ஞானக் குறள் - 30. தூய தரிசனம்

௮௦ 

ஒளவையார் அருளிச்செய்த

ஞானக்குறள்

தகவல் பலகை	விவரம்
பால்	தன்பால்
அதிகாரம்	30. துரிய தரிசனம்
தொடர்புடைய சிந்தனை	திரு மந்திரம் முக்கலைகள் (ஞாயிறு, திங்கள், செந்தீ) உள் அமாவாசை & பௌர்ணமி

பிண்டத்தினுள் அண்டத்தின் இயக்கத்தைக் காணும்

துரிய நிலை விளக்கம்.

💡 ஞானக்குறள் - முப்பதாவது பத்து (துரிய தரிசனம்)

வன்னியது எட்டு மதியம் பதினாறு

முன்னிய பன்னிரண்டும் உள். 291

உடலினுள்ளே சூரியனுக்குப் பன்னிரண்டு கலைகளும், சந்திரனுக்குப் பதினாறு கலைகளும், அக்கினிக்கு (வன்னி) எட்டு கலைகளும் உள்ளன என்பதை உணர்க.

சூரியன் வன்னி ஒன்றாகிடில் சோமனாம்

பாருமின் இது பயன். 292

சூரிய கலையோடு அக்கினி கலை சேரும்போது சந்திரன் (சோமன்) ஒளிபெறுவான்; அந்த யோகப் பயனை அனுபவித்து உணருங்கள்.

---

திருமந்திரச் சிந்தனை:

"குரவ னுயிர்முச் சொரூபமுங் கைக்கொண்... உருகிட என்னையங் குய்யக்கொண் டானே."

மதியொடு வன்னி ஒன்றாகவே வந்தால்

கதிரவன் ஆம் என்று காண். 293

சந்திர கலையோடு அக்கினி கலை ஒன்றாகக் கலந்தால், அங்கே ஞான சூரியன் (கதிரவன்) தானாகத் தோன்றுவான்.

மதிக்குள் கதிரவன் வந்து அங்கு ஒடுங்கில்

உதிக்குமாம் பூரணைச் சொல். 294

சூரிய கலை அக்கினியுடன் இணைந்து சந்திரனுக்குள் ஒடுங்கும்போது, அதுவே பதினாறு கலைகளும் நிறைந்த 'பூரணை' (பௌர்ணமி) நிலையாகும்.

---

திருமந்திரச் சிந்தனை:

"அங்கி மதிகூட வாகுங் கதிரொளி... தங்கி யதுவே சகலமு மாமே."

தோற்றும் கதிரவன் உண்மதி புக்கு இடில்

சாற்றும் அமாவாசை தான். 295

உடலினுள்ளே சூரிய கலையும் சந்திர கலையும் ஒரு புள்ளியில் சேருவதே யோகிகள் காணும் அமாவாசை நிலையாகும்.

வன்னி கதிரவன் கூடி இலத்தகை

பின் இவையாகும் எலாம். 296

அக்கினியும் சூரியனும் கூடும் தன்மையைப் பொறுத்தே உடலில் திதி மாற்றங்கள் (அமாவாசை, பூரணை) நிகழ்கின்றன.

அமாவாசை பூரணையாகும் அவர்க்குச்

சமனாம் உயிர் உடம்பு தான். 297

இம்மாற்றங்களைச் சூக்குமமாக உணர்ந்து செயல்படுபவர்களுக்கு, உயிரும் உடலும் சமநிலை பெற்றுப் பிரியாமல் இருக்கும்.

அண்டத்தில் உமிந்தவாறு என்று அறிந்திடு

பிண்டத்தில் உமதுவே பேசு. 288

பேரண்டத்தில் சூரிய சந்திரர்களின் சேர்க்கை எப்படி நிகழ்கிறதோ, அதுபோலவே உன் உடலாகிய சிற்றண்டத்திலும் நிகழ்கிறது என்பதை அறிவாயாக.

ஏறு மதியம் இறங்கிடில் உறங்கிடும்

கூறுமப் பூரணை கொள். 299

கலைகள் கூடிச் சேரும் காலத்தையும் பிரியும் காலத்தையும் உணர்ந்து தவம் செய்வதே பூரணை நிலையைக் கொள்வதாகும்.

---

திருமந்திரச் சிந்தனை:

"எய்து மதிக்கலை சூக்கத்தி லேறியே... துய்யது சூக்கத்துத் தூலத்த காயமே."

உதிக்கும் மதியமும் கண்டம் குறங்கில்

மதிக்கும் அமாவாசை ஆம். 300

சூரிய கலையை விட்டு சந்திரகலை பிரியும் அந்த இடைவெளியில் மனதை நிறுத்தித் தவம் செய்தால், பேரொளியைத் தரிசிக்கலாம்.