நீற்றறை குளிருமா?

 

        அப்பர் பெருமானுக்கு பெற்றோர் இட்ட பெயர் மருளநீக்கியார் என்பது என்பதை நாம் அறிவோம்.  கொல்லாமை நெறியில் மனம் கொடுத்த மருளநீக்கியார் சமண சமயத்தை சார்ந்து தருமசேனார் ஆனார்.  மருள் நீக்கியாரின் தமக்கை(சகோதரி)யின் தொடர் வேண்டு தலாலும்,  இறைவன் கருணையினாலும், சூலை  நோய் ஆட் கொள்ளப் பட்டு, அந் நோயை குணப்படுத்த முடியாத நிலையில்,  தமது தமக்கையிடம் தஞ்சம் புகுந்து, சமனை ஒழித்து சைவம் சயர்ந்தார். 

        சைவ நெறியை சார்ந்த தருமசேனரை ஒழித்து கட்ட வேண்டும் என உறுதி பூண்ட சமணர்கள், விஷம்  கலந்த உணவை பருக செய்கின்றனர். ஆனால், அவர் இறைவன் கருணையினால் மீண்டு உயிருடன் வருகிறார். மறுபடியும் யானையை ஏவி கொல்ல  முயற்சி செய்கின்றனர். ஆனால் யானையின் பிடியில் இருந்து தப்பி மீண்டும் உயிருடன் திரும்புகிறார். 

        அதை தொடர்ந்து நீற்றறை (சுண்ணாம்பு காளவாய்- limestone quarry)யில் ஒரு வாரம் ஈடுகின்றனர்.  அந்த  வெப்பம் நிறைந்த நீற்றறையில் இருந்து 7 நாட்களுக்கு பிறகு மீண்டும் உயிருடன் வருவது சாத்தியமா? இது அப்பர் சுவாமிகளின் மன உறுதி என்றா லும், இறைவன் திருக்கருணை என்றா லும், அறிவியல் பார்வை கொண்டு சிந்தித் தால், இளைய தலைமுறையினருக்கும் ஆர்வ மாக இருக்கும் என்பதால் இப்படி சிந்திப்போம். 

        இந்த வெப்பம் நிறைந்த நீற்றறை யில், அப்பர் சுவாமிகளை கிடத்து கின்றனர்.. ஆனால் அவர் எந்த மாறுபாடும் இன்றி ஏழு நாட்களுக்கு பிறகு இன்முகத்துடன் வெளியே வருகிறார்.. இந்த செய்திகளை திருநாவுக்கரசர்  வரலாற்றில் காண்கிறோம்.. 

ஆண்டாண்டு தோறும் அழுது புரண்டாலும் 

மாண்டார் வருவரோ மாநிலத்தீர் 

என தமிழ் மூதாட்டி ஒளவையார் நல்வழியில் எழுதி வைத்துள்ள போதும், தமிழால் மரணத்தின் பிடியில் இருந்து மீண்டு வந்தவர்களும் உண்டு. இது இயற்கைக்கு மாறானதா இல்லை என்ற அறிவியல் உண்மையினை சொல்லியே மருள் நீக்கியார் என்ற பெயர் பெற்ற நாவுக்கரசரின் வாழ்க்கை நிகழ்ச்சிகளை கொண்டு சிந்திப்போம்.

தம் இளமை பருவத்திலேயே “நிலையாமை” எனும் நன்நெறியினை விரும்பி ஏற்ற நாவுக்கரசு பெருந்தகையார் நம்பர் சிவ பெருமான் அருள் செய்யாததால் கொல்லாமையை மேற்கொண்டு சமணத்தை சார்ந்தார்.

இதனை

நில்லாத உலகியல்பு கண்டு நிலையா வாழ்க்கை

அல்லேன் என்று துறந்து சமயங்கள் ஆனவற்றின்

நல்லாறு தெரிந்து உணர நம்பர் அருளாமையில்னால் 

கொல்லாமை மறந்துரையும் அமண் சமயங்குறுவார்

(பெரிய புராணம்:1302)

என சேக்கிழார் பெருமான் குறிப்பிடுகின்றார். நம்பர் அருளாமைக் கான காரணம், பெற்றோர் தம்மை பிரிந்து, தம்மை கலிப்பகை யாருக்கு திருமணம் தர பெற்றோர்கள் சம்மதிக்கிறார் கள்..  அவரையும் பிரிந்து, 

இந்த உயிரை அவர் உயிரோடு இசைவிப்பேன்என்று துணிய 

(பெரியபுராணம்:1297)

என இருந்த தமது தமக்கையாருக்கும் அருளும் வண்ணம் சிவபெருமான் நாவுக்கரசு பெருந்தகையாருக்கு பின்னர் அருளிப்பாடு செய்யலாம் என திருவுளம் கொண்டார். இப்படி செய்வதனால் இருவருக்கும் அருள வேண்டும் என்ற பெருங்கருணையினால் சிவ பெருமான், இப்போது அருளவில்லை, என்பது தான் உண்மை. இதனை பின்னர் வரும் பாடலில் சேக்கிழார் 

“.......... என ஈசர் அருள் கூடுதலால்”

(பெரியபுராணம்:1234)

என மொழிந்த திறத்தினை கொண்டு அறியலாம்.

