வாயிலார்

 

தகவல் பலகை	விவரம்
குலம்	வேளாளர்
நாடு	தொண்டை நாடு
ஊர்	மயிலாப்பூர்
மாதம்	மார்கழி
குரு பூஜை நட்சத்திரம்	ரேவதி
பிற அடியாருடன்	விவரங்கள்  இல்லை
திருத்தொண்டு	மெளனமாக தியானித்த நிலையில்  சிவபதம் பெற்றார்
இடம்பெற்ற திருமுறை	12.57
சோதிட குறிப்புகள்	விவரங்கள்  இல்லை

“தொன்மயிலை வாயிலான் அடியார்க்கும் அடியேன்”

சென்னை மாநகரின் புனிதமான பகுதி தொன்மையான மயிலாப்பூர். இந்த திரு பதியில் வேளாளர் குளத்தில் அவதரித்தவர் வாயிலார் நாயனார்.
வாயிலார் நாயனார் வாழ்ந்த காலம் அறியப்படவில்லை. எனினும் சேக்கிழார் பெருமானுக்கு முன்னரே 8-ஆம் நூற்றாண்டில் வாழ்ந்த சுந்தரமூர்த்தி நாயன்மார், திருத்தொண்டத் தொகையில்

“தொன்மயிலை வாயிலான் அடியார்க்கும் அடியேன்”
என்று பாடியிருப்பதும், வாயிலார் நாயனார் 8-ஆம் நூற்றாண்டுக்கும் முன்பே வாழ்ந்த சிவனடியார் என்பதை அறிந்து கொள்ள முடிகிறது.

வாயிலார் நாயனாரின் வாழ்க்கை வரலாறு வெளிப்படையாக விரிவானதாக இல்லை. அவர் எப்போதும் சிவபெருமானையே தம் உள்ளத்தில் தாங்கி, மௌன பக்தியால் இறைவனைத் துதித்து, இறைபதத்தை அடைந்தார் என்பதே அவரைப் பற்றிய உன்னதச் செய்தியாகும். பெரியபுராணத்தின் படி, “தன்மை வாயிலார் என்னும் தபோதனர்” என்ற தொடர், இவரது ஆன்மிக உயர்வை விளக்கும் முக்கியமானது  

“வாயிலார்” என்ற பெயர், அவர் பேச்சற்ற மௌனத்தில் சிவபெருமானிடம் அன்பு செலுத்தியதை மட்டும் குறிக்கவில்லை; அதைவிட உயர்வாக, அவருள் எப்போதும் “நான்” என்ற அகந்தை எழாத உன்னத நிலையைக் குறிக்கிறது.
சேக்கிழார் பெருமான் அருளிய பாடல் இதை மிக அழகாக எடுத்துரைக்கிறது:

மன்னு சீர்மயி லைத்திரு மாநகர்த்
தொன்மை நீடிய சூத்திரத் தொல்குல
நன்மைசான்ற நலம்பெறத் தோன்றினார்
தன்மை வாயிலார் என்னும் தபோதனர்

இவ்வாறு, மௌனமே மொழியாகவும், அன்பே வழிபாடாகவும், அகந்தையின்மையே உயர்ந்த தவமாகவும் விளங்கிய வாயிலார் நாயனார், திரு சந்நிதி  சென்னை கபாலீஸ்வரர் கோவிலில் உள்ளது. 

திருச்சிற்றம்பலம்