அடியார் பெருமை - ஆனாய நாயனார்

 

அடியார் பெருமை

ஆனாய நாயனார்

தகவல் பலகை	விவரம்
குலம்	இடையர்
நாடு	சோழ நாடு
ஊர்	திருமங்கலம்
மாதம்	கார்த்திகை
குரு பூஜை நட்சத்திரம்	ஹஸ்தம்
பிற அடியாருடன்	விவரங்கள்  இல்லை
திருத்தொண்டு	புல்லாங்குழல் இசையில், சிவ பக்தியை வெளிப்படுத்தியவர்
இடம்பெற்ற திருமுறை	12.20
சோதிட குறிப்புகள்	விவரங்கள்  இல்லை

               

  சோழ நாட்டில்உள்ள ஊர் "திருமங்கலம்". இவ்ஊரில், ஆயர்குலத்தில் அவதரித்தார் ஆனாயர். தினம் ஈசனைவணங்கி திருநீறுஇட்டு, தன்னுடைய குலத்தொழிலான, மாடுகளைமேய்க்க செல்வார். அப்போது, வகைவகையாக மாடுகளைபிரித்து மேயவிட்டுவிட்டு புல்லாங்குழல் வாசிப்பார். ஆனாய நாயனார், குழல்ஊதி சிவபெருமானையே கவர்ந்துஇழுத்தவர். சிவனைக்கவர்ந்ததால் என்றென்றும் சிவன்அருகிலிருந்து குழல்ஊதும் பாக்கியம்பெற்றவர்.

  அவர் தூயதிருநீற்றினைவிரும்பும் திருத்தொண்டில் நின்றவர். மனம், மொழி, மெய் என்ற முக்கரணங்களாலும் சிவபெருமான்திருவடிகளை அல்லாது வேறுஒன்றினையும் பேணாதவர்; தமது குலத்தொழிலாகிய பசுக்காத்தலைச் செய்பவர். பசுக்களைச்சேர்த்து, அகன்ற புல்வெளியிற் கொண்டுசென்று, அச்சமும், நோயும் அணுகாமற்காத்து, அவை விரும்பிய நல்ல புல்லும், நன்னீரும் ஊட்டிப்பெருகுமாறு காத்துவருவார். 

மின் புத்தகத்தை பெற click செய்யவும் 

ஒருநாள், திருநீறுஅணிந்துகொண்டு பசுக்களுடன் முல்லைநிலத்திற்கு செல்கிறார். அப்பொழுது கார்காலம், முல்லைமலர் பூத்து நறுமணம்வீசுகின்றது. அங்கு பூத்துக்குலுங்கும் கொன்றைமலர்களைஎல்லாம் பார்த்து அதனுள்ளே சிவபெருமானை காணுகின்றார். எடுக்கின்றார் குழலை, ஐந்தெழுத்து மந்திரத்தை "நமசிவாய" என்று குழலோசையில் தருகின்றார். எங்கும் எதிர்ரொலிக்கின்றது. குழல்ஓசையைக்கேட்டு பசுக்கள் அருகில் வந்துநிற்க்கின்றன. இளம்கன்றுகள் தாய்மடியில் பால் குடிப்பதை நிறுத்திவிட்டு அப்படியேநிற்க்கின்றன. ஆங்கே காணப்பட்ட எருதுகளும் மான் போன்ற விலங்குகளும் அப்படியே அசையாமல் நிற்கின்றன. ஆடுகின்றமயில்கள், அப்படியே ஆடாமல்நிற்க்கின்றன. காற்றுநிற்க்கின்றது. மலர்கள் அசையாமல்நிற்க்கின்றன. நமச்சிவாய என்ற ஐந்தெழுத்து மந்திரம் மண்ணிலும் விண்ணிலும் ஒலிக்கின்றது.

  தேவர்களும் அங்கே வந்துவிட்டனர். அப்பனும் அம்மையும் ரிஷபவாகனத்தில் காட்சியளiக்கின்றனர். உடனே இறைவனடி சேர்ந்தார் ஆனாய நாயனார்.