இங்ஙனம், சமணத்தை சேர்ந்து  “தருமசேனர்” என்ற மிக உயரிய சமணப் பட்டம் பெற்று விளங்கியவராயிருந்தார். சமணத்தை சேர்ந்து உழலும்  தன தமியாரை மீட்க தமக்கையார் திலகவதியார் சிவ பெருமானிடம் முறையிட்ட தொடர் வேண்டுதலினால் சமணக் குழியில் வீழ்ந்து கிடக்கும் தன தம்பியார் மருள் நீக்கியாரை சூலை நோய் ஆட்கொள்ளவே அவர் தம் தமக்கையார் திலகவதியாரினை அடைந்து திருநீறு பெற்று சைவம் சார்ந்தார்.

இத்தனை ஆண்டுகளாக  சமணத்தை சார்ந்தவர் திடீரென சமணத்தில் நில்லாது சைவத்தை சார்வது தகுமோ? என்று சிந்திப்பவருக்காக ஒரு செய்தி சொல்லி த்தான் ஆக வேண்டும்.

“அறிவினால் ஆகுவது உண்டோ பிறிதின் நோய்தன் நோய் போல் போற்றாக் கடை” – 

திருக்குறள்.315

என்று வள்ளுவம் குறிப்பிட்டபடி, நடக்காத சமணர்களுடன் சேர்ந்து ஒழுகுவதை விட சமணத்தைக் விட்டு ஒழிவது எனச் சொல்வது போலவே, சேக்கிழார் பெருமான், இச் சூலை நோயை நம்மால் போக்குவதற்கு இயலாது எனச் சமணர்கள் கை விட்டனர் என்று 

 

“இது நம்மால் போக்க அரிதாம் எனப் புகன்று 

குண்டர்களும் கை விட்டார்”

(பெரியபுராணம்:1320

எனச் செய்யுள் அமைத்துள்ளத்தில் இருந்து நாவுக்கரசர் சமணர்கள் கைவிட்ட பின்பே திருவருளின் திருக்கருணை ஆட்கொள்ளச் சமணத் தை விட்டுச் சைவம் புகுந்தார் என அறிய முடிகிறது.

புத்தகத்தை பெற click செய்யுங்கள்.

என்ற ஒரு கொல்லாமை நெறியினை விரும்பி சமண சமயத்தை சார்ந்தாரோ அந்நெறியினை வளர்ப்பதாக சொல்லும் அப் போலிச் சமணர்கள் நாவுக்கரசு பெருந்த்கையாரினை கொல்வதற்கு பல கொடுமைகளைச் செய்தனர். இக் கொடுமைகளில் இருந்து அப்பர் சுவாமிகள் மீண்டு வந்தார் என்பதை அப்பர் சுவாமிகள் வாழ்க்கை நிகழ்ச்சியில் இருந்து நாம் அறியலாம்..

அப்படியானால் இறக்காமல் மீண்டு வருவது mystic miracle திருவருள் கருணை என்று சொல்வது ஒரு நிலையில் இருந்தாலும் இதில் பொதிந்து உள்ள அறிவியல் சிந்தனைகளை எடுத்து சொல்வது தான் இன்றைய தலைமுறை சகோதர்களுக்கு சொல்வது எளிதாக இருக்கும் என கருதுகிறோம்.

தம் தமக்கையார் சைவத்தில் நின்றமையில்னால் தரும சேனரும், பொய்யாக தமக்கு சூலை நோயை ஏற்படுத்திக் கொண்டு சமண சமயத்திற்கு கேடு ஏற்படுத்தி விட்டதாக மன்னனிடம் கூறி சமணம் துறந்து சைவம் சார்ந்த சமண சமயத்தில் தருமா சேனர் என்ற பட்டம் பெற்ற அப்பர் சுவாமிகளை  எப்படியாவது ஒழித்து விட வேண்டும் என மன்னனிடம் சமர்கள் வேண்டுகின்றனர்.

அதன் படியே மன்னனின் ஏவலை  ஏற்று மன்னனிடம் நாவுக்கரசு பெருந்தகையாரை அழைத்து செல்கின்றனர். சமணர்களின் புத்தி கேட்டு மதி கெட்ட மன்னனும் நாவுக்கரசு பெருந்தகையாரை சுண்ணாம்பு நீற்று அறையில் இடுமாறு பணிக்கிறான். நீற்றறையில் ஏழு நாட்கள் இருந்தனர் என்று 

ஓரேழு நாள் கழிந்த பின் 

(பெரிய புராணம்:1365)

என சேக்கிழார் பெருமான் குறிப்பிடுகின்றார். 

