ஒளவைக் குறள் - 1.மோச்சத்திற்கு வழி

   

௨

   

ஒளவையார் அருளிச்செய்த

   

ஞானக்குறள்

                                                                                                                                                                                                                                                       

தகவல் பலகை	விவரம்
பால்	வீட்டுநெறிப்பால்
அதிகாரம்	01.மோட்சத்திற்கு வழி
தொடர்புடைய சிந்தனை	திருக்குறள் திருவாசகம் உண்மை விளக்கம்

   

        சைவ சமயக் கருத்துக்களைக் கொண்ட இந்நூலை    

   

        திருமூலரின் திருமந்திரத்தின் சுருக்கம் எனக் கூறுவர்    

💡 ஞானக்குறள் - முதல் பத்து

ஆதியாய் நின்ற அறிவுமுதல் எழுத்து

ஓதிய நூலின் பயன். 1

இறைநிலையை உணர்வதே கல்வியின் பயன்.

பரமாய சத்தியுள் பஞ்சமா பூதம்

தரமாறிற் தோன்றும் பிறப்பு. 2

பரவெளிச் சக்தியானது தன்னுள் இணைந்து பஞ்ச பூதங்களுள் உயிராக விளங்குவதால் பிறப்பு என்பது உருவாகிறது.

பஞ்ச பூதங்களாவன :
o நிலம்,
o நீர்,
o நெருப்பு,
o காற்று,
o ஆகாயம்

ஓசை பரிசம் உருவம் சுவை நாற்றம்

ஆசை படுத்து அளறு. 3

உயிருக்கு வினைப்பதிவுகளை உருவாக்குவது பஞ்ச தன் மாத்திரைகளே.

தன்மாதிரைகளாவன:
o ஒலி,
o ஊறுஉணர்வு,
o காட்சி,
o சுவை,
o மனம்

தருமம் பொருள் காமம் வீடு எனும் நான்கும்

உருவத்தால் ஆய பயன். 4

உயிர் இவ் உடல் எனும் உருவம் கொண்டதன் பயன்

o அறநெறி,
o செல்வம்,
o ஆசை,
o வீடுபேறு அடைதல்

இல்வாழ்வான் என்பான் இயல்புடைய மூவர்க்கும் நல்லாற்றின் நின்ற துணை.. (குறள்:41)

நிலம் ஐந்து நீர் நான்கு நீடு அங்கி மூன்றே

உலவை இரண்டு ஒன்று விண். 5

• 5. நிலத்தில் (நிலம், நீர், தீ, காற்று, விண்) ஐந்தின் தோற்றங்களும்
• 4. நீரில் (நீர், தீ, காற்று, விண்) நான்கின் தோற்றங்களும்
• 3. நெருப்பில் (தீ, காற்று, விண்) மூன்றின் தோற்றங்களும்
• 2. காற்றில் (காற்று, விண்) இரண்டின் தோற்றங்களும்
• 1. விண்ணில் ‘விண்’ மட்டுமே உள்ளது.

மாயன் பிரமமன் உருத்திரன் மகேசனோடு

ஆயும் சிவ மூர்த்தி ஐந்து. 6

சிவ மூர்த்தங்கள் ஐந்து:
o மாயன்,
o பிரமன்,
o உருத்திரன்,
o மகேசன்,
o சிவன்

மால் அயன் அங்கி இரவி, மதி உமையோடு

ஏழும் திகழ்சத்தி ஆறு. 7

ஆறு சக்திகளாவன:
o மால் (திருமால்)
o அயன் (பிரம்மன்)
o அங்கி (அக்கினி)
o இரவி (சூரியன்)
o மதி (சந்திரன்)
o உமை (உமையம்மை)

தொக்கு உதிரம் தோல் ஊன் மூளை நிணம் என்பு

சுக்கிலம் தாதுக்கள் ஏழு. 8

ஏழு தாதுக்கள்:
o தொக்கு – தோல்
o உதிரம் – இரத்தம்
o ஊன் – சதை
o மூளை
o நிணம் (கொழுப்பு)
o எலும்பு
o சுக்கிலம்

மண்ணோடு நீர் அங்கி மதியொடு காற்று இரவி

விண் எச்ச மூர்த்தியோடு எட்டு. 9

எண் வகை மூர்த்தங்கள்:
o மண்
o நீர்
o தீ
o மதி
o காற்று
o இரவி
o விண்
o மூர்த்தி

நிலம், நீர், நெருப்பு, உயிர், நீள், விசும்பு, நிலாப், பகலோன் புலனாய மைந்தனோ எண்வகையாய்ப் புணர்ந்துநின்றான் உலகு ஏழு எனத்திசை பத்து எனத்தான் ஒருவனுமே பலவாகி நின்றவா தோணோக்கம் ஆடாமோ. (8:15:05)

இவையெல் லாம் கூடி உடம்பாய ஒன்றிவை

எல்லாம் ஆனது விந்து. 10

மேலே சொன்ன இவையெல்லாம் ஒன்றுகூடி உடம்பாக உருவாகி விந்தைக் கொண்டு சரீரம் உண்டானது.