அடியார் பெருமை - கணநாதர் நாயனார்

 

அடியார் பெருமை

  கணநாத நாயனார்

 

தகவல் பலகை	விவரம்
குலம்	குறுநில மன்னர்
நாடு	தொண்டைநாடு
ஊர்	தோணிபுரம்
மாதம்	ஐப்பசி
குரு பூஜை நட்சத்திரம்	மூலம்
பிற அடியாருடன்	விவரங்கள்  இல்லை
திருத்தொண்டு	சிவாலயம் பல சென்றவர்
இடம்பெற்ற திருமுறை	12:44

    திருஞானசம்பந்தர் அவதரித்த, "சீர்காழி" என்னும், பெருமைமிக்கநகரில் மறையவர் குலத்தலைவராய்க் கணநாதர் என்னும் பெயருடைய சிவத்தொண்டர் ஒருவர், வாழ்ந்துவந்தார். இவர், அந்தணர் மரபிற்குஏற்ப, நாள்தோறும், சிவாகமவிதிப்படி, தோணியப்பரை வழிபட்டுவந்தார். சிவனடியார்களுக்குத் திருத்தொண்டு புரியும், உயர்ந்த அறத்தை உணர்ந்து, வாழ்க்கையை நடத்தி வந்தார்.

     இப்பெரியார், அடியார்களுக்குச் செய்ய வேண்டிய, சிறந்த தொண்டினைப்பற்றிய ஒப்பற்ற உண்மையான தத்துவத்தை. உலகிற்கு உணர்த்தியததோடு நில்லாமல். தாமும் அதன்வழி நடந்தார். கோயிலில், திருப்பணிகள் பலவற்றைத் தவறாது செய்து வந்தார். நந்தவனம் அமைத்தல், மலர் பறித்து, இறைவருக்கு சாற்றுதல், என சிவபுண்ணியத்தைப் பெற்றிருந்தார், கணநாதர்.

புத்தகத்தைப் பெற click செய்யவும் 

இவர், திருஞானசம்பந்தரின் திருவடிக் கமலங்களையும், அன்போடுமகிழ்ந்து, வழிபட்டு வந்தார். சிவத்தொண்டு புரிந்து வந்த கணநாதருக்குத், தொண்டர்கள் பலர் தோன்றினர். இறை வழிபாட்டின், தனிமையான இனிமையை உணர்ந்திருந்த இவர், இல்லறத்தின் இனிமையையும், தனிமையையும், நன்கு உணர்ந்திருந்தார். நாயனாரின் திருத்தொண்டினையும், பக்தியின் மேன்மையையும், கண்டு அவருக்குப் பேரின்ப நிலையை அளிக்கத் திருவுள்ளம் கொண்டார் திருத்தோணியப்பர். பூவுலகில், பெயரும்புகழும் பெற்று வாழ்ந்த இப்பெரியார், இறைவன் அருளால், பேரின்ப வீடு பெற்றுச், சிவகணங்களுக்குத் தலைமைப் பதவி பெற்றுத், திருத் தொண்டில், நிலையான இன்பத்தைப் பெற்றார்.