அடியார் பெருமை - திருநாளைப்போவார் நாயனார்

 

அடியார் பெருமை

திருநாளைப்போவார் நாயனார்

தகவல் பலகை	விவரம்
குலம்	புலையர்
நாடு	சோழ நாடு
ஊர்	புலைப்பாடி
மாதம்	புரட்டாசி
குரு பூஜை நட்சத்திரம்	ரோகினி
பிற அடியாருடன்	விவரங்கள்  இல்லை
திருத்தொண்டு	சமூகசேவை, மற்றும் திருப்பணி செய்து, இறைவன்மீது மாறாத அன்பு கொண்டு, விளங்கினார்.
இடம்பெற்ற திருமுறை	12.24

            

வையகம் முற்றும் மாமழை மறந்து

    வயலில் நீர்இலை மாநிலம் தருவோம்

உய்யக் கொள்க மற்று எங்களை என்ன

    ஒளிகொள் வெண்முகிலாய்ப் பரந்து எங்கும்

பெய்யும் மாமழைப் பெருவெள்ளம் தவிர்த்துப்

    பெயர்த்தும் பன்னிரு வேலிகொண்டு அ ருளும்

செய்கை கண்டுநின் "திருவடி" அடைந்தேன்

    செழும் பொழில் "திருப்புன்கூர்" உளானே. (7:55:2)

 

 புத்தகத்தை பெற click செய்யவும் 

     ஆதனூர் என்னும் சிவத்தலம், சோழவள நாட்டிலே, கொள்ளிடக் கரையை அடுத்தாற் போல், நீர்வளமும், நிலவளமும், அமையப்பெற்ற ஒரு சிற்றூர். அங்கே, புலைப்பாடி எனும்பகுதியில், புலை‌‌யர் குலமக்கள் உழுவு தொழிலை மேற்கொண்டு வாழ்ந்து வந்தனர். அவர்களின் ஒருவர் தான், நந்தனார் எனும் திருநாளைப்போவார்.

 எம்பெருமான்மீது, அளவில்லாத அன்பும் பக்தியும், பூண்டிருந்த அவர், பெருமான் எழுந்தருளியிருக்கும் கோயிலுக்குத், தம்மால் இயன்ற அளவு அருந்தொண்டு ஆற்றிவந்தார். தமது குலத்தினருக்குரிய தொழில்களில், மேம்பட்டு விளங்கிய நந்தனார், தமக்குத்கிடைக்கும் தோல், நரம்பு முதலியவற்றை விற்று, திருப்பணி செய்து வந்தார்.

  தாழ்ந்த குலத்தில்பிறந்தோம், என்றதாழ்வுமனப்பான்மை யினால்,  நந்தனார் கோயிலுக்குள் போகாமல், வெளியே இருந்தபோதும், மனதில் இறைவனை எண்ணி, ஆனந்தக் கூத்து ஆடி=பாடிக் கொண்டார். ஒரு நாள், திருப்புன்கூர் திருத்தலத்தில் உள்ள சிவலோகநாதரை தரிசிக்க விரும்பி, கோயிலை அடைந்தார். வெளியே நின்று வழிபட்ட போதும், நந்தியின் பின்பால் பெருமானை தரிசிக்க முடியாமல் மனம் வருந்தினார். 

      இறைவன் நந்தனாரின் மனம்வருந்தாமல்இருக்க,  நந்தியை சிறிது விலக்கி, திருக்காட்சியைக் காட்டி அருளினார். ஆனந்தக் கூத்தாடிய நந்தனார், கோயிலை வலம் வந்து வழிபட்டார். திரும்பும் வழியில், ஊரில் பெரிய பள்ளத்தைப் பார்த்து, அதை குளமாக்கத் தீர்மானித்தார். இரவும் பகலும், சிவநாமத்தைச் சிந்தியபடி பள்ளத்தை சீராக மாற்றி, திருக்குளம் அமைத்து, ஊருக்கு திரும்பினார். இதில் தம்முடைய பிறவியின், முழுப் பயனையும் பெற்றதாக உணர்ந்தார். 

