9. திரு உந்தியார்

௨

திருவியலூர் உய்ய வந்த தேவனாயானர் அருளிச்செய்த

திரு உந்தியார்

தகவல் பலகை	விவரம்
நூல் பெயர்	திருஉந்தியார்
நூல் ஆசிரியர்	திருவியலூர் உய்ய வந்த தேவநாயனார்
காலம்	12ம் நூற்றாண்டு

திருவாசகத்தில் வரும் தாழிசைப் பாடல்கள் போல 45 பாடல்களால் அமைந்தன.

உந்தீபற = உம்+தீ+பற என உம்முடைய தீவினைகள் பறந்து விடுவதாக அமைந்துள்ளது.

💡 உபதேசம் - பாடல்கள் 39-43

அது இது என்னாது அனைத்து அறிவு ஆகும்

அது இது என்று அறிந்து உந்தீபற

அவிழ்ந்த சடையான் என்று உந்தீபற (39)

திருவருள் துணையின்றி, ஆன்மா தானே சிவமாகி விடாது. அவன் என்னும் இறைவன் இவன் என்னும் ஆன்மாவுடன் ஒன்றினால் அன்றி ஆன்மாவுக்கு உய்வு இல்லை.

அவன் இவன் ஆனது அவன் அருளால் அல்லது

இவன் அவன் ஆகான் என்று உந்தீபற

என்னும் இவனே என்று உந்தீபற (40)

திருவருள் துணையின்றி, ஆன்மா தானே சிவமாகி விடாது. அவன் என்னும் இறைவன் இவன் என்னும் ஆன்மாவுடன் ஒன்றினால் அன்றி ஆன்மாவுக்கு உய்வு இல்லை.

முக்தி முதலுக்கே மோகக் கொடி படர்ந்து

அத்தி பழுத்தது என்று உந்தீபற

அப்பழம் உண்ணாதே உந்தீபற (41)

முத்தியை பெறக் கூடிய ஆன்மா நம்மை மறைக்கும் சுற்றி உள்ள ஆசை வலையில் விழுந்திடாமல், திருவருள் வயப்பட்டு நிற்க வேண்டும்.

அண்டம் முதலாய் அனைத்தையும் உட்கொண்டு

கொண்டத்தைக் கொள்ளாதே உந்தீபற

குறைவற்ற செல்வம் என்று உந்தீபற (42)

தனு, கரண, புவன, போகங்கள் ஆகிய மாயா காரியங்களிலேயே உள்ளத்தை பதித்து காலத்தை வீணாக்காமல், குறைவில்லா செல்வம் தரும் சிவபெருமானையே சிந்தித்து இருக்க வேண்டும்.

காயத்துள் மெய்ஞானக் கள் உண்ணமாட்டாதே

மாயக் கள் உண்டார் என்று உந்தீபற

வறட்டுப் பசுக்கள் என்று உந்தீபற (43)

திருவடி தாமரையில் கிடைக்கும் இன்பத்தை நுகராமல், பால் சுரக்காத பசுவைப் போல, நிலையில்லாத மாயா காரியங்களில் மயங்கி கிடப்பது அறியாமை ஆகும்.