2. திருவுந்தியார் !

௨ திருவியலூர் உய்ய வந்த தேவநாயனார் அருளிச்செய்த

திரு உந்தியார்

தகவல் பலகை	விவரம்
நூல் பெயர்	திருஉந்தியார்
நூல் ஆசிரியர்	திருவியலூர் உய்ய வந்த தேவநாயனார்
காலம்	12ம் நூற்றாண்டு

திருவாசகத்தில் வரும் தாழிசைப் பாடல்கள் போல 45 பாடல்களால் அமைந்தன.

உந்தீபற = உம்+தீ+பற என உம்முடைய தீவினைகள் பறந்து விடுவதாக அமைந்துள்ளது.

💡 உபதேசம் - பாடல்கள் 7-11

உள்ளம் உருகி, உடன் ஆவார். அல்லது

தெள்ள அரியர் என்று உந்தீபற

சிறப்பரச் செல்வர் என்று உந்தீபற 7

சித்தத்திலும், அதைவிட நுணுக்கமான இடத்திலும் இருப்பவர் கடவுள் என்ற உணர்வு, கடவுளை நினைத்து உருகினால், மட்டுமே நம்மோடு கடவுள் இருப்பதை உணர முடியும்.

ஆதாரத்தாலே நிராதாரத்தே சென்று

மீதானத்தே செல்க உந்தீபற

விமலறக்கு இடம் அது என்று உந்தீபற 8

குற்றமற்ற கடவுளுக்கு இடம் எது எனில், ஆறு ஆதார சக்கரங்களில் இறைவனை தியானித்து, உச்சியில் நிறுத்த செய்யும் இடமே ஆகும்.

ஆக்கில் அங்கே உண்டாய் அல்லது அங்கு இல்லையாயப்

பார்க்கில் பரம் அது அன்று உந்தீபற

பாவனைக்கு எய்தாது என்று உந்தீபற 9

பாவனைக்கு கடவுள் எட்ட மாட்டார். உண்டு என்றால் உண்டு இல்லை என்றால் இல்லை.

அஞ்சே அஞ்சு ஆக அறிவே அறிவு ஆகத்

துஞ்சாது இருந்து உணர்ந்து உந்தீபற

துய்ய பொருள் ஈது என்று உந்தீபற 10

அறிவுக்கு ஆதாரமாக ஒரு நுண்ணறிவு தொழில்படும் அதை உணரும் போது உணரப்படும் பொருளாக கடவுள் இருப்பார்.

தாக்கியே தாக்காது நின்றதோர் தற்பரம்

நோக்கில்குழையும் என்று உந்தீபற

நோக்காமல் நோக்க என்று உந்தீபற 11

தொடர்பு கொண்டு இருந்தாலும் தொடர்பு இல்லாமல் இருந்தாலும் கடவுள் எனும் நுண் பொருள் இருக்கும். அதை உணர்ந்து கொள்வதே கடவுள் தன்மையது ஆகும்.

மறு வாசிப்பு 👉🏽 .