அடியார் பெருமை - அப்பூதியடிகள்

 

அடியார் பெருமை

அப்பூதியடிகள் நாயனார்

தகவல் பலகை	விவரம்
குலம்	அந்தணர்
நாடு	சோழ நாடு
ஊர்	திங்களூர்
மாதம்	தை
குரு பூஜை நட்சத்திரம்	சதயம்
பிற அடியாருடன்	விவரங்கள்  இல்லை
திருத்தொண்டு	திருநாவுக்கரசர் பெயரில், பற்பல தொண்டுகள் புரிந்தவர்
இடம்பெற்ற திருமுறை	12.31
சோதிட குறிப்புகள்	விவரங்கள்  இல்லை

            

  அப்பூதியடிகள், சோழ நாட்டில் திங்களூரில் வசித்து வந்தார். சமய குரவர்கள் நால்வருள் ஒருவரான திருநாவுக்கரசு ஸ்வாமிகள் சம காலத்தில் வாழ்ந்த இவர்,  திருநாவுக்கரசர் சைவ சமய வளர்ச்சிக்கு ஆற்றிய பணிகளையும்,  அவருக்கு நேர்ந்த துன்பங்களையும், இறைவனாரின் துணைக் கொண்டு வெற்றி கரமாகக் கடந்ததையும் கேள்விப்பட்டார்.  அப்பர் மீது அளவு கடந்த பக்தி கொண்டார். இதுவே அவரை ஒரு நாயனாராக மதிக்கப்படும் அளவுக்கு உயர்த்தியது.

  அப்பரின்அன்புக்கு பாத்திரமானஅப்பூதி அடிகள், தமது வீட்டிலுள்ள அனைத்து பொருட்களுக்கும் தான் மதித்துவணங்கும் திருநாவுக்கரசர் என்ற திருப்பெயரை வைத்துமகிழ்ந்தார். தாம்அமைத்த, திருமடம், தண்ணீர்பந்தல், பாடசாலை, என அனைத்திற்கும் திருநாவுக்கரசர்பெயரையேவைத்து அறசெயல்கள் புரிந்துவந்தார்.

  அதுசமயம், பல திருத்தலபயணம்மேற்கொண்ட அப்பர், திங்களூர் வந்தார். அங்கு, தமதுபெயர்சூட்டிய பல அறச்செயல்களை கண்டு, வியந்து, அப்பூதியடிகளின் வீட்டுவாசலை அடைந்தார். சிவவேடம் தரித்த அப்பர் ஸ்வாமிகளை, அவர்தாம்  "திருநாவுக்கரசர்" என்று அறியாமலேயே, விழுந்து வணங்கினார். திருநாவுக்கரசர், நீர்செய்துவரும் அறச்செயல்களை பற்றி கேள்விப்பட்டோம். அதனால், உம்மைக்காணவிரும்பி, இங்குவந்தோம், எனகூறியஅவர், “அப்பூதியடிகளே..!  நீங்கள் செய்யும் அறச்செயல்களுக்கு தம்முடைய பெயரை எழுதாமல், வேறொரு பெயரை எழுத வேண்டிய காரணம் என்ன?” என்று கேட்டார்.

  அப்பர்சுவாமிகளின் திருத்தொண்டினை போற்றிப்புகழ்ந்து, அவர்பால் தாம்கொண்ட அன்பினை  வெளிப்படுத்தினார். அவருடைய வார்த்தைகளைக்கேட்டு அவர், தாம்தான் "திருநாவுக்கரசர்" என்பதை, அப்பூதியடிகளுக்கு வெளிப்படுத்தினார். தம் இருகைகளையும் தலைமேல் குவித்து, ஆனந்தக்கண்ணீர் வழிய மீண்டும் திருநாவுக்கரசரின்திருவடிகளை விழுந்து வணங்கினார்.

  பின்னர், அப்பூதியடிகளார், திருநாவுக்கரசருக்கு, திருவமுது படைத்து மகிழ, விண்ணப்பம்செய்தார். அதைஏற்றுமகிழ்ந்த திருநாவுக்கரசருக்கு, உணவு பரிமாற, இலைவிரிப்பதற்காக தம்பிள்ளைகளில் மூத்ததிருநாவுக்கரசரை கூப்பிட்டு, வாழைஇலை அரிந்துகொண்டு வரும்படி பணித்தார்.

மின் புத்தகத்தை பெற click செய்யவும் 

  எதிர்பாராத விதமாக, திருவமுது பரிமாற, இலைகொண்டுவரச் சென்ற அப்பூதியடிகளின் மூத்த மகன், பாம்பு தீண்டி இறந்து விடுகிறான். சிவனடியாரின் திருவமுதுக்கு, இடையூறு ஏற்படக்கூடாது என்று கருதி, மகனின் உடலை மறைத்து விட்டு, அப்பரை உணவுண்ண வருமாறு அழைத்தார்.

  திருநாவுக்கரசரும் மூத்தமகன் எங்கே என்றுவினவ, வேறுவழியின்றி உண்மையைஉரைக்கிறார் அப்பூதியடிகள். அப்பூதி அடிகளின் அன்பில், மனமுருகியதிருநாவுக்கரசர், திருப்பதிகம்பாடி, அப்பூதியடிகளின் மகனை உயிர்ப்பித்தார்.