியுமா?

வகுப்பறையில் இந்த கேள்வியை கேட்ட போது சிலர் முயற்சி செய்தால் முடியும் என்பதில் சொன்னார்கள் அது தவறு. திருமாலும் அயனும் முயற்சி செய்து காண முடியவில்லை என சில மேற்கோள்கள் சொல்லி விளங்க செய்தது.

கருவி கரணங்களைக் கொண்டு அறியும் அறிவு "நான் அறிந்தேன்" என்று சொல்லக் கூடிய பசு ஞானம். பசு ஞானத்தைக் கொண்டு இறைவனைக் காண முடியாது.

பதி ஞானத்தைக் கொண்டு இறைவனைக் காண முடியும். பதி ஞானம் கைவரப் பெற வேண்டும் என்றால், பசு ஞானம் பதி ஞானம், என பகுத்து சொல்லும், பதிஞானம் கைவரப்பெற்ற ஞானிகளுடன் கூடி நின்று, பக்குவமுடைய ஆன்மாக்கள் பதி ஞானத்தைப் பெறும்.

🙋‍♂️ திருவைந்தெழுத்து என்பது என்ன தெரிந்து கொண்டால் போதாதா?அதை ஓத தான் வேண்டுமா ?

ஐந்தெழுத்து என்பது ஸ்தூலமாக, சூக்குமமாக அதிசூக்குமமாக என பகுத்து வைக்கப்பட்டு உள்ளது. இந்த நிலையில் எளிதாக புரிந்து கொள்ள:

• நமசிவாய
• சிவாயநம
• சிவயசிவ

இவை அனைத்துமே ஐந்தெழுத்து தாம். யார் எதை எப்படி ஓத வேண்டும் என்பதை உங்களுக்கு நம்பிக்கைக்குரிய குருமுகமாக கேட்டு தெரிந்து கொண்டு அதன்படி ஜபிக்கலாம்.
உயிர்களுக்கு நிலையான சொத்து ஐந்தெழுத்தே என்று அப்பர் சுவாமிகள் நமக்கு அருளிச் செய்து இருப்பதை சிந்தித்து பாருங்கள்.

சிவ பெருமான் நமக்கு நிலையான சொத்து வைத்து இருக்கிறான். அது தான் "சிவாய நம" என்னும் திருவைந்தெழுத்து. இதனை திருவாசகத்தில் "வாழ் முதலே" என மாணிக்கவாசக சுவாமிகள் பதிவு செய்து இருப்பார்.

இந்த திருவைந்தெழுத்தை மனதில் உறுதியாக பற்றிக் கொண்டு சிந்தனையை சிதறவிடாமல், அதன் சொற்பொருளை நினைந்து எண்ணி இருக்க வேண்டும். அப்படி அஞ்செழுத்தை நெஞ்சழுத்தி இருப்பதை தவிர வு வழியில் முயன்றாலும் இறைவன் திருவருளை எளிதில் பெற்று முத்தி அடைய முடியுமோ ?(முடியாது) என அப்பர் சுவாமிகள் நமக்கு அறிவுறுத்துகிறார். .

வைத்த பொருள் நமக்கு நிலையான சொத்து - corpus fund ஆகும் என்று சொல்லி மனத்து அடைத்துச் மனதை விட்டு செல்லாமல் சிந்தனைகளை சிதற விடாமல்
சித்தம் ஒருக்கிச் “சிவாயநம” என்று ஆன்மா சிவாய நம என்று சிவத்தில் ஒடுங்க வேண்டும். இருக்கின் அல்லால்
மொய்த்த கதிர்மதி போல்வார் அவர் (கதிர்)சூரிய (மதி)சந்திரனைப் போல காலம் தவறாமல் பாதிரிப்புலியூர்
அத்தன் அருள்பெற லாமோ அறிவிலாப் பேதைநெஞ்சே. 4-94-5