அடியார் பெருமை - இளையான்குடி மாறார்

  இளையான்குடிமாறனார்

தகவல் பலகை	விவரம்
குலம்	வேளாளர்
நாடு	சோழநாடு
ஊர்	இளையான்குடி
மாதம்	ஆவணி
நட்சத்திரம்	மகம்
திருத்தொண்டு	சிவனடியாருக்கு உணவு தந்தவர்
திருமுறை	12.10 - தில்லை வாழ் அந்தணர் சருக்கம்

‘மண்டினில் ஞாலத்து வாழ்வோர்க்கு எல்லாம்
உண்டி கொடுத்தோர் உயிர் கொடுத்தோரே”

புத்தகம் பெற Click

இளையான்குடி எனும் ஊர், இயற்கைவளத்தாலும் இறைவனின் அருளாலும் செழித்திருந்தது. அந்த ஊரில் வேளாளர் மரபில் பிறந்த மாறனார், ஊரின் பெயரால் இளையான்குடி மாறனார் என்று அழைக்கப்பட்டார்.

அவர்களின் வீடு, பகலும் இரவும் பாராமல் அடியார்கள் வரக்காத்திருந்த ஒரு தெய்வீக இல்லமாக இருந்தது. அடியார்களை இனிய முகத்துடன் வரவேற்று, இன்சொற்களால் மகிழ்வித்து, அறுசுவை அமுதிட்டுச் சேவிப்பது, அதையே மாறனாரும் அவர்தம் மனைவியாரும் தங்களது வாழ்க்கைப்பணியாகக் கொண்டிருந்தனர்.

வறுமை வந்தபோதிலும் மாறனார் மனம்தளராது சிவதொண்டில் தொடர்ந்தார். ஒரு மழைக்காலத்தில், சிவபெருமான் அடியாரின் திருக்கோலத்தில் மழையில் நனைந்தபடி நாயனாரின் இல்லத்திற்கு உணவருந்த வந்தார்.

அடியாருக்கு அமுதுபடைக்க என்ன செய்வது என யோசித்துக்கொண்டிருக்கும் வேளையில், அப்போது மனைவியாருக்கு ஒரு யோசனை தோன்றியது. காலையில் வயலில் விதைத்திருந்த நெல்முளையை வாரிக்கொண்டு வரலாம், அதை வறுத்து அரிசியாக்கிச் சோறு செய்யலாம் என்றார். மாறனாரும் கனமழையில் நனைந்து, வயலுக்குச் சென்று நெல்முளைகளைச் சேகரித்துவந்தார். மனைவியார் அதனைக்கொண்டு அமுதுபடைத்தார்.

விறகு இல்லாததால், மாறனார் வீட்டுக்கூரையைத் தாங்கியிருந்த மரக்கொம்புகளை அறுத்து எரிபொருளாக்கினார். நாயனாரின் சிவத்தொண்டை மெச்சி, சிவபெருமான் அவர்முன் தோன்றி, அவர்கள் நீண்டகாலம் வாழ்ந்து சிவபேறுபெற முக்தி அளித்தருளினார்.

திருச்சிற்றம்பலம்.

ஒலி அலையில் (podcast) கேட்க ⬇️