ஞானக் குறள் - 31. உயர் ஞான தரிசனம்

௪௧ 

ஒளவையார் அருளிச்செய்த

ஞானக்குறள்

தகவல் பலகை	விவரம்
பால்	தன்பால்
அதிகாரம்	31. உயர்ஞான தரிசனம்
தொடர்புடைய சிந்தனை	சரவோட்டம் யோகப் பயிற்சி வீடுபேறு

சரக் கலைகளின் சூக்குமத்தை விளக்கும்

உயர்ஞானப் பெருவழி.

💡 ஞானக்குறள் - முப்பத்தி ஒன்றாவது பத்து (உயர்ஞான தரிசனம்)

கொண்ட்டு மண்டல மூன்று அங்கி தன்னை இப்

பிண்டமும் ஊழி பிரியா. 301

சூரிய, சந்திர, அக்கினி மண்டலங்களை உந்தியில் இணைத்தால், காலனாலும் உயிரையும் உடலையும் பிரிக்க முடியாது; மரணத்தை வெல்லலாம்.

வெள்ளி புதனொடு திங்களிடம் எனத்

தள்ளுமின் கால சரம். 302

திங்கள், புதன், வெள்ளி ஆகிய நாட்களில் சந்திர கலையை இடைகலையில் (இடம்) இயங்கச் செய்வது முறையான யோகப் பயிற்சியாகும்.

செவ்வாய் சனி நாயிறு வலமாகவே

கொள்ளில் இவ்வாறு இடரும் இல். 303

செவ்வாய், சனி, ஞாயிறு ஆகிய நாட்களில் சூரிய கலையை வலப்புறமாக இயங்கச் செய்தால் வாழ்க்கையில் இடர்கள் வாராது.

வளர்பொன் னிடம்பிறைத் தேய்வு வலமாம்

வளர்பிறை என்றே மதி. 304

வளர்பிறை வியாழனில் இடப்பக்கமும், தேய்பிறை வியாழனில் வலப்பக்கமும் மூச்சைச் செலுத்துவது உயரிய ஞானவினையாகும்.

வலத்தில் சனிக்கே இராப்பகல் வாயு

செலுத்து பேராது செயல். 305

சனிக்கிழமைகளில் மட்டும் இரவும் பகலும் சூரிய கலையில் அபான வாயுவைச் சேர்த்துச் செலுத்துவது பெரும் சித்தியைத் தரும்.

இயங்கும் பகல் வலம் இராவிடம் வாயு

தயங்குறல் நாடிக்குட் டான். 306

உயிர்க்காற்று பகலில் வலப்பக்கமும், இரவில் இடப்பக்கமும் நாடிகளுக்குள் இயங்குவதே இயல்பான சர ஓட்டமாகும்.

அரசு அறியாமல் அவன் பேர் உறைந்துத்

தரைதனை ஆண்ட சமன். 307

புற உலகம் அறியாமல் அகத்தே இறைவனோடு உறைந்து தவம் செய்வது, இவ்வுலகையே ஆளும் வலிமைக்கு இணையானது.

கல்லாத மூடர் திரு உருக்கொண்டிடச்

செல்லாதது என்ன செயல். 308

உண்மை ஞானத்தைக் கல்லாதவர்கள் புறச் சடங்குகளை மட்டும் செய்வதால் இறைப் பதத்தை அடைய முடியாது.

திருவருட் பாலைத் தெரிந்து தெளியில்

குரு விருப்பாம் என்று கொள். 309

இந்தத் திருவருட்பாலின் கருத்துக்களைத் தெளிந்தால், உன்னை வழிநடத்த இறைவனே குரு வடிவாக உன்னை நாடி வருவான்.

கற்கிலும் கேட்கிலும் ஞானக் கருத்துற

நிற்கில் பரம் அவை வீடு. 310

நூல்களைக் கற்றாலும் கேட்டாலும், அந்த ஞானக் கருத்தில் உறுதியாக நின்றால் மட்டுமே வீடுபேறு கிட்டும்.