     "கோயில்" என, அடியார்பெருமக்கள் பெருமைகொள்ளும்  தில்லை செல்லும் ஆசை ஏற்பட்டது. ஒரு நாள், துணிவு கொண்டு தில்லைக்குப் புறப்பட்டார். ஆனால் தம்மிடமுள்ள தாழ்வுமனப்பான்மை காரணமாக, திருக்கோயிலுக்குள் சென்று ஸ்வாமி தரிசனம் செய்யாமல்,  ஒவ்வொரு நாளும், "நாளைக்குப் போவேன்", என்று எண்ணி நாளைக் கடத்திக் கொண்டே வந்ததால்,  "திருநாளைப் போவார்" என்ற திருநாமத்தைப் பெற்றார்.

     தில்லையில் நடனம், வேள்வி, மற்றும் இறைவனின் திருநாம ஒலிகள் பரவியது. நந்தனார் எல்லையிலேயே, நிலத்தில் விழுந்து ஆனந்தக் கூத்து ஆடிப்பாடி மகிழ்ந்தார். அவர் பெருமானை மனதில் நினைத்து, வழிபட்ட போது, கனவில் இறைவன் திருவருள் செய்தார். 

     இறைவன், நந்தனாருக்கு அருள்செய்தது போல, பின்னர் தில்லைவாழ்அந்தணர்தம் கனவிலே தோன்றி, "நம்மை வழிபட்டு மகிழும் நந்தன், திருக்குலத்திலே தோன்றியவன்தான். திருமதில் புறத்தே அவன் படுத்திருக்கிறான். நீவிர் அவனை அழைத்து வந்து தீயிடை மூழ்கச் செய்து  அழைத்து வாருங்கள்" என்று ஆணையிட்டார். ஆண்டவன் கட்டளைக்குஏற்ப, தில்லைவாழ்அந்தணர்கள் அகமகிழ்ச்சியோடு, அங்கே எம்பெருமானை நினைத்து உருகும் நந்தனாரை, அணுகி, அம்பலத்தரசன் ஆணையை  தெரிவித்து, நீங்கள் மூழ்கி எழுவதற் காக, தீமூட்டித்தருகிறோம். "தாங்கள் நெருப்பிடை மூழ்கி எழுக" என்று வேண்டிக் கொண்டனர். 

   தில்லை அந்தணர்கள் மொழிந்‌ததைக் ‌கேட்டு, "உய்ந்தேன்!" என்று கூறி நந்தனார் அவர்களைத் தொழுதார். நந்தனார், இறைவன் மலர்த்தாளினை மனத்திலே எண்ணியவராய்த், தீயை வலம் வந்து, தீயிடை மூழ்கி பால்போன்ற மேனியும், திருவெண்ணீற்று ஒளியும், உருத்திராட்ச மாலையும், முப்புரி நூலும் விளங்கத், தூய முனிவரைப் ‌போல் சடை முடியுடன், வெளியே வந்தார்.

    நந்தனாரின் அருள் வடிவத்தைக் கண்டு, தில்லைவாழ்அந்தணர்கள் அகமகிழ்ந்தனர். அவரை வாழ்த்தி வணங்கினார். சிவகணங்கள் வேதம் முழங்க, நான்மறைகள் ஒலிக்க, அந்தணர்கள் வழிகாட்ட, நந்தனார் முன் சென்றார். கரங்குவித்து, ஐந்தெழுத்துமந்திரத்தை ஓதிக்கொண்டே ஆடுகின்ற கூத்தபிரானின் திருமுன் சென்றவர், குவித்த கரங்களோடு, அம்பலத்தரசன் திருவடி நீழலிலேயே, உமையொருபாகரோடு கலந்தார்! எம்பெருமானின் மலரடிகளில்உறையும், பேரின்ப வாழ்வைப் பெற்றார் நந்தனார்.

 

அந்தணர்கள் அதிசயத்தார், அருமுனிவர் துதி செய்தார்.
வந்தணைந்த திருத் தொண்டர், தம்மை வினை மாசு அறுத்துச் ,
சுந்தரத் தாமரை புரையும், துணை அடிகள் தொழுது இருக்க,
அந்தம்இலா ஆனந்தப் பெரும்கூத்தர், அருள் புரிந்தார்.

பெரியபுராணம்:12:24:36