என்ன அதிசயம் என்று சமர்கள் வியந்து உரைக்கின்றனர். நம்மைப் போலவே வெப்பம் நிறைந்த அன்நீற்றை யில் ஏழு நாட்கள் இருந்து உயிருடன் இருப்பது சாத்தியமா என்ற ஐயப்பாட்டிற்கு பெரிய புராணம் சொல்வதை அறிவியல் கண் கொண்டு சிந்தித்தால் நமக்கு அறிவியலார் கெல்வின் அவர்களின் கூற்று தான் நினைவில் நிழல் ஆடுகிறது. 

நாம்அதிகம் பயன்படுத்தும் ஆற்றம் கெல்வின் என்ற அறிவியல் விஞ்ஞானி கேள்வி என்பவரின் கூற்று (thermal dynamics)

சூடான பொருள் ஒன்றினை குளிர்ச்சியான திரவம் ஒன்றுடன் கலக்கும் போது வெப்பமான பொருளால் இழந்த வெப்பம் குளிர்ச்சி யான பொருள் ஏற்ற வெப்பத்திற்கு சமம். எனப் பகர்கிறது.

பொறாமை உணர்வு வெப்பமானது அன்பும் கருணையும் குளிர்ச்சி யானது. நாவுக்கரசரின் உள்ளம் எப்போதும் அன்பும் கருணையுமே வழிந்து ஓடும் நல்ல உள்ளம். தமக்கு வந்த சூலை நோய்க்கு என்ன கைம்மாறு செய்வேன் என்று நாவுக்கரசர் கூறுவதாக சேக்கிழார் 

“.......... சூலையினுக்கு

எதிர் செயகுறை என் கொல்”

(பெரியபுராணம் 1338)

எனக் குறிப்பிடுவதில் இருந்து எத்தகைய கண்ணோட்டம் நிறைந்த பண்பாளர் இந்த நாவுக்கரசர் என்பதனை நம்மால் அறிய முடிகிறது அல்லவா.. இந்த குளிர்ந்த உள்ளம் வெப்பம் நிறைந்த அந் நீற்றறையில் இருக்கிறது. நீற்றரையின் வெப்பத்தை விட இவரது அன்பும் கருணை யும் நிறைந்த உள்ளக் குளிர்ச்சியினால் வெப்பத்தை உடைய அந்த நீற்றறை மிக்க இளவேனிற் காலத்தில் வீசி வருகின்ற குளிர்ந்த தென்றலாக இருந்தது என்று சேக்கிழார் பெருமான், 

வெய்ய நீற்றியது தான் வீங்கிள வேணிற்பருவம்

தவறுதான் தென்றல் ஆணை தண் கழுநீர் தடம் போன்று

மெய்யொளி வென்னிலவர்ந்து முரன்ற யாழ் ஒளியின் தர

ஐயர் திருவடி நீழல் அருளாகிக் குளிர்ந்ததே 

(பெரியபுராணம்”1383)

என தம் பாடலில் அறிவியல் உண்மையினை தெளிவு படுத்தி இருப்பதை பார்க்கும் போது நம்மால் வியந்து நோக்காமல் இருக்க முடியவில்லை. கலவை முறைப்படி வெந்நீரில் குளிர்ந்த நீரினை ஊற்றினால், வெந்நீரும் குளிர்ந்த நீராகிறது அல்லவா?! இங்கு ,ராபர்ட் மேயர் என்ற அறிவியல் அறிஞர் கூறும் கூற்று, 

“ஒரு வடிவத்தில் உள்ள ஆன்றல்  அழிந்தால் அது எவ்வித ஆற்றல் இழப்பும் இன்றி, வேறு வடிவில் தோன்றும்.” என்ற ஆற்றல் அழிவின்மை விதியினை நிரூபிக்கப்பட்டு உள்ளது அல்லவா.

நாவுக்கரசர் முதல்வனைத் தொழுது வணங்கி, 

மாசில் வீணையும் மாலை மதியமும்

வீசு தென்றலும் வீங்கிள வேனிலும் 

மூசு வண்டறை பொய்கையும் போன்றதே

ஈசன் எந்தைஇணையடி நீழலே.. . 

(5-90-884)

என்ற பதிகம் பாடி தம் மெய் உணர்வு மிகுந்து அமைதியாக வெளி வந்தார். இங்கே சமணத்தில் வளர்த்த உடலினை இறைவனார் சுட்டெரித்து சைவத் திருத் தொண்டராக்கினார். இந்த நிகழ்வில் கெல்வின் அறிவியல் விதியை வைத்து சிந்தித்தால்,  இந்த தெளிவினை நாம் பெறலாம்.