ஒளவைக்குறlள் - 5. வாயு தாரணை

௨

ஒளவையார் அருளிச்செய்த

ஞானக்குறள்

தகவல் பலகை	விவரம்
பால்	வீட்டுநெறிப்பால்
அதிகாரம்	05 . வாயு தாரணை
தொடர்புடைய சிந்தனை	திருமந்திரம், திருக்குறள்

💡 ஐந்தாவது பத்து (வாயு தாரணை)

மூலத்தில் தோன்றி முடிவில் இரு நான்கு ஆகிக்

கால் வெளியில் பன்னிரண்டு ஆம் காண். 41

மூச்சை இழுக்கும்போது எட்டு (2x4=8) அளவீட்டு மாத்திரை காலம் இழுக்க வேண்டும். காற்று நுரையீரலில் தங்கும் காலம் பன்னிரண்டு மாத்திரை அளவாக இருக்க வேண்டும்.

இடை பிங்கலைகளில் ரேசக மாற்றில்

அடையும் அரனார் அருள். 42

இடைகலை (இடது மூக்கு) மற்றும் பிங்கலை (வலது மூக்கு) வழியாக மூச்சை இழுத்து முறையாக வெளிவிட்டால் (ரேசகம்) இறைவன் அருள் கிட்டும்.

அங்குலியான் மூடி முறையால் இரேசிக்கில்

பொங்குமாம் பூரகத்தின் உள். 43

மோதிர விரலால் மூக்கின் ஒரு துளையை மூடி மூச்சை வெளிவிட்டு பின்னர் இழுத்தால், உள்ளே செல்லும் காற்று பூரித்துப் பொங்கும்.

எண்ணிலி ஊழி உடம்பாய் இரேசிக்கில்

உண் நிலமை பெற்றது உணர்வு. 44

எண்ணங்கள் இன்றி மூச்சை வெளியேற்றினால், உடல் உண்மையான ஆன்ம உணர்வைப் பெறும்.

மயிர்க்கால் வழி எல்லாம் மாய்கின்றவாயு

உயிர்ப்பு இன்றி உள்ளே பதி. 45

உடலின் மயிர்க்கால்கள் வழியாக வெளியேறும் காற்றைச் சீராக்கி, அதை வெளியேறாவண்ணம் உள்ளே நிலைநிறுத்தப் பழக வேண்டும்.

இரேசிப்பது போலப் பூரித்து நிற்கில்

தராசுமுனை நாக்கு அதுவே யாம். 46

மூச்சை வெளிவிடுவது போல உள்ளே நிறுத்திப் பழகினால், தராசு முள் போல நாக்கு நிலைபெற்று யோக நிலை கைகூடும்.

கும்பகத்தின் உள்ளே குறித்து அரனைத் தான் நோக்கிற்று

உம்பி போல் நிற்கும் தொடர்ந்து. 47

மூச்சை உள்ளே நிறுத்தும் கும்பக நிலையில் இறைவனைத் தியானித்தால், அது யானையின் துதிக்கை போல வலிமையாக நிலைக்கும்.

இரேசகம் பூரகம் கும்பக மாற்றில்

தராசு போல் நிற்கும் தலை. 48

மூச்சை வாங்கி (பூரகம்), நிறுத்தி (கும்பகம்), வெளிவிடும் (ரேசகம்) பயிற்சியைச் சரியாகச் செய்தால் உடல் நிலைபெற்று தராசு போல இருக்கும்.

வாயு வழக்கம் அறிந்து செறிந்து அடங்கில்

ஆயுட் பெருக்கம் உண்டாம். 49

மூச்சுக்காற்றின் ரகசியத்தை அறிந்து அதைக் கட்டுப்படுத்தினால், மனிதனின் ஆயுள் காலம் பெருகும்.

போகின்ற வாயு பொருந்திற் சிவம் ஒக்கும்

தாழ்கின்ற வாயு வடக்கு. 50

வெளியேறும் காற்று சிவம்; உள்ளே தங்கும் காற்று சீவன். இரண்டையும் சமநிலைப்படுத்தினால் மரணமில்லா பெருவாழ்வு கிட்டும்.