1. திரு உந்தியார் !

   

       

௨ 

       

திருவியலூர் உய்ய வந்த தேவ நாயனார் அருளிச்செய்த

       

திரு உந்தியார்

   

                                                                                                                                                                       

தகவல் பலகை	விவரம்
நூல் பெயர்	திருஉந்தியார்
நூல் ஆசிரியர்	திருவியலூர் உய்ய வந்த தேவநாயனார்
காலம்	12ம் நூற்றாண்டு

---    

திருவாசகத்தில் வரும் தாழிசைப் பாடல்கள் போல 45 பாடல்களால் அமைந்தன.

உந்தீபற = உம்+தீ+பற என உம்முடைய தீவினைகள் பறந்து விடுவதாக அமைந்துள்ளது.

💡 உபதேசம் - பாடல்கள் 1-6

அகலமாய் யாரும் அறிவு அரிது அப்பொருள்

சகலாமாய் வந்து என்று உந்தீபற

தானாக வந்தது என்று உந்தீபற 1

யாரும் அறியமுடியாத உருவமற்ற பொருள் கடவுள்.

ஆனால், நினைத்தவர், அன்பால் நினைத்த உருவம் தாங்கி, நினைத்தவர் முன், வந்து தோன்றும்.

பழக்கம் தவிரப் பழகுவது அன்றி

உழப்புவது என்பெணே உந்தீபற

ஒருபொருளாலே என்று உந்தீபற 2

உலகசெய்திகளில் உழல்வதால் பயன் ஒன்றும் இல்லை. அந்த பழக்கத்தை மாற்றி திருவருள் நோக்கி அமைய வேண்டும்.

கண்ட அத்தை கொண்டு கருமம் முடித்தவர்

உந்தீபற

பிண்டத்தில் வாரார் என்று உந்தீபற 3

யாருக்கு பிறப்பு இறப்பு இல்லை? மனதில் கருதிய கடவுள் உணர்வை கொண்டு தவத்தை செய்பவர்களுக்கு, யாருக்கு பிறப்பு இறப்பு இல்லை.

எங்கன் இருந்தது என்று எவ்வண்ணம் சொல்லுகேன்?

அங்கன் இருந்தது என்று உந்தீபற

அறியும் அறிவு அது அன்று என்று உந்தீபற 4

கடவுள் அனுபவம் அறிவால் அறிவது அன்று. அது அவரவர் உணர்வை பொறுத்தது.

ஏகனும் ஆகி அனேகனும் ஆனவன்

நாதனும் ஆனான் என்று உந்தீபற

நம்மையே ஆண்டான் என்று உந்தீபற 5

ஆற்றலால், செயலால், அனுபவத்தால் ஒன்று பலவாக தோன்றுவது போல, கடவுள் ஒருவனே பலவிதமாக உள்ளான்.

நம் செயல் அற்று இந்த நாம் அற்றபின் நாதன்

தன் செயல் தானே என்று உந்தீபற

தன்னையே தந்தான் என்று உந்தீபற 6

கடவுள் நமக்காக தன்னையே தந்தான் என்று எப்போது புரியும் என்றால், தன்னால் இந்த செயல் முடிந்தது என்ற எண்ணம் இல்லாமல் எல்லாம் இறைவன் செயல் என்ற உணர்வு வரும் போது தான்.

மறு வாசிப்பு 👉🏽 .