5. திரு உந்தியார்

௨ 

திருவியலூர் உய்ய வந்த தேவனாயானர் அருளிச்செய்த

திரு உந்தியார்

தகவல் பலகை	விவரம்
நூல் பெயர்	திருஉந்தியார்
நூல் ஆசிரியர்	திருவியலூர் உய்ய வந்த தேவநாயனார்
காலம்	12ம் நூற்றாண்டு

---

திருவாசகத்தில் வரும் தாழிசைப் பாடல்கள் போல 45 பாடல்களால் அமைந்தன.

உந்தீபற = உம்+தீ+பற என உம்முடைய தீவினைகள் பறந்து விடுவதாக அமைந்துள்ளது.

💡 உபதேசம் - பாடல்கள் 19-22

கருதுவதன்முன் கருத்து அழியப் பாயும்

ஒருமகள்கேள்வன்என்றுஉந்தீபற

உண்ணஅரியன்என்று உந்தீபற (19)

வேறு எதையும் எண்ணாமல் திருவருளின் வழியிலேயே நிற்க பழக விட்டால், தன் முனைப்பு நம்மை விட்டு படிப்படியாக நீங்கும். இறை உணர்வு நமக்குள் பாயும்.

இரவுபகல்இல்லாஇன்பவெளிஊடே

விரவிவிரவிநின்றுஉந்தீபற

விரையவிரையநின்று உந்தீபற (20)

இரவு என்பது கேவல நிலை (பிறவிக்கு முந்திய நிலை). பகல் என்பது சகல நிலை (கருவி கரணங்களுடன் கூடிய ஏகதேச அறிவு விளங்கும் நிலை) . இவ்விரு நிலையிலும் திருவருளை பிரியாமல் உயிர்கள் நிற்க வேண்டும்.

சொல்லும் பொருள்களும் சொல்லா தனவும் அங்கு

அல்லனாய் ஆனான் என்று உந்தீபற

அம்பிகை பாகன் என்று உந்தீபற (21)

மாதொருபாகன், சுட்டறிவுக்கு எட்டிய பொருள்களோ கற்பனைக்கு அடங்காத பொருள்களோ அதற்கும் அப்பாலும் இறைவன் இருக்கிறான்.

காற்றினை மாற்றி கருத்தைக் கருத்தினுள்

ஆற்றுவது ஆற்றல் என்று உந்தீபற

அல்லாதது அல்லது என்று உந்தீபற (22)

அட்டாங்க யோகத்தில் ஒன்று பிராணாயாமம் எனும் மூச்சுப் பயிற்சி. அப்பயிற்சியின் போது, கருத்தை இறைவன் திருவடியில் செலுத்துவது பேராற்றலாகும்.