ஒளவைக்குறள்- 2. உடம்பின் பயன்

   

௨

   

ஒளவையார் அருளிச்செய்த

   

ஞானக்குறள்

                                                                                                                                                                                                                                                       

தகவல் பலகை	விவரம்
பால்	வீட்டுநெறிப்பால்
அதிகாரம்	02.உடம்பின் பயன்
தொடர்புடைய சிந்தனை	திரு மந்திரம் திருக்குறள் அப்பர் தேவாரம்

   

        சைவ சமயக் கருத்துக்களைக் கொண்ட இந்நூலை    

   

        திருமூலரின் திருமந்திரத்தின் சுருக்கம் எனக் கூறுவர்.    

💡 ஞானக்குறள் - இரண்டாவது பத்து

   

        உடம்பினைப் பெற்ற பயன் ஆவது எல்லாம்        

உடம்பினில் உத்தமனைக் காண். 11

   

   

       

உடம்பினை நாம் பெற்றிருக்கிறோம். இதனைப் பெற்றிருக்கும் பயன் உடம்பில் இருக்கும் உத்தமனைக் காண்பதே.

       

உயிர்களிடத்தில் வியாபித்து இருப்பது இறைவனின் கடமை ஆதலினால் உடம்பில் இறைவன் இருக்கிறான் என்பதை அறிக.

       

திருமூலரின் வாக்கும்,

        உடம்பினை முன்னம் இழுக்கு என்று இருந்தேன்
        உடம்பினுக்கு உள்ளே உறுபொருள் கண்டேன்
        “உடம்புளே உத்தமன் கோயில்கொண் டான்” என்று
        உடம்பினை யான் இருந்து ஓம்புகின்றேனே 10:71:2        

உத்தமன் – ஒப்புயர்வற்ற இறைவன்.

   

   

        உணர்வு ஆவ எல்லாம் உடம்பின் பயனே        

உணர்க உணர்வு உடையார். 12

   

   

       

அந்த உத்தமனை உணர்வால்தான் காணமுடியும். அந்த உணர்வுதான் உடம்பின் பயன். எனவே உணர்வுடையார் உத்தமனை உணரவேண்டும்.

       

தாயின் கர்ப்ப நிலை பற்றிய திருமந்திர பாடல்,

        மாதா உதரம் மலம் மிகில் மந்தனாம்
        மாதா உதரம் சலம் மிகில் மூங்கையாம்
        மாதா உதரம் இரண்டு ஒக்கில் கண் இல்லை
        மாதா உதரத்தில் வந்த குழவிக்கே 10:08:41    

   

        ஒரு பயனாவது உடம்பின் பயனே        

தருபயனாம் சங்கரனைச் சார். 13

   

   

       

ஒப்பு உயர்வுற்ற ஒரு பயன், உடம்பைப் பெற்றிருக்கும் பயனே. அது தரும் பயனாக விளங்கும் **சங்கரனைச் சார்வோமாக**.

   

   

        பிறப்பினால் பெற்ற பயனாவது எல்லாம்        

துறப்பது தான் தூய நெறிக்கட் சென்று. 14

   

   

       

பிறந்து உள்ளோம். பேறு பெறவேண்டும். அதுதான் பிறப்பின் பயன். இந்த பிறவியிலேயே ஈஸ்வரனை அடைய வேண்டும். **ஐம்புல ஆசையைத் துறப்பதுதான்** பிறப்பின் பயன்.

       

ஐம் பொறிகளாவன:

       

           
• மெய் (உடல்/ஸ்பரிசம்)
           
• வாய் (சுவை)
           
• கண் (பார்வை)
           
• மூக்கு (நாற்றம்)
           
• செவி (ஒலி)
       

   

   

        உடம்பினால் அன்றி உணர்வுது தான் இல்லை        

உடம்பினால் உன்னியதே ஆம். 15

   

   

       

உடம்பினால் உணர்ச்சி உண்டாகிறது. உணர்ச்சியானது உடம்பில் **உண்ணப்பட்டதே** (உருவானதே).

   

   

        மாசு அற்ற கொள்கை மனத்தில் அடைந்தக்கால்        

ஈசனைக் காட்டும் உடம்பு. 16

   

   

       

மனத்தில் **குற்றம் (மாசு) இல்லா** நிலையை அடைந்த உடம்பே ஈசனாகத் தோன்றும்.

       

திருக்குறள் குறிப்பு:

        மனத்துக்கண் மாசு இலன் ஆதல் அனைத்து அறன்
        ஆகுல நீர பிற (திருக்குறள்:34)    

   

        ஓசை உணர்வுகள் எல்லாம் தருவிக்கும்        

நேசத்தால் ஆய உடம்பு. 17

   

   

       

மெய்ப்பாட்டு **ஓசைகளையும் உணர்வுகளையும்** வெளிப்படுத்தும் உடம்பு, **அன்பு** என்னும் பற்றால் ஆனது.

       

ஓசை என சொன்னதால், பஞ்ச தன்மாத்திரைகளையும் சேர்த்தே சிந்திக்க: ஓசை, சுவை, ஒலி, ஊறு, நாற்றம்.

   

   

        உயிர்க்கு உறுதி எல்லாம் உடம்பின் பயனே        

அயிர்ப்பின்றி ஆதியை நாடு. 18

   

   

       

உடம்பும் அதன் பயனுமே **உயிருக்கு உறுதி** செய்யும். உடலோ, மனமோ சோர்வு அடையும் போது, **ஆதி யாகிய இறைவனைப் பற்றிக்கொள்ள வேண்டும்**.

   

   

        உடம்பினாற் பெற்ற பயனாவது எல்லாம்        

திடம்பட ஈசனைத் தேடு. 19

   

   

       

உடம்பினால் பெறக்கூடிய பயன் எதுவென்றால், **ஈசனை உறுதியாகப் பற்றித் தேடிக்கொள்வதே**.

       

அப்பர் தேவாரம் குறிப்பு:

        வாய்த்தது நம் தமக்குக் ஈது ஓர் பிறவி மதித்திடுமின்
        பார்த்தற்குப் பாசு பதம் அருள் செய்தவன் பத்து அருள்ளீர்
        கோத்து என்று முப்புரம் தீவளைத்தான் தில்லை யம்பலத்துக்
        கூத்தனுக்கு ஆட்பட்டு இருப்பது அன்றோ நம் தம் கூழைமையே. 4:81:5    

   

        அன்னத்தால் ஆய உடம்பின் பயன் எல்லாம்        

முன்னோனைக் காட்டி விடும். 20

   

   

       

சோற்றால் உருவாகிய உடம்பின் பயன் எல்லாம், **முன்னோனாகிய இறைவனைக் காட்டிவிடும்**.