உண்மை விளக்கம் - 1 (1-10)

௨

மனவாசகம் கடந்தார் அருளிச்செய்த

உண்மை விளக்கம்

தகவல் பலகை	விவரம்
நூல் பெயர்	உண்மை விளக்கம்
நூல் ஆசிரியர்	மனவாசகம் கடந்தார்
காலம்	13ம் நூற்றாண்டு

---

வண்மை தரும் ஆகமநூல் வைத்த பொருள் வழுவா உண்மை விளக்கம் உரை செய்த திண்மதம் சேர் அந்தி நிறத் தந்தி முகத் தொந்தி வயிற்று ஐங்காரனைப் பந்தமரப் புந்தியுள் வைப்பாம் (1)

ஆணை முகக் கடவுளை புந்தியில் வைத்து ஆகம செய்திகள் ஒன்றும் விடுபடாமல் உண்மை விளக்கம் என்ற நூலினை செய்கிறோம்.

பொய் காட்டிப் பொய் அகற்றிப் போதாந்தப் பொருளாம் மெய்காட்டும் ம் மெய் கண்டாய் விண்ணப்பம் பொய் காட்டா மெய்யா திருவெண்ணைய் வித்தகா சுத்த வினா ஐயா நீ தான் கேட்டருள் (2)

நிலையில்லாத உடல், பிரபஞ்சம் இவற்றைக் காட்டி, அவை நிலை இல்லாதன என உணர்த்திய மெய்கண்ட நாதனே, என் வினாக்களைக் கேட்டு அருள் புரிவாயாக.

ஆறாறு தத்துவம் ஏது ? ஆணவம் ஏது ? அன்றே தான் மாறா வினை ஏதும் அற்று இவற்றின் - வேறாக நான் ஏது நீ ஏது நாதன் நடம் அஞ்சு எழுத்துத் தான் ஏது தேசிகனே சாற்று (3)

இங்கு எட்டு வினாக்கள் கேட்கப்படுகிறது. அவையாவன:

1. 36 தத்துவம் என்பன யாவை? 2. ஆணவம் ஏது? 3. இருவினைகள் யாவை? 4. இவற்றில் இருந்து விடுபடாத நான் என்ற உணர்வு ஏது? 5. நீ ஏது? 6. அம்பலத்தில் ஆடும் நாதன் ஏது? 7. ஐந்தெழுத்து யாவை? 8. கடவுள் ஏது?

உள்ளபடி இத்தை உரைக்கக்கேள் உன் தனக்கு வள்ளல் அருள் அருளால் அன்று வாய் மலர்ந்து தெள்ளிய சீர் ஆகமங்கள் சொன்ன அடைவிலே ஆனந்த யோக நிகழ் புத்தாள்வா உற்று (4)

சிவானந்தத்தை யோகத்தின் வழி நின்று அடைய விரும்புபவர்களே! சிவபெருமான் அருளிய ஆகமங்களில் சொல்லிய முறையை சொல்கிறோம்.

நாற்கோணம் பூமி புனல் நாணனுமதியின் பாதி ஏற்கும் அனல் முக்கோணம் எப்போதும் - ஆர்க்கும் அறுகோணம் கால் வட்டம் ஆகாயம் ஆன்மா உறுகாய மாம் இவற்றால் உற்று (5)

இந்த உடம்பு பஞ்ச பூதங்களால் ஆனவை. அவற்றின் அடையாள வடிவங்களை அறிந்து கொள்வோம்.

பூதங்கள்	மறு பெயர்	வடிவம்
நிலம்	மண்	சதுரம்
நீர்	புனல்	பிறை சந்திரன்
நெருப்பு	அனல்	முக்கோணம்
காற்று	கால்	அறுகோணம்
ஆகாயம்	வானம்	வட்டம்

பொன்பார் புனல் வெண்மை பொங்கும் அனல் சிவப்பு வான்கால் கருமை வளர வான் தூமம் - என்பார் எழுத்து லவராயப் பாராதிக்கு என்றும் அழுத்தம் அதாய் நிற்கும் அது (6)

பஞ்ச பூதங்களின் நிறத்தையும் அவற்றிக்குரிய எழுத்தையும் அறிந்து கொள்வோம்.

பூதங்கள்	நிறம்	எழுத்து
நிலம்	பொன் நிறம்	ல
நீர்	வெண்மை	வ
நெருப்பு	சிவப்பு	ர
காற்று	கருப்பு	ய
ஆகாயம்	புகை நிறம்	ஹ (வ)

குறி குலிசம் கோகநதங் கொள் சுவத்தி குன்றா அறு புள்ளி ஆரமுத விந்துப் பிரிவின்றி மண் புனல் தீக்கால் வானம் மண்ணும் அடைவே என்று ஒண் புதல்வா ஆகமம் ஓதும் (7)

பஞ்ச பூதங்களின் அடையாளங்களையும் பிறமொழிச் சொற்களையும் அறிந்து கொள்வோம்.

பூதங்கள்	அடையாளம்	பிறமொழி
நிலம்	வஜ்ஜிராயுதம்	குலிசம்
நீர்	தாமரை	கோகநதம்
நெருப்பு	சுவத்தி	ஸ்வஸ்திகம்
காற்று	ஆறு புள்ளி	அறுபுள்ளி
ஆகாயம்	அமுதத் துளி	அமுத விந்து

பார் ஆதி ஐந்துக்கும் பயனும் அதி தெய்வங்கள் ஆர் ஆர் அயனாதி ஐவராம் - ஓரோர் தொழிலவர்க்குச் சொல்லுங்கால் தோற்றம் முதல் ஐந்தும் பழுதறவே பண்ணுவர் காண்பார் (8)

பஞ்ச பூதங்களின் அதி தெய்வங்களும் அவை தம் தொழில்களும் அறிந்து கொள்வோம்.

பூதங்கள்	அதி தெய்வம்	தொழில்
நிலம்	பிரமன்	படைத்தல்
நீர்	திருமால்	காத்தல்
நெருப்பு	உருத்திரன்	அழித்தல்
காற்று	மகேசன்	மறைத்தல்
ஆகாயம்	சதாசிவன்	அருளல்

படைப்பன் அயன் அளிப்பன் பங்கயக்கண் மாயன் துடைப்பன் உருத்திரனும் சொல்லின் - திடப் பெறவே என்றும் திரோபவிப்பர் ஈசர் சதாசிவரும் அன்றே அநுக்கிரகராம் (9)

பெயர்	அதி தெய்வம்	தொழில்
அயன்	பிரம்மன்	படைப்பவன்
மால்	திருமால்	காப்பவர்
உருத்திரன்	உருத்திரன்	அழியச் செய்பவன்
மகேசன்	திரோபவிப்பவர்	மறைப்பவன்
சதாசிவன்	ஈசன்	உரிய நேரத்தில் அருளுபவன்

மண்கடின மாயத்தரிக்கும்; வாரிகுளிர்ந்தே, பதமாம், ஒண்கனல் சுட்டு ஒன்றுவிக்கும்; ஓவாமல் – வண்கால் பரந்து, சலித்துத் திரட்டும்; பார்க்கில் ஆகாயம் நிரந்தரமாய் நிற்கும் நிறைந்து (10)

பஞ்ச பூதம்	குணம்
நிலம்-மண்	கடினத்தன்மை
நீர்	குளிர்ச்சி
நெருப்பு	சுட்டு எரிக்கும்
காற்று	பரந்து அசையும்
வானம்	நின்றபடி நிறைந்து இருக்கும்

-----