திருவியலூர் உய்ய வந்த தேவநாயனார்

திருவியலூர் உய்ய வந்த தேவ நாயனார் அருளிச்செய்த

திருஉந்தியார் 

                                                                                    

தகவல் பலகை	விவரம்
ஆக்கிய நூல்	திரு உந்தியார்
காலம்	12ம் நூற்றாண்டு

திருவியலூர் உய்ய வந்த தேவநாயனார்:

மெய்கண்ட சாத்திரங்கள் என சொல்லப்படும் சைவ சித்தாந்த சாத்திரத்தில், உள்ள 14 நூல்களில் பழமையான நூலாக போற்றப் படுவது திருவியலூர் உய்ய வந்த தேவனாயானர் அருளிச் செய்த " திரு உந்தியார்" எனும் நூல் .

இந்த நூல் மெய்கண்டசந்தான மரபுக்கு முந்திய மரபைச் சார்ந்தது என்றாலும்.  மெய்கண்ட சாத்திரங்கள் 14ல் முதல் இரண்டு சாத்திரங் களாக திருஉந்தியாரும் திருக்களிற்றுப் படியாறும் அமைந்துள்ளது என்பதை மெய்கண்ட சாத்திரம் படிக்கும் அன்பர்கள் மற்றும் வகுப்பறையில் உள்ள அன்பர்கள் தெரிந்து கொண்டு பெருமைப் பட்டுக் கொள்ள வேண்டியது அவசியம். 

இந் நூலில் நால்வர் பெருமக்கள் மற்றும் திருத் தொண்டர் தொகையில் குறிப்பிட்டு இருக்கும், 63 நாயன்மார்களில் சிலர் வரலாறும் இடம் பெற்றுள்ளது படிப்பவர்களுக்கு உற்சாகத்தை தரும்படி அமைந்து உள்ள நூல் அளவில் சிறியதாகவும், எளிதில் புரிந்து கொள்ளும்படி இருப்பது இன்னொரு சிறப்பு. 

சுருங்கச் சொல்லி விளங்க வைக்கும் முறையில் அரிய பெரிய கருத்துக்களைச் பாடல்களையும் 

திருவாசகத்தில் வரும் தாழிசைப் பாடல்களைப் போலவே இந்நூல் 45 தாழிசைப் பாடல்களைக் கொண்டு அமைந்து உள்ளது. 

தாழிசை என்பது, ஒரே பொருளை விளக்கும் வகையில்,  குறைந்த அடிகளுடன், இனிய ஓசையுடன், பெரும்பாலும் மூன்று முறை அடுக்கி வரும் ஒரு பா-வகை ஆகும். இதன் அமைப்பு ஒரே கருத்தை அல்லது பொருளைப் பலமுறை வெவ்வேறு கோணங்களில் (multi dimension) விளக்குவதே இதன் முக்கிய நோக்கம்.

விளையாட்டாகவே, சித்தாந்த செய்திகளை 45 பாக்களில் சித்தாந்த செய்திகள், அடியார் பெருமக்களின் வரலாற்று செய்திகள் என அனைத்தையும், மனதில் பதிய வைக்கும்படி அமைந்த இந்த அரிய நூல்  போற்றுதற்குரியது.

இந்நூல் ஆசிரியர் திருவியலூர் உய்ய வந்த தேவ நாயனார் ஆவர். இவருடைய மாணவரின் மாணவர் திருக்களிற்றுப்படியார் என்ற சைவ சித்தாந்த நூலை செய்த திருக்கடவூர் உய்ய வந்த தேவ நாயனார் ஆவார்.

100 வெண்பாக்களைக் கொண்ட திருக்களிற்றுப் படியார் என்ற ஞான நூல், திருஉந்தியார் நூலுக்கு செய்யுள் வடிவில் அமைந்த உரை போல அமைந்து உள்ளது. அதனால் மெய் கண்ட சாத்திரம் படிப்பவர்கள் இந்த இரண்டு நூல்களையும் தொடர்பு படுத்தி படிப்பது சாலச்b சிறந்தது.  வீடு பேறு பெறுதற்கு எளிமையான பல சாதனங்களை சொல்லும் இவ்விரு நூல்களுமே, ஆய்வு மாணவர்களுக்கு மிக்க பயன் உள்ளதாக இருக்கும்.

திருஉந்தியாரில் ஒவ்வொரு பாடலிலும் வரும் உந்தீபற என்பதற்கு இப்படி பொருள் சொல்லுவார்கள் 

உம் + தீ + பற

உம்முடைய தீவினைகள் பறந்து போகட்டும் என்பது போல. 

உந்திபறத்தல் என்பது சிறு வயது மகளிர் விளையாட்டு வகைகளில் ஒன்று என்றும் சொல்லுவார்கள். 

படிக்கப் படிக்க ஆனந்தம் தரும் இந்த நூலில் திருமுறை சொற்கள் பல இடம் பெற்று உள்ளது என்பது படிக்கும் ஒவ்வொருவரும் ரசித்து மகிழும் படி அமைந்து இருக்கும். திருக்குறள் பாக்கள் சில அங்கங்கே  இடம் பெற்று இருக்கும். அதனால் திருக்குறளை மெய்கண்ட சாத்திரம் படிக்கும் அன்பர்கள் அவசியம் படித்து பயன் பெற வேண்டும்.  நமது வகுப்பில் திருக்குறள் படித்தல் என்பது ஒரு பாடமாகவே இருக்கிறது. 

படைத்த நூல்

• திரு உந்தியார்

A2 மாணவர்கள்

• ⬇️ ஆளுடைய தேவனாயானர்
• ⬇️ திருக்கடையூர் உய்ய வந்த தேவனாயானர்

நூலின் அந்தெந்த பகுதிகளுக்கு செய்ய 🔽..

• உபதேசம்
• தசாதனம்
• மீதானம்
• இன்புறு நிலை
• உபாயங்கள்
• பயன்
• சிறப்பு நிலை
• அணைந்தோர் தன்மை
• பரம சித்தாந்தம்
• வாழ்த்து
• கேள்வி தாள்