திருமுறை வனம்: 

ஆந்தை 

தகவல் பலகை	விவரம்
பறவை	ஆந்தை
அறிவியல் பெயர்	Strigiformes (order name; there are many species)
சராசரி வாழும் காலம்	10 முதல் 15 ஆண்டுகள்
உணவு	ஊனுண்ணி (Carnivorous ) முக்கியமாக கொறித்துண்ணிகள், பூச்சிகள், சிறிய பறவைகள் மற்றும் சில நேரங்களில் மீன்களை உண்கிறது.
குறிப்புகள்	இரவில் பார்க்கும் திறன் கொண்டவை இதன் நெகிழ்வான கழுத்து 270 டிகிரி வரை சுழலும். பல கலாச்சாரங்களில் ஞானத்தின் சின்னம். பிரதே சத்தைக் குறிக்கவும் தொடர்பு கொள்ளவும் கூச்சல்கள் மற்றும் அலறல்களைப் பயன்படுத்துகிறது சத்தமில்லாமல் அமைதியாக பறக்கும்.
இடம் பெற்றுள்ள திருமுறைகள்	திருஞானசம்பந்தர் அருளிய 1ம் திருமுறை , சுந்தரமூர்த்தி சுவாமிகள் அருளிய 7ம்திருமுறை , காரைக்கால் அம்மையார் அருளிய 11ம்திருமுறை , சேக்கிழார் அருளிய 12ம் திருமுறை

 

மெய்த்து உன்னுறும் வினைதீர்வகை தொழுமின்செழு மலரின்
கொத்தின்னொடு சந்தாரகில் கொணர்காவிரிக் கரைமேல்
பொத்தின் இடை ஆந்தைபல பாடும்புள மங்கை
அத்தன்நமை ஆள்வானிடம் ஆலந்துறை அதுவே.   

(1:16:5)

 
மாந்தர்தம் பால்நறு நெய்மகிழ்ந்து ஆடி  வளர்சடை மேற்புனல் வைத்து
மோந்தை முழாக்குழல் தாளம் ஓர் வீணை  முதிரவோர் வாய்மூரி பாடி
ஆந்தை விழிச்சிறு பூதத்தர் பாச்சி லாச்சிராமத்து உறை கின்ற
சாந்தணி மார்பரோ தையலை வாடச்  சதுர்செய்வ தோஇவர் சார்வே.  

(1:44:5 )

காடேல் மிகவாலிது காரிகையஞ்சக்

கூடிப் பொந்தில்  ஆந்தைகள் கூகைகுழற

வேடித்தொண்டர்  சாலவுந் தீயர் சழக்கர்

கோடிக் குழகா  இடங்கோயில் கொண்டாயே.   

(7:32:4) 

 
சித்தம் நீநினை என்னொடு  சூளறும் வைகலும்
மத்த யானையின் ஈருரி  போர்த்த மணாளனூர்
பத்தர் தாம்பலர் பாடிநின்று ஆடும் பழம்பதி
பொத்தில் ஆந்தைகள் பாட்ட றாப்புன வாயிலே.   

(7:50:1) 

 
பட்டடி நெட்டுகிர்ப் பாறுகாற்பேய்  பருந்தொடு கூகை பகண்டைஆந்தை
குட்டி யிடமுட்டை கூகைபேய்கள்  குறுநரி சென்றணங் காடுகாட்டில்
பிட்டடித் துப்புறங் காட்டில்இட்ட   பிணத்தினைப் பேரப் புரட்டிஆங்கே அட்டமே பாயநின் றாடும்எங்கள்   அப்பன் இடந்திரு ஆலங்காடே.   

(11:2:6 )

 
வாகை விரிந்துவெண் ணெற்றொலிப்ப 
  மயங்கிருள் கூர்நடு நாளையாங்கே
கூகையொ டாண்டலை பாடஆந்தை 
  கோடதன் மேற்குதித் தோடவீசி
ஈகை படர்தொடர் கள்ளிநீழல் 
  ஈமம் இடுசுடு காட்டகத்தே
ஆகங் குளிர்ந்தனல் ஆடும் எங்கள் 
  அப்பன் இடந்திரு ஆலங்காடே.   

(11:2:3)

புட்கள் பொதுத்த புலால்வெண் 
  தலையைப் புறமே நரிகவ்வ
அட்கென் றழைப்ப ஆந்தை 
  வீச அருகே சிறுகூகை
உட்க விழிக்க ஊமன் 
  வெருட்ட ஓரி கதித்தெங்கும்
பிட்க நட்டம் பேணும் 
  இறைவன் பெயரும் பெருங்காடே.   

(11:3:3)

 
பள்ளிகள் மேலும் மாடு பயில் 
  அமண் பாழி மேலும் 
ஓள்ளிதழ் அசோகின் மேலும் உணவு 
  செய் கவளம் கையில் 
கொள்ளு மண்டபங்கள் மேலும் 
  கூகையோடு ஆந்தை தீய 
புள் இனம் ஆன தம்மில் 
  பூசல் இட்டு அழிவு சாற்றும்.   

(12:34:632)